InfoHub Logo

16 jeltoqsan - Táýelsizdik kúni
Erteńgilik taqyryby: «Ar namysym, qasiretim, maqtanyshym - Jeltoqsan»

Ótý barysy:
Tárbıeshi: Táýelsizdik - bastaýy bar baqyttyń
Táýelsizdik - ultyń menen uranyń
Shartarapta shattyǵyndaı azattyq
Ǵasyr súıip turǵandaıyn ǵajap kún
Kók baıraǵy, Eltańbasy, birligi
Shalqı bersin Ánurany qazaqtyń
Ánuran oryndalady
Qazaq halqy erkindikke jetý úshin qanshama qıyn - qystaý kezeńderdi bastan keshirdi. Myńdaǵan jyldyq tarıhy bar. Al 1986 jylǵy oqıǵa halyqtyń esine máńgi saqtalady. 16 - jeltoqsanda qazaq jastary ortalyq alańǵa shyǵyp, Qazaqstan táýelsizdigin talap etti. Bul kún - Qazaqstan tarıhynda táýelsiz Qazaqstan Respýblıkasynyń týǵan kúni dep altyn árippen jazyldy. Sondyqtan da jeltoqsan búkil halyqtyq mereke.

- Balalar, biz osy táýelsizdikke ońaı jetken joqpyz. Onyń bir kórinisi jeltoqsan oqıǵasy.
Jeltoqsan oqıǵasynda eren erligimen kózge túskender óte kóp, solardyń biri - Qaırat Rysqulbekov. Ol qyrshyn jasyn qıdy. Oǵan úlken aıyp taǵyldy.
Erligine qýanam da, súıenem,
Qaırat aǵa rýhyńa men ıilem.
Báısheshektiń solǵanyna ah ursam,
Ádil jannyń qazasyna kúıinem.
Lazzat Asanova 1970 jyly ómirge kelgen. Jeltoqsan oqıǵasyna Almaty qalasyndaǵy mýzyka ýchılıshesinde oqyp júrgen kezinde qatysqan edi. Ol ne bári 16 jasta edi, jáne Sabıra Muhamedjanova, Erbol Spataev degen jastarymyz jeltoqsan oqıǵasynda erlikterimen kózge túskender.
Osydan 29 jyl buryn, ıaǵnı 1986jyly Almatynyń bas alańyna jastar jaman oımen barǵan joq. Olar beıbit jolmen táýelsizdikke qol jetkizý úshin qatysqan. Endi mine, osy jeltoqsan kóterilisine qatysqan aǵalarymyz ben apalarymyzdyń arqasynda ata - babalarymyz úsh ǵasyrǵa jýyq ýaqyt boıy armandaǵan táýelsizdikke qol jetkizdik
Bas alańda el josqan
Jastar qany jýǵan tún.
16 - jeltoqsan Táýelsizdik týǵan kún!
Mine, balalar, búgingi tańda Qazaqstan táýelsiz memleket. Bizdiń ózimizdiń týymyz, eltańbamyz, ánuranymyz bar. Egemendi Qazaqstan memleketimiz.
Sender Otanymyzdyń urpaqtarysyńdar. Jaqsy oqyp, úlgili, tártipti bolyńdar. Óz eli men jerińdi kórkeıtip Qazaqstannyń namysyn qorǵaıtyn keleshek urpaqtyń aqylshysy, tiregi sender bolmaqsyńdar. Endeshe merekege arnaǵan tartýlaryńdy ortaǵa sala
qoıyndar.
Dımash:
Meniń Otanym Qazaqstan, men taqpaǵymdy Otanyma arnaımyn.
Otanym, jerim, aýylym
Ákeshim, ana, baýyrym
Otannyń súıem qum tasyn
Súıemin qaryn jaýynyn
Alınur:
Otanym - elim, keń dalam
Qustary bıik samǵaǵan
Men seniń Otan bir balań
Qorǵaýǵa ózin arnaǵan.
Erlan:
Otan seniń ata - anań,
Otan dosyń baýyryń
Otan úlken Astanań.
Oǵan jaqyn baýyryń
Adelá:
Men Qazaqstanymdy sheksiz súıemin.
Qazaqstan - elim meniń
Otanym - jerim meniń
Ózińnen ósken tarap
Ata - babam tegim meniń
Ilgar:
Seni Otan qasıetti
Súıedi bar ulanyń
Baıraǵy jelbiregen
Asqaqtap ánurannyń.

Ernur:
Al men elimdi qorǵaıtyn batyr bolamyn
Men kishkentaı balamyn
Taıdaı ósip tolamyn
Talabym bıik asqar shyń
El súıgen er bolamyn
Án:
Anzor:
Bilim alam talmaımyn
Jamandyqqa barmaımyn
Babalardaı er júrek
Elimdi men qorǵaımyn.
Jansaıa:
Men eltańbamdy qadirleımin, sol jaıynda aıtamyn.
Shańyraqtan taralǵan
Qos pyraqtaı bar arman
Tatýlyq pen eldigim
Ýyqtaı nyq qadalǵan
Aızere:
Bes qurlyqqa tanylǵan
Juldyz bolyp jaǵylǵan
«Qazaqstan - Otanym»
Dep aıshyqty jazylǵan.
Balǵanym: Ánuranymdy maqtanyshpen jyrlaımyn:
Altyn kún aspany
Dep aıtar jastary
Ánurany elimniń
Aıbyny dastany.
Saıan: Al men taqpaǵymdy ásem qala Astanaǵa arnaımyn.
Astana - úmit qalasy
Bas bolǵan eldiń danasy
Maqtana oǵan qaraıdy,
Qazaqtyń barlyq balasy.
Kamshat:
On altynshy jeltoqsan
Táýelsizdik alǵan kún
Erekshe bop máńgilik
El jadynda qalǵan kún
Oıyn: Arqan tartys
Bı:
Gýlzat:
Ádilettiń urany,
Aqıqattyń shyraǵy.
Tynyshtyqtyń týy bop,
Zor saltanat kurady

Gúlsezim:
Kúlemiz oınaımyz
Demalyp alańsyz
Rızamyz saǵan biz
Uly Otan - anamyz!
Dınara:
Meniń elim - alyp el,
«Bar ǵoı onda bári» de
Ózende bar, kól de bar,
Teńizde bar, shól de bar.
Janerke:
Endi mine biz táýelsiz el boldyq
Basqalar men terezesi teń boldyq
Árqashanda biz daıynbyz taısalmaı
Otan úshin bolýǵa da qurbandyq
Alına:
Qasıetti Qazaqstan mekenim,
Aqıqattyń altyn besigi ekensiń.
Elim, jerim, Otanym - baq - dáýletim,
Bolashaǵym, óner - bilim, órkenim.
Baqdáýlet:
Beıbit ómir tileımin men halqyma
Týǵan tilim shubarlanba jarqyra
Tarıhymyzda talanttylar kóbeısin
Bas ıemin ata baba rýhyna.
Boıymda áni bulaq jatyr burqyrap
Sol bulaqtan syr aǵyzdym jyr qurap
Tileıtinim barsha jurtqa bir ǵana
Yrys, baqyt, tatýlyq pen yntymaq.

Qurmetti ata - analar, qonaqtar, eńseli elimizdiń egemendik alǵan ortańǵy top búldirshinderimen uıymdastyrylǵan «Ar namysym, qasiretim, maqtanyshym - Jeltoqsan» atty merekelik erteńgiligimiz aıaqtaldy. Táýelsizdigimiz máńgilik bolsyn degen tilekpen, sizdermen qoshtasamyz.