InfoHub Logo

Ár adamnyń esinde erekshe estelikterimen jattalyp qalatyn stýdenttik shaq eshqashan umytylmaıdy. Qyzyǵy men shyjyǵy mol stýdenttik kezeń árdaıym áserli de qyzyqty áńgimeniń arqaýy bolary haq. Búgingi kúni stýdentterdiń ár kúni merekedeı ótse de, kúntizbede belgilengen olardyń ózindik meıramy bar. Ol — halyqaralyq stýdentter kúni. Búgingi merekede osy ataýly kúnge qatysty derekter men joǵary oqý oryndarynda oqyp júrgen talantty, jan-jaqty stýdentter jaıly jazýdy jón kórdik.

Stýdentter kúniniń ózindik tarıhy bar. Búginde bul kún kóńildi jastyq shaq pen romantıkanyń kúni bolǵanymen munyń tarıhynda kóńilsiz jaıttar jatyr.

Tarıhı derekterge súıensek, 1939 jyly 28 qazan kúni fashıser basyp alǵan Chehoslovakıanyń stýdentteri men ustazdary Chehoslovakıa memleketiniń qurylǵanyna jıyrma bir jyl bolǵanyn atap ótý úshin sherýge shyqqan. Basqynshy bólimder sherýdi basyp tastap, sonymen birge medısına fakúltetiniń stýdenti Ian Opletaldy atqan.1939 jyly 15 qarashada Iana Opletaldy jerleý rásiminde stýdentter qaıtadan narazylyq tanytqan. Sherýge shyqqandardyń kóbi qamaýǵa alynyp, 17 qarashada tańerteń stýdenttik jataqhanalardy qorshaǵan. 1200-den astam stýdent ustalyp, Zaksenhaýzendegi konslagerlerge qamalǵan. Stýdenttik qozǵalystyń toǵyz belsendi stýdenti Rýzına atty pragalyq aýdanda túrme qabyrǵasynda sotsyz darǵa asylǵan.Arada biraz ýaqyt ótken soń 1946 jyly 17 qarashada Pragada ótken chehıalyq stýdent-patrıottardyń qurmetine bolǵan Búkilálemdik stýdentter kongresinde bul kún Halyqaralyq stýdentter kúni bolyp belgilengen.Mine, qaıratty minez, jigerlik pen jastyq shaqtyń merekesi – Stýdentter kúniniń shyǵý tarıhy osyndaı. Alaıda bul mereke jaǵymsyz oqıǵalarmen bastaý alǵanymen, búgingi kúni jastar osy bir kúndi erekshe sán-saltanatpen atap ótedi.Bıyl dástúrli merekeni aqtóbelik stýdentter de atap ótip jatyr. Joǵary oqý oryndarynda konsertter, kezdesý keshteri, kóńildi tapqyrlar saıysy uıymdastyrylyp, stýdentter jas teatrlardyń qoıylymdaryn tamashalaıdy.

Qapar Erentaı

Búginderi bul kún álemniń kóptegen elderinde toılanady. Jastardyń merekesi bolǵandyqtan, bul kún stýdentter qaýymyna óte tanymal. Endeshe, stýdentter, mereke qutty bolsyn! Ár kúnderińiz bilim men jarqyn estelikterge toly bolsyn! 

---