InfoHub Logo

Qazaqstan tarıhy páninen ashyq sabaq jospary

Sabaqtyń taqyryby: 1837 - 1847 jyldardaǵy Kenesary Qasymuly bastaǵan kóterilis.
Sabaqtyń maqsaty:
Bilimdiligi: Oqýshylarǵa Kenesary Qasymuly bastaǵan, qazaq sharýalary qatysqan kóterilistiń maqsatyn, jeńilý sebepterin, tarıhı mańyzy týraly túsinik berý, baıandaý.
Damytýshylyǵy: Oqýshylardyń boıyndaǵy qazaq halqynyń tarıhyn tereńirek oqyp - úırenýge, ony sanalyqpen túsinýge úırete otyryp, olardyń qabiletin jan - jaqty damytý.
Tárbıeliligi: Bilimdilikke, batyrlyqqa, ójettilikke, Otan súıgishtikke tárbıeleý.
Sabaqtyń ádisi: Suraq - jaýap, test, baıandaý.
Sabaqtyń túri: Jańa bilim meńgertý.
Pánaralyq baılanys: Ádebıet,
Sabaqtyń kórnekiligi: Interaktıvti taqta, kartochkalar, býklet.

Sabaqtyń júrisi: İ. Uıymdastyrý.
İİ. Úı tapsyrmasyn suraý.
Kartochkalyq suraqtar:
1. 1812 jylǵy soǵystyń bastalýy týraly habardy qazaqtar qalaı qabyldady?
2. Qazaq jaýyngerleriniń negizgi shaıqastarǵa qatysýy jaıly aıtyp berińder?
3. Qazaqtardyń 1812 jylǵy soǵysqa qatysýy eki halyqtyń áskerı yntymaqtastyǵyna qalaı áser etti?

İİİ. Jańa sabaq.
HİH ǵasyrdyń 20j qaraı Uly júzdiń bir bóligi, Kishi júzdiń ońtústik óńiriniń bir jaǵy Qoqan bekteriniń bıliginde boldy. Tipti orta júzdiń bir bóligin ózine qaratýǵa tyrysqan Qoqan bıleýshileri qazaqtardan alym - salyq jınap, berekesin ketirdi
HİH ǵ 20 - 30 jj Hıýa handyǵy da shekti, tabyn, tórtqara, baıuly rýlaryna qysym kórsetip, Syr ózeniniń tómengi aǵysynda birneshe bekinis turǵyzdy. Saýda kerýenderin tonaǵan, qazaqtardyń tynyshtyǵyn alǵan hıýalyqtar joryǵynyń saldary aýyr boldy.
1822 j Jarǵy boıynsha jańa okrýgterdi uıymdastyrý mal sharýashylyǵymen aınalysqan qazaqtardyń sharýashylyq jaǵdaıyn múlde quldyratyp jiberdi. Otarshyldyq qanaýǵa qarsy adýyndy qazaqtardyń kúresin Abylaı hannyń nemereleriniń biri sultan Sarjan Qasymuly (Kenesarynyń aǵasy) basqardy. Kenesary 1824 jyldan bastap aǵasy Sarjannyń kóterilisine qatysty. 1836 j Sarjandy Qoqan hany óltirdi, 1840 j ákesi, baýyrlary qaıtys boldy.
Patsha úkimetiniń Jańa Elek boıyna áskerı shep sala bastaýy, Kishi júzde bı Jolaman Tilenshiuly kóterilisiniń bastalýy sebep boldy. HİH ǵ 30 - 40 jj qamtyǵan eń iri halyqtyq sıpaty bar kóterilis basshysy – Abylaı hannyń nemeresi, Qasym tóreniń balasy, sultan Kenesary (1802 - 1847 jj)