InfoHub Logo

Elýge kelip elge bilingeniń,
Aqsaqaldyq atqa osy ilingeniń.
Qalyń eliń qaýmalap kelip otyr,
Toılaryń toıǵa ulassyn, inim meniń!..

*** *** *** ***

Bir ǵasyrdyń jartysyn jasap mine, mereıtoıyńdy toılap otyrsyń. Ýaqyt degen zymyrap ótip jatyr. Osy jasqa kelgenshe taǵdyr-jolyńda kezdesken qanshama tosqaýylǵa tótep berip qashanda jeńiske jete bildiń. Mundaı jetistigińniń de tereń sebebi bar dep oılaımyz.

Mynaý bizge kórshiles jatqan orys ultynda "Qarapaıym ómir súrgen jan júz jasaıdy" degen sózi bar. Osynaý qarapaıym oıdyń astarynda meıirimdi, júregi taza, qınalǵan sátte qol úshin berýge daıyn turatyn, qudaıynan qorqatyn qanaǵatshyl da ımandy adam týraly qanshama túsinik jatyr deseńizshi!

Asa qurmetti ........ . Sen de sondaı madaqqa laıyq qarapaıym ómir súretin jannyń birisiń! Búgin Saǵan osyndaı dastarhannyń 100 jasqa tolǵanyńda da keńinen jaıylsyn degen tilek arnaǵym keledi!

*** *** *** ***

Erdiń jasy 50-ge kelip tursyz,
Shynardaı shyń basyna shyǵyp tursyz.
Kernegen boıyńdaǵy kúsh – qýatty,
Egemen elińizge berip tursyz.

Kúsh–qýat áli daǵy arta bersin,
Júregińiz jaqsylyqty sarqa bersin.
Densaýlyq jaqsy bolyp árqashanda,
Jasyńyz 100-ge deıin jete bersin.

Otbasy aman bolyp, bala-shaǵa,
Solarmen kenelińiz tamashaǵa.
Kógildir kók aspandy elimizde,
Sizderdeı ardaqtylar jarasady!

50 degen erdiń jasyn eńserip
Eńbegińmen Sen kelesiń ter tógip,
Armandardyń attanǵanda shyńyna
Qyzyr ózi bolsyn saǵan jolserik.

Otbasynyń berekesin qamdaǵan,
Bar ómirin jaqsylyqqa arnaǵan,
Sendeı janǵa Alla ózi dem berip,
Qıyn kezde qýat berip qoldaǵan.

Qutty bolsyn qýanyshty toı kúni,
Saǵan shýaq shashsyn Kún men Aı nury,
Árbir kúnniń merekege aınalyp,
Urpaqtaryń kórmeı óssin qaıǵyny.

*** *** *** ***

50 degen jarty ǵasyr bul ómirde,
50 degen altyn toı nekelige.
Elý jylda - el jańa degen sóz bar
Sol elýge óziń de keldiń mine.

Qyzdaryń qıasyna qonyp jatyr
Kelin alyp jyly sýǵa qolyń batyr
Dúnıege kele bersin ...........
Aldanysh qyp solarmen tańyńdy atyr.

Qutty bolsyn mereıtoı, 50 jasyń
Ár ýaqytta domalap órge tasyń,
Qosaǵyńmen qosa aǵaryp, shóbere súı,
Eshqashanda kóńilińdi kir shalmasyn.

Tilerim ashyq aspan, juldyzdy tún,
Jyldan jylǵa jaqsaryp densaýlyǵyń
Nemerelerińniń qyzyǵyn qyzyqtaı ber,
Atanyp kýágeri altyn toıdyń.

*** *** *** ***

Aq tilekti aqtaramyz júrekten.
Qýanyshta kóńil shirkin dir etken.
Týylǵan kún qutty bolsyn dep búgin,
Ózińizge ún qosamyz tilekpen!

Apataı mine 50-ge de tolyp qapsyń, Ómirdiń 50 jyldaı iship asyn. 50 jasty biz sizge bere almaımyz, Siz bizge 25 tegideı áli jassyz! Keń peıldi aq júrek adal jansyz. Ardaqty Ana, súıikti Apa atanǵansyz. Týylǵan kúnimen otbasy quttyqtaıdy, Eńbegińizdi sizdiń eshqashan umytpaıdy!

*** *** *** ***

Uzaq jyldar boıy aralas-quralas bolyp júrgen adam týraly, ol adam jaqyn, syrlas dosyń bolsa, ol jóninde oı bildirý, tolǵaý aıtý ári ońaı, ári qıyn. Onyń sebepteri de joq emes. 

Ne jetsin baq juldyzy jaǵylǵanǵa,
Bastaýy berekeniń tabylǵanǵa.
Bıikte bolsyn árkez juldyzyń dep,
Tileımiz bizdiń baýyr ..... janǵa!

Aýylǵa qut-bereke ornaǵansyn,
(Aqterek) ardaqtaıdy bel balasyn.
Týyńdy týǵan jerge tigip ediń,
Qydyr-baq qalaı seni qoldamasyn.

Qaldyryp artta qalaı qıyndyǵyń,
Aýyldyń kári jasyn súıindirdiń.
Birlikti, tirlikti de saqtaǵan el
Shattyqtyń shalqytady kúıin búgin.

Qońyrtóbe jaǵynan jel eskende,
Esdáýlet aqyn rýhy keńeskende.
Elin jebep júrgendeı elesteıdi
Qarash batyr sonaý bir belesterde.

Arnalsyn ..... janǵa aq-adal kún,
Er jasy elýińde baǵalandyń.
Kórkeıip (Aqteregiń) kúnnen-kúnge,
Rýhy qoldaı bersin babalardyń.

Turǵanda taǵdyr-talaı qyl ushynda,
Aýyldyń qaldyń saqtap tynysyn da.
Jurtyńdy jumyldyryp bir tilekke,
Taptyń sen jumysyn da, yrysyn da.
 
......jan, súıindirdi nar talabyń,
Halqyńnyń aq alǵysyn arqaladyń.
Janyńnyń jaqsylyǵy shýaq shashyp,
Bólensin baqyt-nurǵa shartarabyń.

*** *** *** ***

Jan aǵa, qutty bolsyn 50 jasyń,
Ár ýaqytta domalap órge tasyń.
(Úsheýimizdi) jaqyn tarttyń baýyryńa,
Árdaıym aman bolsyn altyn basyń.

Tilek ettim alǵy kúnniń ajaryn,
Sarqylmasyn ómir-ózen bazaryń.
Abyroıyń arta túsip únemi,
Haq-Táńiri kórsetpesin azabyn.

Qyzyq-shattyq jaqsylyqty kóre ber,
Jurtshylyqtyń alǵysyn tek tere ber.
Bedeliń de artsyn ylǵı ortada,
Eńbegińmen alda ósip óne ber.

Qutty bolsyn 50 jasyń belesiń,
Barlyq jannan maqtaý alyp kelesiń.
Aman bolyp jasyńa jas qosylsyn,
Alla jazsa, talaı toıdy kóresiń.

*** *** *** ***

Qyzmet etip, jan aǵa, elge kúnde,
Eńbegińmen bıikke órlediń be.
Zor densaýlyq, mol baqyt tileımiz biz
Erdiń jasy - elýge kelgenińde.

Zymyrandaı zýyldap barady kún,
Kóńilińniń qalaýyn tabady iniń.
Elý jasta bolyńyz el aǵasy,
Boıǵa jıǵan babalar danalyǵyn.

*** *** *** ***

Elý – degen júzdiń naǵyz jartysy,
Elý degen – danalyq qoı, ol anyq!
Oǵan jetse eljireıdi ár kisi.
Quttyqtaıdy bar aǵaıyn qol alyp.
Urpaǵyńyz júrsin deımiz aıaq jaqqa oralyp,
Qýanyshtyń qamqasyna júrińizshi oranyp!

*** *** *** ***

Artta qaldy bes asý men bes beleń,
Órge tartyp barady ómir-kósh degen.
Elý degen – erdiń jasy qyzýly,
Jastyq shaqtyń sońǵy ottary óshpegen.

Dýyldatyp dýly ortanyń dúrmegin,
Bir ǵanıbet jarq-jurq etip júrgeniń.
Elý degen – erdiń jasy eń kemel,
Arysym dep arqalanar nurly eliń.

Juldyz janyp, peıilińe tań kúlip,
Kúz de jetti sybaǵa alyp, sán quryp.
Qalpyńyzdan aınymańyz – shat kóńil,
Basyńyzdan baq ketpesin máńgilik.

*** *** *** ***

Elý degen – erdiń jasy eńseli,
Elý degen – parasattyń ólshemi.
Jarqyldasań samǵap ushqan suńqardaı,
Azamat dep maqtan tutar el seni.
Tirlik – teńiz, es elýdiń eskegin,
Ánge tolsyn, kúıge tolsyn keshteriń,
Shyn júrekten baqyt tilep sarqylmas,
Qol soǵady barsha áriptesteriń.

*** *** *** ***

Elý degen toly toı men dýmanǵa,
Taý sekildi kórinedi tulǵań da.
Qushaq-qushaq gúlin alyp kelipti,
Aq kóńilmen baýyr, týys-týǵan da.

Elý degen – es toqtatý, eseıý,
Elý degen – eldiń júgin kóterý.
Týǵan kúnmen quttyqtaımyz ózińdi,
Qanjyǵańa ilinsin dep qos elý.

*** *** *** ***

Elýge keldiń aǵasyń
Altyndy tonǵa jaǵasyń.
Aıaýly jannyń birisiń,
Osaly emes irisiń.

Qartaıma, aǵa, qartaıma,
Qýatyń kemip, ortaıma.
Kóretin qyzyq kóp bolyp,
Ulassyn toıyń zor toıǵa!

*** *** *** ***

Al, Aǵa, qutty bolsyn 50 jasyń,
Ár ýaqytta domalap órge tasyń.
Ushyrǵan bárimizdi osy uıadan,
Árdaıym aman bolsyn altyn basyń.
 
Shańyraqqa ıe, bizderge aǵa bolar,
Aǵasy bardyń deıdi jaǵasy bar.
Ótkizip ómirińdi qyzyqpenen.
Keleshek qosaǵyńmen qosa aǵar.
 
Aıtarymyz aq shashty anamyzǵa
Mereı toı kýágeri balańyz da.
Osyndaı qyzyqtarǵa kýá bolyp
Júre ber árdaıym ortamyzda.

*** *** *** ***

Ardaq tutar abzal aǵamyz er-azamattyń kemel jasy elýge tolýy — biz úshin úlken qýanysh. Aǵaıynǵa, jaqyn-juraǵatqa, qyzmettes áriptesterine ǵana emes, ózin biletin barsha janǵa syıly, bedeldi aǵamyzdy jáne onymen ómirdiń qyzyq-qýanyshtaryn birge bólisken asyl jeńgemizdi adal kóńil, aq nıetimmen quttyqtaımyn.

Taǵdyr uzaǵynan súıindirsin, shańyraqtaryńyzdan laıym shattyq, qut-bereke úzbesin, mereılerińizdi dáıim ústem etsin, balalaryńyzdyń qýanyshyna keńeltsin.

*** *** *** ***