InfoHub Logo

Kirispe
Grafıkalyq redaktor – grafıkalyq beıne túrindegi sýretterdi salýǵa jáne olardy óńdeýge arnalǵan arnaıy baǵyttaǵy programma. Qazirgi kezde grafıkalyq redaktordyń kóptegen túrleri belgili. Sonyń ishindegi meniń qarastyraıyn dep otyrǵan programmam bul – úshólshemdi 3d studio max grafıkalyq redaktory.
3d studio max programmasy – keskinderdi modeldeý, vızýalızasıalaý jáne anımasıalaý programmalyq jıyndaryn qamtyǵan jalǵyz programma. Ol Windows NT operasıalyq júıesiniń 3. 51 - den tómen emes versıalary úshin Autodesk fırmasynda shyǵarylǵan bolatyn. Jalpy 3ds max programmasyn búkil dúnıe júzindegi myńdaǵan dızaınerler úshólshemdi oıyndardy, telearna men kınoflmderdi shyǵarý úshin shynshyl effektilerdi, sonymen birge Web - paraqtarynyń úshólshemdi grafıkalyq elementterin iske asyrý úshin qoldanylyp jatyr. 3ds max programmasynyń paıda bolýy qoldanýshynyń jumys isteý múmkindigin áldeqaıda keńeıtti. Tómende programmanyń keıbir jańa múmkindikteri kórsetilgen.
 Jumysty effektili ári joǵary deńgeıde isteýin qamtamasyz etetin jańa qoldanýshy ınterfeısi ornatylǵan;
 Jan - jaqty múmkindikti qamtıtyn jańa operasıalyq júıemen jáne joǵarǵy modernızasıa múmkindikteri qamtylǵan;
 Keskinderdi modeldeý jáne redaksıalaý komandalarynyń qasıetteri keńeıtilgen;
 Stack – geometrıalyq elementterge qoldanylatyn modıfıkator tizimi. Bunyń kómegimen kez - kelgen ýaqytta modıfıkator parametrlerin ózgertýge bolady.
 Mýltıprosessordyń kez - kelgen ózgertý áreketterin qoldanýǵa múmkindik beretin jańa vızýalızasıa modýli qoldanylady.
 Jańa suhbattasý terezesi – trekterdi qarap shyǵý – anımasıanyń qalypty isteýin jáne ózgertýin basqarýǵa qoldanýshyǵa yńǵaıly etip jasalynǵan. Jáne t. s. s. kóptegen múmkindiktermen qamtylǵan.

1. Jumys keńistigin jumysqa ıkemdeý
3ds max programmasymen jumys jasaıtyn ár qoldanýshynyń yńǵaıyna qaraı jumys keńistigin ıkemdeýge bolady. Iaǵnı terezeniń túsin, parametrlerin, tordyń shekaralaryn, masshtabtaryn jáne t. s. s. ózgertýler engizýge bolady. Mundaı ózgeristerdi qoldanbastan buryn, aldymen, programmany qalaı iske qosý kerektigin qarastyryp alaıyq.
3ds max programmasyn iske qosý úshin kelesi áreketti oryndaý kerek:
1. Kompúterdi iske qosyp, 3ds max programmasynyń shar belgisin taýyp, belgileý. Bul shart belgi 3ds max paketi engizilgen katalogte ornalasqan. Sonymen qatar onyń kóshirmesi jumys ústelinde ornalasýy múmkin.
2. Shartbelgini eki ret tyshqanmen shertý kerek.
Sóıtip, birneshe sekýndtan keıin 3ds max terezesi paıda bolady.

3ds max programmasy iske qosylǵanda ekranǵa sýrettegideı alǵashqy qoldanýshy grafıkalyq ınterfeısi shyǵady (onyń túsine kóńil aýdaryńyz). Proeksıalaý terezesiniń túsin ózgertý úshin kelesi áreketterdi oryndaý kerek:
1. CustomizeCustomize User Interface áreketin oryndańyz. Nátıjesinde ekran betinde Customize User Interface terezesi paıda bolady.
2. Terezeniń joǵarǵy bóliginde ornalasqan Colors qalaýynda tyshqannyń sol jaq batyrmasyn shertińiz. Terezeniń joǵarǵy sol jaq buryshynda ornalasqan Elements tiziminen Viewport elementin tańdańyz.
3. Elements bóliginiń astynda ornalasqan tiziminen Viewport Background elementin tańdańyz.
4. Terezeniń joǵarǵy oń jaq buryshynda ornalasqan tik buryshty tús úlgisinde tyshqanmen shertińiz. Nátıjesinde ekranda Color Selector tústi tańdaý terezesi paıda bolady.
5. Color Selector terezesinde kez - kelgen tústi tańdańyz. Tańdalǵan tústi ekran betine shyǵarý úshin tyshqanmen Close (Jabý) batyrmasyn shertemiz.
6. Customize User Interface terezesiniń tómengi oń jaq buryshynda ornalasqan Apply Colors Now (Tústi qoldaný) batyrmasyn shertkende, proeksıa terezesiniń túsi birden ózgergendigin baıqaısyz

Tolyq nusqasyn júkteý