InfoHub Logo

Matematıka
Taqyryby: 5 sany jáne sıfry.
Sabaqtyń maqsaty: 1) 5 sany jáne sıfrymen tanystyrý. Kóp uǵymynan besti bólip alý.
2) Balalardyń jan - jaqty oılanýyn, izdenýin, alǵan bilimderin odan ári damytý.
3) Ulttyq oıynǵa, pánge qyzyǵýshylyǵyn arttyrý, tolyq jaýap berýge, zeıindilikke tárbıeleý.
Ádisi: túsindirý, oıyn.
Kórnekiligi: sıfrlar, sýretter, túıe sýretteri.

Sabaqtyń barysy:
I. Uıymdastyrý kezeńi: Sálemdesý, psıhologıalyq daıyndyq.
II. Jańa sabaq:
- Balalar, qazir qandaı jyl mezgili?
- Kóktem.
- Kóktemde qandaı ózgerister bolady?
- Kún jylynady, qar erip sýǵa aınalady, jerdiń betine ósimdikter shyǵady, qustar ushyp keledi t. b.
Sýretpen jumys:
- Sýrette qansha qarlyǵash bar? (Beseý)
- Saýysqan qansha? (Beseý)
- Olardyń bir - birinen aıyrmashylyǵy nede?
- Qarlyǵash kishkentaı, saýysqan úlken qus.
- Saýysqan qystap qalady. Qarlyǵash jyl qusy.
- Qarlyǵashtyń quıryǵy aıyr. Ol adamnyń dosy, uıasyn adamǵa jaqyn jerge salady.
5 sanǵa baılanysty slaıd kórsetý.

III. Sergitý sáti:
Qarlyǵash bop ushaıyq,
Qane qanat jazaıyq.
Ushyp - ushyp alaıyq,
Ornymyzǵa qonaıyq,

IV. Dáptermen jumys:
1) 5 sanyn kórsetý.
2) Taıaqshamen 5 sanyn qurastyrý.
3) 5 sıfrynyń jazylýyn kórsetý.
4) Aýada jazý.
5) Dápterge úlgi boıynsha taıaqsha salý.
6) 5 sanyn jazý.

V. Sergitý sáti:
Biz kishkentaı balamyz,
Ósip - ónip tolamyz.
Kúnge qaraı talpynyp,
Kókke qoldy sozamyz.
Qanat qaǵyp ushamyz,
Qarlyǵashtaı samǵaımyz.
- Balalar bizge túıeniń atasy - «Oısyl qara» keldi. Ózimen birge birneshe túıelerdi ala kelipti. Osy túıelerdi jarysqa qatystyrmaqshy.
Túıeler: 5 jasar eken. Túıege minip jarysatyn balalar 9, 10 jas shamasyndaǵy balalar.
Túıelerdiń sýretterin taqtaǵa ilip, synypty úsh topqa bólip jarystyrý.

VI. «Túıeler jarysy» oıyny
1. Torkózdegi 5 sıfrynyń sanyna baılanysty bes zattyń sýretin salý, geometrıalyq fıgýralardyń sanyna qaraı tıisti sandy qoı.
2. Qorapqa 5 jemis, 5 kókónis salý.

VII. Qorytyndylaý:
Taqtada sýretter ilinip turady. Ár toptan bir bala shyǵyp, bes zaty bar sýretterdi jınaıdy.
Mysaly: 5 saýysqan, 5 qarlyǵash, 5 alma t. b.
- Sonymen, balalar, biz qandaı sanmen tanystyq?
- 5 sanymen.
Jarys qorytyndysyn jasaý. Jeńimpaz balalarǵa syılyqtar beriledi.