InfoHub Logo

31 qańtar kúni 5 - shi Dúnıejúzilik kóshpendiler oıyndaryn daıyndaý jáne ótkizýjónindegi dıreksıa volonterlardy shaqyrý boıynsha jıyn uıymdastyrady.  

Sharaǵa Astana qalasy ákimdigi, jastar saıasaty máseleleri basqarmasynyń basshysy Ibraev Samat Sabyruly jáne 5- shi Dúnıejúzilik kóshpendiler oıyndaryn daıyndaý jáne ótkizý jónindegi dıreksıa basshysynyń orynbasary Qondybaev Abylaı Qanatuly jáne basqa da azamattar qatysady. Jıynda volonterlyq qyzmettiń mańyzdylyǵy, elorda jastarynyń volonterlik qyzmetti júrgizýdegi tájirıbesi t.s. máseleler aıtylady. Sonymen qatar, oıyndy uıymdastyrý, ótkizý erejesi týraly taqyryptar sóz bolady.

Volonterlarǵa qoıylatyn talaptar, erejeler, jas ereksheligine baılanysty kórsetkishter, volonterlardy tańdaý boıynsha kezeńder týraly dıreksıasynyń volonterlarmen jumys bóliminiń jetekshisi Jandildaev Baqdaýlet Bolatuly aqparat beredi.  Qonaqjaılylyq mádenıetin kórsetýde volonterlar qyzmetiniń mańyzy zor. Volonterlardy irikteý kezinde  14 - 75 jas aralyǵyndaǵy úmitker tańdalady. Volonterlar dıreksıanyń uıymdastyrý jumystarynyń túrli bólimderine arnaıy bekitilip jumys jasaıtyn bolady. Qonaqtarmen qatysýshylardy kútip alý, akredıtteý ortalyqtaryna alyp barý, qonaq úılerge jetkizý, sporttyq sharalar ótetin keshenderde kómek kórsetý, mádenı sharalardy uıymdastyrý, oıyn kezeńinde qatysýshylarǵa tamaq jetkizý t.b. baǵyttar boıynsha qyzmetter atqarady. Volonterlyq qyzmetke tilek bildirýshiler https://worldnomadgames.kz/  saıty arqyly «Erikti bol»  bólimine kirip eriktilerge arnalǵan saýalnamany toltyrý arqyly ótinish bildire alady. Toltyrylǵan saýalnamalar arqyly irikteý jasalady. Barlyq talaptardan súrinbeı ótken volonterlar áńgimelesýge shaqyrylady. Instagram, Tik Tok áleýmettik jelilerinde @Volunteer_nomadgameskz paraqshasy arqyly aqparat alyp, WhatsApp, Telegram- da 8 701 841 20 24  baılanys nomeri arqyly suraqtaryńyzdy joldasańyzdar bolady.  

Anyqtama úshin:

2024 jyldyń 8-14 qyrkúıek aralyǵynda Astanada ótetin 5-shi  Dúnıejúzilik kóshpendiler oıyndaryna 100-den astam memleketten 4000-ǵa jýyq sportshy qatysady dep kútilýde.

5-shi Dúnıejúzilik kóshpendiler oıyndarynda at sporty túrleri, ulttyq kúres túrleri, sadaq atý, dástúrli ıntellektýaldy oıyndar, saıatshylyq óner, sadaq atý, jamby atý, arqan tartý syndy ulttyq jáne halyqtyq oıyndardyń 20 túrinen jarys ótedi. Buǵan qosa resmı baǵdarlamadan tys, ulttyq ónerdiń 10 túrin tanystyrý maqsatynda ótetin arnaıy kórsetilim saıystary belgilengen.  

«Qazanat» ıpodromy men onyń mańynda ornalasatyn «Kóshpendiler álemi» etnoaýylynda at jarys, kókpar, saıatshylyq óneri men sadaq atý jarystary ótedi. Jaqsylyq Úshkempirov atyndaǵy jekpe-jek saraıy men «Alaý» muz aıdynynda» ulttyq kúres túrleri men halyq oıyndary, «Dýman» qonaq úı kesheninde ınttelektýaldyq oıyndar saıysy ótedi.

5-shi Dúnıejúzilik kóshpendiler oıyndarynyń ashylý saltanaty «Astana-Arena» stadıonynda, jabylýy «Qazanat» ıpodromynda ótedi dep josparlanǵan. Qazir «Qazanat» ıpodromynda qaıta jóndeý jumystary júrip jatyr. Tolyq iske qosylǵanda ıpodrom 10 myń kórermendi qabyldaı alady. «Astana-Arena» men «Alaý» muz aıdyny» saraıynda da jóndeý jumystary bastaldy.

Kóshpendiler oıyndarynyń ıdeıasyn tolyq ashý úshin elimizdiń barlyq aımaǵynda «Birlik kerýeni» jobasy iske asyrylady. «Qazanat» ıpodromynyń aýmaǵynda «Kóshpendiler álemi» ataýymen etnoaýyl qurylady. Etnoaýylda apta boıy Qazaqstan men álem elderiniń úzdik qolóner sheberleriniń kórme-jármeńkesi, sheberlik sabaqtary ótedi. Aqyndar aıtysy men tól mádenıetimizdi pash etetin basqa da is-sharalar uıymdastyrylady. Etnoaýyldy bir kúnde 30 myń kórermenniń aralaýyna jaǵdaı jasalady.

5-shi Dúnıejúzilik kóshpendiler oıyndarynyń urany -

«ULY DALA DÚBİRİ»