InfoHub Logo

Tárbıe saǵat taqyryby: Qazaqstan eline saıahat
Tárbıe saǵat maqsaty: Oqýshylardy týǵan jerin, týǵan elin, halqyn ardaqtap ótýge úıretý. Baqytqa jeter dańǵyl joldyń biri - týǵan Otandy súıýden bastalatynyn túsindirý. Otanǵa degen patrıottyq sezimderin oıatý.
Tárbıe saǵat kórnekiligi: Qanatty sózder ilý. Tý, Eltańba, uly tulǵalardyń sýretterin ilý.
1 júrgizýshi: Qurmetti oqýshylar búgin sizderdiń nazarlaryńyzǵa «Respýblıkam meniń» atty aýyzsha jýrnal ótkizgeli otyrmyz. Aýyzsha jýrnal dep - aty aıtyp turǵandaı, tórt betten turatyn kúni buryn taqyryp boıynsha berilgen tapsyrmalardy kópshilikke jarıa etý. Búgingi jýrnal 25 - qazan Respýblıka kúnine arnalady.
2 júrgizýshi: Adam shyr etip dúnıege kelgende, kindik qany tamǵan jerin – Otan deıdi. Árbir adamda Otanǵa, týǵan jerge degen ystyq sezim, úlken mahabbat bolady. Alysqa jolaýshylap ketip, týǵan jerine oralǵan sátte taýy da, tasy da saǵan ystyq bolyp turady. Adamzattyń paryzy - týǵan Otanyn gúldendirip, saqtap, urpaqtan urpaqqa jetkizý. Kelesi kezekti Dabylov Ermahannyń oryndaýyndaǵy M. Maqataevtyń «Otan» atty shyǵarmasyn kabyl alyńyzdar
1 júrgizýshi:
Otan deımiz ot jaqqan jerimizdi,
Otan deımiz ósirgen elimizdi.
Otan deımiz týǵan jer atameken
Bıik taý, orman, toǵaı kólimiz - deı kele kelesi kezekte Jeńisova Aıajannyń oryndaýynda «Sarjaılaý» ánine beremiz.
2 júrgizýshi:
Qyran qusym kók aspanda samǵasyn,
Jelbiresin kók baıraǵyń san ǵasyr,
Jasulandar, berik usta týyńdy
Jarqyratyp týǵan eldiń tańbasyn.
«Qazaq bıi» oryndaıtyndar 301 - top qyzdary
1 júrgizýshi:
Týǵan jeriń súımeıtin adam joq. Olaı bolsa, týǵan jer týraly qandaı maqal - mátelder biledi ekenbiz?
1. Jeńisova A:
Týǵan jer tuǵyryń, týǵan el qydyryń.
2. Dabylov E:
Týǵan jerdiń kúnide ystyq, túnide ystyq.
3. Orynbekuly B:
Týǵan jer – altyn besik.
4. Ábsultanova M:
Týǵan jerdiń topyraǵy da ystyq.
5. Jumabaeva A:
Ózge elde sultan bolǵansha, óz elinde ultan bol.
6. Súleımenova G:
Otan – ottan da ystyq.
2 júrgizýshi:
Otan degenimiz – adamnyń týyp ósken jeri, týǵan - týysqandarymen, jaqyndarymen birge turatyn ata mekeni. Qazaq elinde turatyn adamdardyń Otany – Qazaqstan Respýblıkasy.
Qazaqstan – Týymen tuǵyrly,
Estańbasymen eńseli,
Ánuranymen aıbatty.
1 júrgizýshi:
Oqýshylar, 1992 jyly 4 maýsymda jańa memlekettik rámizder – Eltańba, Tý bekitildi. Mine, búgingi tańda Qazaqstan óz aldyna Táýelsiz memleket. Bizdiń ózimizdiń Týymyz, Eltańbamyz, Ánuranymyz bar. Egemendi Qazaqstanbyz.
2 júrgizýshi:
Ulylar ulaǵaty boıynsha óz málimdemesimen Jumabaeva Arý sóz qozǵaıdy:
Uly aǵartýshy, halqymyzdyń rýhanı kósemi A. Baıtursynov: «Balam degen jurt bolmasa, jurtym deıtin bala qaıdan óssin»degen eken. Biz sizderge tek perzentimiz emes, elimizdiń erteńi, nurly bolashaǵy dep qaraımyz. Muhammed Paıǵambarymyz «Jastyq shaqta alǵan bilim - tasqa oıylǵan naqysh» degen eken. Endeshe sender bala kezden bastap tereń bilim meńgerýge tıissińder. Týǵan elimizdiń bıikke ushar suńqary, báıgeniń aldyn bermes tulpary bolyńdar degim keledi. Qazaq poezıasynyń has sheberi Q. Amanjolov «Ne degen baqytty ediń, keler urpaq» dep jyrlaǵandaı, bizder táýelsiz eldiń azamatymyz, sizderdi memlekettik mereke Respýblıka kúnimen shyn júrekten quttyqtaımyn.
1 júrgizýshi:
Ánuran, elin, týǵan jerin súıetin, eliniń ótkeni men búginin, tarıhyn tebirene de tereńdeı oqyp, tarıhtyń zerdeli de shejireli betterine úńilgen ulandarymyz ózderiniń júrekterinen shyqqan oılaryn aq qaǵaz betine túsirgen eken. Kezekti osy ulandarǵa bereıik.
Súleımenova Gúlzat:«Elim meniń»
Egemendi elimiz jer betindegi basqa memlekettermen terezesi teń, órkenıetti el retinde tanylyp óziniń Eltańbasyn, Týyn, Ánuranyn belgiledi. Osy bir qasıetti belgilerdiń mánin árbir urpaq tereń túsinip, ony qasterleı bilý kerek. Maqtansań maqtan elim dep, Tanı bil, eldik tańbańdy. Eltańba, Týyń, Ánuran - Shyrqatty bıik armandy. Táýelsizdikke tán belgi - Qasıetti osy rámizder - Elime rýh, mán berdi, Iesi onyń – myna bizder.
2 júrgizýshi:
Memlekettik tý - altyn kún alaýlaǵan zeńgir kók aspan tústes. Sol zeńgir aspannyń aıasynda baıaý qalyqtaǵan dala búrkiti. Arman arqalaǵan altyn búrkit qazaqtyń qyran kóńilin shyrqaý bıikke alyp shyqqandaı kórinis beredi. Memlekettik týdy daralaıtyn taǵy da bir belgisi - onyń sabyna taıaý tik tartylǵan ulttyq órnekti qoshqar múıiz jolaq. Ol - kóshpeli álemniń, darqan dal rýhynyń tynysy. Tý ortasyndaǵy altyn kún - halqymyzǵa nur bolyp shapaǵatyn shashyp tur. Altyn kúndi qanatymen jebep, órge kóterip, ushyp bara jatqan aqıyq qyran qus - erliktiń belgisi. Týymyzdy qasterleý - halqymyzdy qasterleý. Eltańba - álemde sırek kezdesetin Eltańba. Qazaq ómiriniń uly belgisi shańyraqtan taraǵan. Tań shapaǵyndaı ýyqtar arasyndaǵy aı múıizdi, altyn qanatty ǵajaıyp pyraqtar halqymyzdyń bolashaqqa umtylǵan asqaq armanynyń beınesindeı bolyp kórinedi. Qos pyraq ortaq shańyraqty qanatymen qorǵap tur. Qanat - asqaq arman nyshany. El belgisinde kók aspan, shańyraq, jaryq juldyz, qanatty tulpar, bıdaı sabaqtary beınelengen. Aspan kók - keńshilik, tynyshtyq, bıiktik belgisi. Memlekettik Ánuran - elimizdiń mýzykalyq poetıkalyq emblemasy, ádebı sazdy tól qujaty. Ol halyq júreginiń lúpilin tumar qyp túıgen mýzykalyq sálem hat syndy.