25 - qazan Respýblıka kúnine arnalǵan tárbıe saǵaty
Respýblıkam meniń (Qazaqstan eline saıahat)
Maqsaty: Oqýshylardy týǵan jerin, týǵan elin, halqyn ardaqtap ótýge úıretý. Baqytqa jeter dańǵyl joldyń biri - týǵan Otandy súıýden bastalatynyn túsindirý.
Otanǵa degen patrıottyq sezimderin oıatý.
Kórnekilik: Qanatty sózder ilý. Tý, Eltańba, uly tulǵalardyń sýretterin ilý.
Qurmetti oqýshylar búgin sizderdiń nazarlaryńyzǵa «Respýblıkam meniń» atty aýyzsha jýrnal ótkizgeli otyrmyz. Aýyzsha jýrnal dep - aty aıtyp turǵandaı, tórt betten turatyn kúni buryn taqyryp boıynsha berilgen tapsyrmalardy kópshilikke jarıa etý.
Búgingi jýrnal 25 - qazan Respýblıka kúnine arnalady.
Adam shyr etip dúnıege kelgende, kindik qany tamǵan jerin – Otan deıdi. Árbir adamda Otanǵa, týǵan jerge degen ystyq sezim, úlken mahabbat bolady. Alysqa jolaýshylap ketip, týǵan jerine oralǵan sátte taýy da, tasy da saǵan ystyq bolyp turady. Adamzattyń paryzy - týǵan Otanyn gúldendirip, saqtap, urpaqtan urpaqqa jetkizý.
Uly aǵartýshy, halqymyzdyń rýhanı kósemi A. Baıtursynov: «Balam degen jurt bolmasa, jurtym deıtin bala qaıdan óssin»degen eken. Biz sizderge tek perzentimiz emes, elimizdiń erteńi, nurly bolashaǵy dep qaraımyz. Muhammed Paıǵambarymyz «Jastyq shaqta alǵan bilim - tasqa oıylǵan naqysh» degen eken. Endeshe sender bala kezden bastap tereń bilim meńgerýge tıissińder. Týǵan elimizdiń bıikke ushar suńqary, báıgeniń aldyn bermes tulpary bolyńdar degim keledi.
Qazaq poezıasynyń has sheberi Q. Amanjolov «Ne degen baqytty ediń, keler urpaq» dep jyrlaǵandaı, sender táýelsiz eldiń azamatysyńdar, senderdi memlekettik mereke Respýblıka kúnimen shyn júrekten quttyqtaımyn.
ÁNURAN
Elin, týǵan jerin súıetin, eliniń ótkeni men búginin, tarıhyn tebirene de tereńdeı oqyp, tarıhtyń zerdeli de shejireli betterine úńilgen ulandarymyz ózderiniń júrekterinen shyqqan oılaryn aq qaǵaz betine túsirgen eken. Kezekti osy ulandarǵa bereıik.
Jýrnaldyń birinshi beti «Elim meniń»dep atalady.
Egemendi elimiz jer betindegi basqa memlekettermen terezesi teń, órkenıetti el retinde tanylyp óziniń Eltańbasyn, Týyn, Ánuranyn belgiledi.
Osy bir qasıetti belgilerdiń mánin árbir urpaq tereń túsinip, ony qasterleı bilý kerek.
Maqtansań maqtan elim dep,
Tanı bil, eldik tańbańdy.
Eltańba, Týyń, Ánuran -
Shyrqatty bıik armandy.
Táýelsizdikke tán belgi -
Qasıetti osy rámizder -
Elime rýh, mán berdi,
Iesi onyń – myna bizder.
Jýrnalymyzdyń kelesi betin ashaıyq. Ol «Elimizdiń nyshandary» dep atalady.
Memlekettik tý - altyn kún alaýlaǵan zeńgir kók aspan tústes. Sol zeńgir aspannyń aıasynda baıaý qalyqtaǵan dala búrkiti. Arman arqalaǵan altyn búrkit qazaqtyń qyran kóńilin shyrqaý bıikke alyp shyqqandaı kórinis beredi. Memlekettik týdy daralaıtyn taǵy da bir belgisi - onyń sabyna taıaý tik tartylǵan ulttyq órnekti qoshqar múıiz jolaq. Ol - kóshpeli álemniń, darqan dal rýhynyń tynysy. Tý ortasyndaǵy altyn kún - halqymyzǵa nur bolyp shapaǵatyn shashyp tur. Altyn kúndi qanatymen jebep, órge kóterip, ushyp bara jatqan aqıyq qyran qus - erliktiń belgisi.
Týymyzdy qasterleý - halqymyzdy qasterleý.
Eltańba - álemde sırek kezdesetin Eltańba. Qazaq ómiriniń uly belgisi shańyraqtan taraǵan. Tań shapaǵyndaı ýyqtar arasyndaǵy aı múıizdi, altyn qanatty ǵajaıyp pyraqtar halqymyzdyń bolashaqqa umtylǵan asqaq armanynyń beınesindeı bolyp kórinedi. Qos pyraq ortaq shańyraqty qanatymen qorǵap tur. Qanat - asqaq arman nyshany. El belgisinde kók aspan, shańyraq, jaryq juldyz, qanatty tulpar, bıdaı sabaqtary beınelengen. Aspan kók - keńshilik, tynyshtyq, bıiktik belgisi.
Memlekettik Ánuran - elimizdiń mýzykalyq poetıkalyq emblemasy, ádebı sazdy tól qujaty. Ol halyq júreginiń lúpilin tumar ǵyp túıgen mýzykalyq sálem hat syndy.
1. 1992 jyly maýsym aıynyń 4 - inde qabyldanǵan Qazaqstan Respýblıkasynyń nyshandary - memlekettik týynyń avtory kim?
(Sýretshi - Sháken Nıazbekov)
2. «Qazaqstan» deıtin Otan - Anamyzdyń Eltańbasynyń avtory kim?
(Sáýletshi Jandarbek Málibekov jáne áıgili sýretshi Shota - Aman Ýálıhanov)
3. Ánuran avtoryn bilesiń be?
(Ánin jazǵan Shámshi Qaldaıaqov. Sózin jazǵan Jumeken Nájimedenov jáne qosymsha túzetilgen nusqaý avtory Prezıdentimiz N. Á. Nazarbaev)
Qazaqstan tuńǵysh Prezıdenti N. Á. Nazarbaev - dostyqtyń, birliktiń, baýyrmaldyqtyń týyn berik ustap, Qazaqstandy álemge pash etip otyrǵan, ǵasyr kýási bolǵan tulǵa. Qazaq topyraǵy kıeli. Sonaý zeńgir kókpen talasyp, Alataý baýraıynda Úshqońyr bıikteri men mundalap qol bulǵaıdy. Qaskeleń taýynan bastaý alyp, qar sýymen tolysyp, saı - salaǵa bóline erkeleı Shamalǵan ózeni aǵyp jatyr. Osyndaı tabıǵaty tamyljyǵan ólkede, jer jannaty Jetisýdyń tóskeıinde, Shamalǵan aýylynda bolashaq táýelsiz memleketimizdiń tuńǵysh Elbasy dúnıege kelgen. 1991 jylǵy1 jeltoqsannan Qazaqstan Respýblıkasynyń Prezıdenti bolyp keledi.
Talaı taǵdyr taýqymetine ushyrap, qazaq halqy búgingideı baqytqa qol jetkizý úshin qanshama qıyn buralań joldardan ótti deseńizshi?! Qazaq elin, qazaq jerin bilektiń kúshimen, almas qylysh ushymen, ótkir tilimen, qasıetti qanymen qorǵaǵan uly tulǵalarymyz tarıhta az emes.
Osy tulǵalardy jas urpaqqa tanytý maqsatynda jýrnaldyń kelesi betin «Elimizdiń uly tulǵalary» dep atadyq.
1. Ahmet Iassaýı - aqyn, oıshyl, ustaz, túrki jurtyna ımandylyq nuryn shashqan dinı aǵartýshy. «Dıýanı Hıkmet» kitabynyń avtory, dúnıe jınamaı adamdardy azǵyndyq jolynan saqtaýda qyzmet etken adam, jany taza bolǵan.
2. Áz Jánibek han - qazaq halqynyń handyǵyn quryp, halyqtyń óz aldyna erkin ómir súrýine at salysqan, jaý qolynda qalǵan qazaq jerin azat etken.
3. Muhammed Haıdar Dýlatı - tarıhshy, «Tarıhı rashıdı» atty eńbek jazǵan, qoǵam qaıratkeri.
4. Tóle, Qazybek, Áıteke - bılerimiz, halyqtyń ulttyq birligin nyǵaıtyp, halyqtyǵyn saqtaýǵa basshylyq jasaǵan danyshpan aqyn, sheshen, oıshyl gýmanıs kósemder.
5. Abylaı han - halyq maqtanyshy, HVİİİ ǵasyrdaǵy búkil qazaq elin erkin bılegen, eldiń tutastyǵyn qamtamasyz etken qaıratker, elshi, mámleger.
6. Qurmanǵazy Saǵyrbaıuly - qazaqtyń kúıshi, sazgeri, dombyrashy, halyqtyń aspaptyq kúı óneriniń klassıgi.
7. Shoqan Ýálıhanov - tereń oıly, asqan zeıindi, ǵylymnyń ár tarapynan bilimi bar, saıahatshy, zertteýshi, tarıhshy, geograf, etnograf, sýretshi, Shyǵysty zertteýshi, halqymyzdyń tuńǵysh ǵulama ǵalymy.
8. Abaı Qunanbaev - uly aǵartýshy, oıshyl, ǵulama. «Abaıdy taný arqyly biz Qazaqstandy álemge tanytamyz. Abaı árqashan bizdiń ulttyq uranymyz bolýǵa tıis»,- dep Elbasymyz N. Nazarbaev aıtqandaı, Abaı - jańa realısik jazbasha ádebıetiniń negizin salýshy, qazaq halqynyń bas aqyny.
Qazaq eli - kóp ultty memleket. Qazaqstan Respýblıkasynda 130-dan astam ulttar men ulystar tatý tátti ómir súrip jatyr. Búginde qazaq eli tek óz jerinde ómir súrip jatqan qazaqstandyqtardyń ǵana emes, shet eldegi birneshe myńdaǵan qandastarymyzdyń da saǵynyp jeter týǵan eli, qushaq jaıyp qarsy alar týǵan Otan - anasy.
Búgingi aýyzsha jýrnaldyń sońǵy beti: «Meniń Otanym - Qazaqstan» dep atalady.
(Úı tapsyrmasy boıynsha Qazaqstan týraly óleń joldaryn oqý)
Mereıli qazaq eliniń Elbasy el - jurtyn, judyryqtaı júregine syıǵyzyp, qyran qanatynyń astyna alyp, barsha jurttyń teńdigin, tatýlyq pen tynyshtyqty saqtaýdy maqsat etip, búgingi qazaq elin, osy dárejege jetkizdi. Osyndaı halyq qamyn oılaǵan azamaty bar qazaq elin búginde álem tanıdy. Elimizde máńgi tynyshtyq bolsyn! Súıikti Otanymyz Azat Qazaqstan máńgi jaınaı bersin, jarqyraı bersin! Barshańyzǵa baqyt, shańyraqtaryńyzǵa shattyq tileı otyryp, búgingi jýrnalymyzdyń sońǵy betin jabamyz.
Pavlodar oblysy, Ekibastuz qalasy,
«Ekibastuz qalasy ákimdiginiń bilim bóliminiń
№11 jalpy orta bilim beretin mektep»
memlekettik mekemesiniń kitaphanashysy
Sharbekova Saýlet Qabıbollaqyzy
Maqsaty: Oqýshylardy týǵan jerin, týǵan elin, halqyn ardaqtap ótýge úıretý. Baqytqa jeter dańǵyl joldyń biri - týǵan Otandy súıýden bastalatynyn túsindirý.
Otanǵa degen patrıottyq sezimderin oıatý.
Kórnekilik: Qanatty sózder ilý. Tý, Eltańba, uly tulǵalardyń sýretterin ilý.
Qurmetti oqýshylar búgin sizderdiń nazarlaryńyzǵa «Respýblıkam meniń» atty aýyzsha jýrnal ótkizgeli otyrmyz. Aýyzsha jýrnal dep - aty aıtyp turǵandaı, tórt betten turatyn kúni buryn taqyryp boıynsha berilgen tapsyrmalardy kópshilikke jarıa etý.
Búgingi jýrnal 25 - qazan Respýblıka kúnine arnalady.
Adam shyr etip dúnıege kelgende, kindik qany tamǵan jerin – Otan deıdi. Árbir adamda Otanǵa, týǵan jerge degen ystyq sezim, úlken mahabbat bolady. Alysqa jolaýshylap ketip, týǵan jerine oralǵan sátte taýy da, tasy da saǵan ystyq bolyp turady. Adamzattyń paryzy - týǵan Otanyn gúldendirip, saqtap, urpaqtan urpaqqa jetkizý.
Uly aǵartýshy, halqymyzdyń rýhanı kósemi A. Baıtursynov: «Balam degen jurt bolmasa, jurtym deıtin bala qaıdan óssin»degen eken. Biz sizderge tek perzentimiz emes, elimizdiń erteńi, nurly bolashaǵy dep qaraımyz. Muhammed Paıǵambarymyz «Jastyq shaqta alǵan bilim - tasqa oıylǵan naqysh» degen eken. Endeshe sender bala kezden bastap tereń bilim meńgerýge tıissińder. Týǵan elimizdiń bıikke ushar suńqary, báıgeniń aldyn bermes tulpary bolyńdar degim keledi.
Qazaq poezıasynyń has sheberi Q. Amanjolov «Ne degen baqytty ediń, keler urpaq» dep jyrlaǵandaı, sender táýelsiz eldiń azamatysyńdar, senderdi memlekettik mereke Respýblıka kúnimen shyn júrekten quttyqtaımyn.
ÁNURAN
Elin, týǵan jerin súıetin, eliniń ótkeni men búginin, tarıhyn tebirene de tereńdeı oqyp, tarıhtyń zerdeli de shejireli betterine úńilgen ulandarymyz ózderiniń júrekterinen shyqqan oılaryn aq qaǵaz betine túsirgen eken. Kezekti osy ulandarǵa bereıik.
Jýrnaldyń birinshi beti «Elim meniń»dep atalady.
Egemendi elimiz jer betindegi basqa memlekettermen terezesi teń, órkenıetti el retinde tanylyp óziniń Eltańbasyn, Týyn, Ánuranyn belgiledi.
Osy bir qasıetti belgilerdiń mánin árbir urpaq tereń túsinip, ony qasterleı bilý kerek.
Maqtansań maqtan elim dep,
Tanı bil, eldik tańbańdy.
Eltańba, Týyń, Ánuran -
Shyrqatty bıik armandy.
Táýelsizdikke tán belgi -
Qasıetti osy rámizder -
Elime rýh, mán berdi,
Iesi onyń – myna bizder.
Jýrnalymyzdyń kelesi betin ashaıyq. Ol «Elimizdiń nyshandary» dep atalady.
Memlekettik tý - altyn kún alaýlaǵan zeńgir kók aspan tústes. Sol zeńgir aspannyń aıasynda baıaý qalyqtaǵan dala búrkiti. Arman arqalaǵan altyn búrkit qazaqtyń qyran kóńilin shyrqaý bıikke alyp shyqqandaı kórinis beredi. Memlekettik týdy daralaıtyn taǵy da bir belgisi - onyń sabyna taıaý tik tartylǵan ulttyq órnekti qoshqar múıiz jolaq. Ol - kóshpeli álemniń, darqan dal rýhynyń tynysy. Tý ortasyndaǵy altyn kún - halqymyzǵa nur bolyp shapaǵatyn shashyp tur. Altyn kúndi qanatymen jebep, órge kóterip, ushyp bara jatqan aqıyq qyran qus - erliktiń belgisi.
Týymyzdy qasterleý - halqymyzdy qasterleý.
Eltańba - álemde sırek kezdesetin Eltańba. Qazaq ómiriniń uly belgisi shańyraqtan taraǵan. Tań shapaǵyndaı ýyqtar arasyndaǵy aı múıizdi, altyn qanatty ǵajaıyp pyraqtar halqymyzdyń bolashaqqa umtylǵan asqaq armanynyń beınesindeı bolyp kórinedi. Qos pyraq ortaq shańyraqty qanatymen qorǵap tur. Qanat - asqaq arman nyshany. El belgisinde kók aspan, shańyraq, jaryq juldyz, qanatty tulpar, bıdaı sabaqtary beınelengen. Aspan kók - keńshilik, tynyshtyq, bıiktik belgisi.
Memlekettik Ánuran - elimizdiń mýzykalyq poetıkalyq emblemasy, ádebı sazdy tól qujaty. Ol halyq júreginiń lúpilin tumar ǵyp túıgen mýzykalyq sálem hat syndy.
1. 1992 jyly maýsym aıynyń 4 - inde qabyldanǵan Qazaqstan Respýblıkasynyń nyshandary - memlekettik týynyń avtory kim?
(Sýretshi - Sháken Nıazbekov)
2. «Qazaqstan» deıtin Otan - Anamyzdyń Eltańbasynyń avtory kim?
(Sáýletshi Jandarbek Málibekov jáne áıgili sýretshi Shota - Aman Ýálıhanov)
3. Ánuran avtoryn bilesiń be?
(Ánin jazǵan Shámshi Qaldaıaqov. Sózin jazǵan Jumeken Nájimedenov jáne qosymsha túzetilgen nusqaý avtory Prezıdentimiz N. Á. Nazarbaev)
Qazaqstan tuńǵysh Prezıdenti N. Á. Nazarbaev - dostyqtyń, birliktiń, baýyrmaldyqtyń týyn berik ustap, Qazaqstandy álemge pash etip otyrǵan, ǵasyr kýási bolǵan tulǵa. Qazaq topyraǵy kıeli. Sonaý zeńgir kókpen talasyp, Alataý baýraıynda Úshqońyr bıikteri men mundalap qol bulǵaıdy. Qaskeleń taýynan bastaý alyp, qar sýymen tolysyp, saı - salaǵa bóline erkeleı Shamalǵan ózeni aǵyp jatyr. Osyndaı tabıǵaty tamyljyǵan ólkede, jer jannaty Jetisýdyń tóskeıinde, Shamalǵan aýylynda bolashaq táýelsiz memleketimizdiń tuńǵysh Elbasy dúnıege kelgen. 1991 jylǵy1 jeltoqsannan Qazaqstan Respýblıkasynyń Prezıdenti bolyp keledi.
Talaı taǵdyr taýqymetine ushyrap, qazaq halqy búgingideı baqytqa qol jetkizý úshin qanshama qıyn buralań joldardan ótti deseńizshi?! Qazaq elin, qazaq jerin bilektiń kúshimen, almas qylysh ushymen, ótkir tilimen, qasıetti qanymen qorǵaǵan uly tulǵalarymyz tarıhta az emes.
Osy tulǵalardy jas urpaqqa tanytý maqsatynda jýrnaldyń kelesi betin «Elimizdiń uly tulǵalary» dep atadyq.
1. Ahmet Iassaýı - aqyn, oıshyl, ustaz, túrki jurtyna ımandylyq nuryn shashqan dinı aǵartýshy. «Dıýanı Hıkmet» kitabynyń avtory, dúnıe jınamaı adamdardy azǵyndyq jolynan saqtaýda qyzmet etken adam, jany taza bolǵan.
2. Áz Jánibek han - qazaq halqynyń handyǵyn quryp, halyqtyń óz aldyna erkin ómir súrýine at salysqan, jaý qolynda qalǵan qazaq jerin azat etken.
3. Muhammed Haıdar Dýlatı - tarıhshy, «Tarıhı rashıdı» atty eńbek jazǵan, qoǵam qaıratkeri.
4. Tóle, Qazybek, Áıteke - bılerimiz, halyqtyń ulttyq birligin nyǵaıtyp, halyqtyǵyn saqtaýǵa basshylyq jasaǵan danyshpan aqyn, sheshen, oıshyl gýmanıs kósemder.
5. Abylaı han - halyq maqtanyshy, HVİİİ ǵasyrdaǵy búkil qazaq elin erkin bılegen, eldiń tutastyǵyn qamtamasyz etken qaıratker, elshi, mámleger.
6. Qurmanǵazy Saǵyrbaıuly - qazaqtyń kúıshi, sazgeri, dombyrashy, halyqtyń aspaptyq kúı óneriniń klassıgi.
7. Shoqan Ýálıhanov - tereń oıly, asqan zeıindi, ǵylymnyń ár tarapynan bilimi bar, saıahatshy, zertteýshi, tarıhshy, geograf, etnograf, sýretshi, Shyǵysty zertteýshi, halqymyzdyń tuńǵysh ǵulama ǵalymy.
8. Abaı Qunanbaev - uly aǵartýshy, oıshyl, ǵulama. «Abaıdy taný arqyly biz Qazaqstandy álemge tanytamyz. Abaı árqashan bizdiń ulttyq uranymyz bolýǵa tıis»,- dep Elbasymyz N. Nazarbaev aıtqandaı, Abaı - jańa realısik jazbasha ádebıetiniń negizin salýshy, qazaq halqynyń bas aqyny.
Qazaq eli - kóp ultty memleket. Qazaqstan Respýblıkasynda 130-dan astam ulttar men ulystar tatý tátti ómir súrip jatyr. Búginde qazaq eli tek óz jerinde ómir súrip jatqan qazaqstandyqtardyń ǵana emes, shet eldegi birneshe myńdaǵan qandastarymyzdyń da saǵynyp jeter týǵan eli, qushaq jaıyp qarsy alar týǵan Otan - anasy.
Búgingi aýyzsha jýrnaldyń sońǵy beti: «Meniń Otanym - Qazaqstan» dep atalady.
(Úı tapsyrmasy boıynsha Qazaqstan týraly óleń joldaryn oqý)
Mereıli qazaq eliniń Elbasy el - jurtyn, judyryqtaı júregine syıǵyzyp, qyran qanatynyń astyna alyp, barsha jurttyń teńdigin, tatýlyq pen tynyshtyqty saqtaýdy maqsat etip, búgingi qazaq elin, osy dárejege jetkizdi. Osyndaı halyq qamyn oılaǵan azamaty bar qazaq elin búginde álem tanıdy. Elimizde máńgi tynyshtyq bolsyn! Súıikti Otanymyz Azat Qazaqstan máńgi jaınaı bersin, jarqyraı bersin! Barshańyzǵa baqyt, shańyraqtaryńyzǵa shattyq tileı otyryp, búgingi jýrnalymyzdyń sońǵy betin jabamyz.
Pavlodar oblysy, Ekibastuz qalasy,
«Ekibastuz qalasy ákimdiginiń bilim bóliminiń
№11 jalpy orta bilim beretin mektep»
memlekettik mekemesiniń kitaphanashysy
Sharbekova Saýlet Qabıbollaqyzy
You Might Also Like
