InfoHub Logo

Qurmetti muǵalimder!
Eger sizderge oqýshylardy qashyqtyqtan oqytýdy josparlaý qajet bolsa, onda bul ádistemelik usynymdar sizder úshin. Qashyqtyqtan oqý jumysyn uıymdastyrýǵa baılanysty tehnıkalyq jáne ádistemelik máselelerdi qarastyraıyq.
Muǵalim úshin is-qımyl josparyn usynamyz.
Qashyqtyqtan oqytýdy qalaı júrgizetinińizdi anyqtańyz. Birinshi kezekte, oqýshylarmen qalaı jumys isteıtinińizdi oılańyz. Qashyqtyqtan jumysty tómende sıpattalǵan tásilderdiń birimen nemese olardyń kombınasıasyn paıdalana otyryp ótkizýge bolady.
Naqty ýaqyt rejımindegi kezdesýler:
Siz oqýshylarmen tikeleı efır ótkiziletin nemese onlaın-kezdesý taǵaıyndalǵan ýaqyt týraly kelisesiz. Onlaın-sabaqta siz materıaldardy túsindiresiz, oqýshylardyń suraqtaryna jaýap beresiz jáne olarǵa suraq qoıasyz. Maqalanyń sońynda siz onlaın-kezdesýler ótkizýge múmkindik beretin qyzmetter tizimin tabasyz.
Interaktıvti oqý materıaldary arqyly qashyqtyqtan oqytý:
Oqýshylardy oqytýdy ınteraktıvti oqý materıaldary arqyly: nusqaýlyqtar, oqý kontenti (beıne, ınteraktıvti beıne, mátin, sýretter), ózin-ózi tekserý, siltemeler jáne t. b. qurýǵa bolady. Osyndaı oqý materıaldarynyń kómegimen oqýshy jańa taqyrypty ózdiginen oqıdy. Oqýshylar qıyndyqtarǵa tap bolsa da, suraq qoıý arqyly tapsyrmalardy oryndaýdy jalǵastyrý úshin suhbat chatyn jasaý kerek.
Jumysty josparlańyz:
Bir apta sıaqty ýaqyt bólimin alyp, oqýshylardyń oqý pánińiz boıynsha jumysyn uıymdastyryńyz. Jumysty tutas uıymdastyrý úshin, oqýshylar qol jetkizýge tıis oqý nátıjelerinen bastańyz.
Ózińizge úsh suraq qoıyńyz:
Men oqýshylarymdy nege úıretkim keledi (olar qandaı oqý nátıjelerine jetedi)?
Oqýshylar muny qalaı úırenedi (olar oqý nátıjelerine qalaı jetedi)?
Men olarǵa qalaı qoldaý kórsete alamyn (men olarǵa oqý nátıjelerine qol jetkizýge qalaı kómektesemin jáne olarǵa qol jetkizgenin qalaı bilýge bolady)?
Jaýaptarǵa súıene otyryp, ózińiz úshin jumys josparyn quryńyz: qandaı oqý materıaldaryn jasaý kerek, oqýshylardyń jumysyn qalaı baqylaý kerek, olarǵa keri baılanysty qalaı jáne qashan berý kerek.
Oqýshylar úshin de jumys josparyn jasaýǵa bolady. Oqýshylarǵa kún boıy jáne búkil oqý aptasynda jumys ýaqytyn josparlaýǵa kómektesý úshin jospar qajet. Oqýshylarǵa arnalǵan jumys jospary tapsyrmamen jumysty bastaý úshin usynylatyn kún men ýaqytty, tapsyrmalardy oryndaý merzimin, muǵalimmen kezdesý úshin belgilengen ýaqytty, oqý materıaldaryna siltemelerdi (eger siz olardy birden bere alsańyz) nemese jumys júrgiziletin platformany qamtýy múmkin.
Oqýshylarmen qalaı baılanysatynyńyzdy anyqtańyz
Oqýshylarda oqý materıaldaryna qoljetkizýge múmkindik beretin kirý núktesi bolýy kerek. Eger siz oqýshylarmen jumysta keıbir platformany (blog, saıt, messendjerler, jabyq top jáne t.b.) paıdalansańyz, onda oqýshylar qashyqtyqtan oqytýda da solar arqyly jumys isteı alady. Eger mundaı platforma bolmasa, onda Oqý materıaldary elektrondyq jýrnal arqyly berilýi múmkin (ol júktemelerge tótep bere almaıdy, sondyqtan balamaly baılanys kózi bolýy kerek).

​Tolyq nusqasyn júktep alý​​​