InfoHub Logo

Jınaqta qazaq tiline arnalǵan test suraqtary qurastyryldy. Qazaqstan Respýblıkasy Memlekettik bilim berý standartyna sáıkes bilimderin tereńdetýge kómektesedi.
Test jınaǵy oqýshylarǵa, ózdiginen bilim alýshylar men muǵalimderge arnalyp ázirlengen.

Alǵy sóz
Qazirgi tájirıbede qazaq tili sabaǵynda testileý ádisin qoldaný tıimdi, paıdaly, ári naqty pedagogıkalyq ólshemniń biri bolyp tur. Test ádisin qoldaný bilim sapasyn baqylaýǵa, damytýǵa, uıymdastyrýǵa, boljaýǵa, tárbıeleýge kóp kómegin tıgizýde. Bul ádis arqyly muǵalim artyq ýaqytsyz oqýshylardyń bilim dárejesin tez tekserýge múmkindik alady. Test ádisin qoldaný oqýshynyń bilim deńgeıin kórsete otyryp, muǵalimniń jumysynyń nátıjesin de kórsetedi. Qazirgi tańda test quraýdyń túrli nusqalary bar:
• Álternatıvti jaýap berý. Negizgi tapsyrmasy eki nusqaly jaýaptan turady (ıá - joq, durys - durys emes), oqýshylardyń qıyn erejeler men anyqtamalardy meńgergen deńgeıin tekseredi.
• Kóp nusqaýly jaýaptyq tapsyrma. Oqýshy ózi durys degen jaýapty belgileıdi, tańdaıdy. Kóp tańdaýly test tapsyrmalary men birqatar naqty kórsetkishterdi baqylaýǵa, sonymen qatar kompleksti bilimdi meńgerýdi tekserýge qoldanýǵa arnalǵan.
• Kez - kelgen kestedegi suraqtarǵa kesteniń ekinshi bóligi arqyly sáıkes jaýaptar tabý. Bul testileýdiń negizgi maqsaty oqýshylardyń úlken taqyryptar boıynsha gramatıkalyq bilim deńgeılerin anyqtaýǵa múmkindik beredi.
Usynylyp otyrǵan 6 - synypqa negizdelip qurastyrylǵan test jınaǵy muǵalimderge kómekshi qural bolyp tabylady. Oqýshylardyń bilim dárejesiniń damýy men oılaýyna múmkindik jasalady.
Maqsaty:
Qazaq tili sabaǵynda ótilgen ár taqyrypty este tereń saqtap bekitý arqyly oqýshylardyń este saqtaý, oılaý qabiletterin jetildirý.
Mindetteri:
* Oqýshynyń oı - órisin keńeıtý,
* Shapshańdylyqqa, tapqyrlyqqa mashyqtaný,
* Este saqtaý qabiletterin damytý.

I toqsan
Test suraqtarynda qamtylǵan taqyryptar men tildik birlikter:
1. Qazaq tiliniń qoǵamdyq róli.
2. Ádebı til jáne onyń normalary.
3. Ádebı til men mátinniń baılanysy.
4. Sózjasam.
5. Sóz tulǵasy.
6. Túbir men qosymsha.
7. Dara jáne kúrdeli sózder.
8. Birikken sózder.
9. Qos sózder.
10. Tirkesken sózder.
11. Qysqarǵan sózder.

Maqsaty:
1. Oqýshylardyń I toqsan boıynsha alǵan bilim deńgeılerin tıanaqtap, bekitý.
2. Berilgen suraqtar arqyly oqýshylardyń syn turǵysynan oılaý qabiletterin arttyrý.

Testileýge 40 mınýt beriledi

1. Qazaq tili qoǵamdyq qyzmet atqara ma?
A. Iá.
B. Joq.
V. Keı jerlerde.
S. Mektepte ǵana.

2. Til ózi qyzmet etetin adamdardyń bárine ortaq, túsinikti bolýy kerek. Ondaı jalpyǵa ortaq tildi.................... deımiz.
A. Ádebı til.
B. Memlekettik til.
V. Resmı til.
S. Qazaq tili.

3. Ádebı tildiń eki túri?
A. Aýyzsha jáne jazbasha.
B. Dara jáne kúrdeli.
V. Leksıkalyq jáne gramatıkalyq norma.
S. Ortaq.

4. Tildi ádebı etip turatyn normalar?
A. Leksıkalyq.
B. Fonetıkalyq.
V. Gramatıkalyq.
S. Barlyǵy durys.

5. Aýyzsha tildiń normasy?
A. Orfoepıalyq.
B. Orfografıalyq.
V. Leksıkalyq.
S. Barlyǵy durys.

6. Jazbasha tildiń normasy?
A. Orfoepıalyq.
B. Orfografıalyq.
V. Leksıkalyq.
S. Barlyǵy durys.

7. Mysaldar jeke sóılemder ǵana emes, úlken – úlken úzindiler bolyp ta keledi. Ádette ondaı úzindilerdi qalaı ataıdy?
A. Mátin.
B. Sóılem.
V. Ádebıet.
S. Sóz.

8. Qar degen sózdiń uǵymy?
A. Túsi aq, salqyn, erip, sýǵa aınalatyn zat.
B. Túsi qara, salqyn, erip, sýǵa aınalatyn zat.
V. Túsi sary, salqyn, erip, sýǵa aınalatyn zat.
S. Túsi jasyl, salqyn, erip, sýǵa aınalatyn zat.

9. Ofografıa boıynsha durys jazylǵan sóz?
A. Iá.
B. Ia.
V. Ia.
S. İıá.

10. Orfografıa boıynsha durys jazylǵan sóz?
A. Jazza.
B. Jazsa.
V. Jassa.
S. Jashsha.

11. JOLDASTYQQA degen sóz neshe bólshekten turady?
A4.
B. 5.
V. 6.
S. 3.

12. Sózdiń tulǵasy degen uǵymǵa neler jatady?
A. Túbir jáne qosymsha.
B. Sóılem jáne mátin.
V. Sóz jáne bólshek.
S. Usta, ata.

13. Sózdiń bastapqy maǵynaly bólshegin ne deıdi?
A. Túbir.
B. Qosymsha.
V. Sóz.
S. Mátin.

14. Qosymsha neshege bólinedi?
A. 2.
B. 3.
V. 4.
S. 5.

15. Jurnaqtar arqyly jasalǵan sózder qalaı atalady?
A. Týyndy túbir nemese týyndy sóz.
B. Dara.
V. Negizgi túbir.
S. Jalǵaý.