15 qarasha – Ulttyq valúta kúni
15 qarasha — Qazaqstan Respýblıkasynyń ulttyq valútasy teńgeniń týǵan kúni. Bul data 1997 jyldyń 15 qarashasynan bastap teńgeniń týǵan kúni ári qarjygerler kúni bolyp atap ótilýde.
Tól teńgemiz 1993 jyldyń 15 qarashasynda aınalymǵa endi. Osy arqyly qoldanysta bolǵan keńestik rúbldiń tarıhyna núkte qoıdy.
Jas memleket úshin bul sheshim ońaıǵa soqpady. Jalpy, teńge memlekettik qupıa retinde sanalyp, astyrtyn júzege asty. Bul týraly Elbasy Nursultan Nazarbaev:
— 7 mıllıon dollar taýyp, aqshamyzdyń qalǵan bóligin shyǵarýǵa qajetti shyǵyndy tóledik. Tórt «IL-76» ushaǵyn jaldap, aqshamyzdyń 60 paıyzyn tasyp aldyq. Bul óte qupıa operasıa edi. Qujattarǵa «Memleket basshysynyń salynyp jatqan rezıdensıasyna kerekti múlik» dep jazyldy. Oǵan deıin oblystarda jerasty qoımalaryn jasatyp qoıdyq, — degen bolatyn.
Ulttyq valúta ataýyn tańdaý barysynda kóptegen pikir qaıshylyqtary oryn aldy. Mamandar «Altyn», «Aqsha», «Som», «Tánga» nusqalaryn usyndy. Bastapqyda «Som» dep ataý josparlanǵan edi. Degenmen, 1993 jyly qyrǵyz somy aınalymǵa engennen soń, bul esimnen bas tartty. Al «Teńge» ataýyn akademık Saýyq Tákejanov usyndy. Ǵalym ortaǵasyrlyq túrikter kúmis monetalaryn «denge» nemese «tánga» dep ataǵanyn ortaǵa qoıdy.
Alǵashqy banknottar Ulybrıtanıada basylyp shyqty. Banknottar bir apta boıy ushaqpen Qazaqstanǵa jetkizildi. Bas-aıaǵy 18 reıs jasaldy.
Alǵashqy banknottarda:
1 teńgede — ál-Farabı
3 teńgede — Súıinbaı
5 teńgede — Qurmanǵazy
10 teńgede — Shoqan Ýálıhanov
20 teńgede — Abaı Qunanbaıuly
50 teńgede — Ábilqaıyr han
100 teńgede — Abylaı hannyń portreti beınelendi.
You Might Also Like
-
Tarıhshy Muhammed Haıdar Dýlatı eńbekterinde Qazaq handyǵy 1465 jyly Qozybasy taýynyń eteginde qurylǵanyn jazady. Handyqty Ábilqaıyr ulysynan bólinip shyqqan Kereı men Jánibek sultandar qurdy. Bastap...
-
— Qazaqta tańǵy asyn ishpeı sharýaǵa attanbaǵan. Eń bolmaǵanda bir úzim nan jep ketýi kerek. Asyǵys adamnyń «nan aýyz tıeıin», nemese «nan aýyz tıseńizshi» dep jatatyny d...
