InfoHub Logo

Sizdi adam ómiriniń aıtýly belesi – 60 jasqa tolý mereıtoıyńyzben shyn júrekten quttyqtaımyz!

Sizdi ómirden toqyǵany mol, keń oılap, qamqor qolyn usynyp júretin aıaýly azamat, aǵa retinde jaqsy bilemiz. Ózińiz eńbegińizdi arnaǵan salany damytýǵa sińirgen belsendi qyzmetińiz, tyń ǵylymı-tehnıkalyq jańalyqtardy engizýde ozyq oılaıtyn kemel qabiletińiz tánti etpeı qoımaıdy, jastarǵa ulaǵatty ustaz, ónegesiz. Sizge zor densaýlyq, qajymas qaırat, otbasyńyzǵa baıandy baqyt tileımiz.

*** *** *** ***

60 jasqa tolý mereıtoıyńyzben shyn júrekten quttyqtaımyz!

Sizdi ómirden toqyǵany mol, kemel oıly tulǵa retinde jaqsy bilemiz. Tereń bilim, berik ustanym, iskerlik qabilet jáne úlken azamattyq qasıetter Sizdi qatardaǵy quqyqtanýshydan Qazaq eliniń belgili de bedeldi zańgeri, qoǵam qaıratkeri deńgeıine kóterdi. Memlekettik joǵary basqarý organdarynda jaýapty qyzmetter atqardyńyz, qataryńyzdyń turmystyq muqtajy qat-qabat tirshilikte udaıy nazaryńyzda bolatynyn kúndelikti ómirde kórip júrmiz. Sizdiń aldyńyz keń, janyńyz jomart, qamqor da talapshyl basshy, aıaýly aǵa retindegi abzal qasıetterińiz tánti etpeı qoımaıdy, atyńyzǵa zatyńyz saı ulaǵatty ustaz, ónegesiz. Osyndaı eńbek pen turmys tárbıesi, jeke basyńyzdyń kirshiksizdigi Ózińiz, otbasyńyz úshin ǵana emes, ózińizben qanattas júrgen áriptesterińiz, tilektes dos-jaran úshin de zor maqtanysh, abyroı, jas urpaq úshin naǵyz ómir mektebi ekendigi daýsyz. 

Qadirli.................! Sizge osyndaı mereıli kúni shyn kóńilimizben zor densaýlyq, qajymas qaırat, otbasyńyzǵa baıandy baqyt tileımiz. Qoǵamymyzdyń ıgligi, adamdardyń quqyqtary men bostandyqtaryn qorǵaý jolyndaǵy kúrdeli de jaýapty qyzmette budan bylaı da abyroı bıiginen kórine berińiz.

*** *** *** ***

İzgilikti nuryn shashar mańaıǵa, Adamsyz ǵoı úlgi bolar talaıǵa. Jaqsylyqty ózinizden kóp kórgen, Umytpaıdy týǵan-týys qalaıda! Úlgi bolǵan úlkenge de jasqa da, Syılar sizdi týǵan-týys, basqa da. Baqytty bop bul ómirde máńgilik, Qýantyńyz taýsylmasyn 100 jasta da! Alpys - tal tús. Alda áli talaı asýlar men beles-bedelder bar. Sizge jarqyn da maǵynaly ómir, kóterinki de kirshiksiz kóńil, deneńizdiń saýlyǵyń, otbasynyń amandyǵyń, qyzyqqa toly ǵumyr keship, kópshiliktiń ystyq yqylasy men qurmetine, rızashylyǵyna bólene berińiz. Abyroıyńyz asqaqtaı bersiń deı otyryp, tómendegi óleń joldaryń arnaımyz.

Oryndalsyn murat – arman oıyńyz.
Áýletińniń qurmetine bóleńip,
Árqashanda bıik tórde bolyńyz!
Jasaı ber, jas kelse de qartaımańyz,
Ómirdiń kemdigine munaımańyz.
Kúlimdep aldymyzda júre bershi,
 ...... aǵamyzdyń shańyraǵyn nurlandyryp!

Adam balasynyń uzaq ómirindegi bel-belesterdiń bári de eleýli sanalsa kerek. Sóıtse-daǵy kemel jasy 60-tyń orny múldem erekshe ekeni barshaǵa málim. Aǵalyq ardaqty asýdan asyp, aqsaqaldyq mereıli kezeńge kóteriler bul shaqtyń tal tús atalýy beker emes-aý.

Mine, sen de izimizden qýyp, aman-esen altynshy asqardyń shyńyna qol sozyp otyrsyń. Shúkir, bireýden ilgeri, bireýden keıin degendeı, ótken ómir bederleri kóńil ornyqtyryp, kóz toıdyrady.

Qýanyshtysy, mereıtoıyńdy otbasyńnyń altyn qazyǵy bolǵan jan-jaryńmen birge bala-shaǵańnyń shattyqqa toly ortasynda qarsy alyp otyrsyń. Ósip-óngen, urpaq tárbıelegen, quda-qudaǵılaryń men dos-jarandaryńnyń ystyq yqylasyna bólengen ózińe tek jaqsylyqtar, qýanyshtar men baqytty ǵumyr tileımiz.

Artyńdaǵy iziń óshpesin!

*** *** *** ***

Búgingi kún - bólekteý kún, mańyzdy,
Mańyzdysy - búgin týǵan jan izgi!
Alpys márte Kúndi aınalǵan jumyr Jer,
Sizge baqyt tilep turǵan tárizdi.

Renjitpeı úlkendi de, kishini –
Júregimen túsinetin kisini.
Mynaý ómir jumaq bolyp keter ed,
Sizdeı bolsa bar adamnyń pishini.

Qarapaıym qalpyn saqtap bıiktik,
Ul–qyzy men otaǵasyn ıitip.
Ana bolyp, pana bolyp otyrsyz,
Bir áýletti uıytqydaı  uıytyp.

Sizge qarap boı túzeıdi qyzdar da,
Siz kúlgende erimeıtin muz bar ma!
Iman bar dep, ıba bar dep ılanam,
Ortamyzda kúlimdegen siz barda.

Búgingi kún – bólekteý kún, mańyzdy,
Mańyzdysy – búgin týǵan jan izgi!
Tóbeńizge Qudaı kelip, shashý qyp,
Appaq nuryn shashyp turǵan tárizdi.

*** *** *** ***

El úshin eńbek ettiń, aıanbadyń,
Sol joldyń bar baqytyn baıandadyń.
Jarqyrap, ul-qyzdaryń – juldyzdaryń,
Alpysqa appaq Aıdaı aıaldadyń.

Ańqyldap qýana ber, aqtarylyp,
Basyńa jarqyrasyn baq ta kúlip.
Áke boldyń asqar taý – tuǵyryńda,
Ata bol, alpys jasta atqa minip.

Nemereń toptan ozyp, báıge alǵanda,
Shóbereń aspandaǵy aıdy alǵanda.
Taǵy da dúrkiretip toı jasarmyz,
Ózińiz abyz shalǵa aınalǵanda.

*** *** *** ***

60 jas mereıtoıyń qutty bolsyn,
Dos-jaranmen árqashan orta tolsyn.
70, 80, 90 men 100-ge jetip,
Basyńyzǵa Qyzyrdyń baǵy qonsyn.

*** *** *** ***

Sizdi 60 jasqa tolýyńyzben shyn júrekten quttyqtaımyn!

Siz óz mereıtoıyńyzǵa laıyqty da qoshemetteýge turar jetistiktermen kelip otyrsyz.

Óz eńbek jolyńyzda talaı beleske shyǵyp, ujymnyń jáne dostaryńyzdyń qurmetine bólendińiz. Tańdaǵan jolyńyzdy abyroımen jalǵastyryp kele jatqan tamasha balalardy tárbıelep, ósirdińiz.

Sizdiń óreli isterińizdi aıtqanda aýyz tolady, óıtkeni Sizdiń ómirińiz naǵyz maıtalman mamannyń, ulaǵatty ákeniń, elimizdiń abzal azamatynyń ónegesi. Otanymyzdyń órkendeýi jáne halqymyzdyń ıgiligi jolynda áli de talaı tánti isterdi atqararyńyzǵa kámil senimdimin.

Búgingi mereıtoıyńyzda Sizge jáne týystaryńyzǵa zor densaýlyq, uzaq ǵumyr, eńbekte tyń tabystar men ómirdiń asqaq abyroıyn tileımin!

Shańyraǵyńyzda bereke-birlik, yrys-yntymaq bola bersin!

Baqytyńyz baıandy, saý-salamat júrgeısiz!

*** *** *** ***

Sizdi 60 jasqa tolǵan torqaly toıyńyzben shyn júrekten quttyqtaımyz!

Osy tańda adam ómir jolynyń asqar bıigi – alpystyń shyńyna shyǵyp otyrǵan sizdi, kópshilik memleketimizdiń qaıratkeri, ǵumyryn Qazaqstan bolashaǵyna arnaǵan zıaly azamat retinde tanıdy.

Ómir jolynda eńbeksúıgishtik, qoǵamdyq belsendilikpen erekshelenip, naǵyz azamattyq qasıetterge ıe iri tulǵa retinde qazaq halqynyń ıgiligine bólenip, qyzmettiń eń qyzyqty da qıyn salalaryn atqaryp otyrǵan abyroı-bedelińizdi atap ótpeı ketýge bolmas.

Bul jyldar sizdiń qoǵamdyq jáne jemisti eńbegińizdiń naǵyz kemeline kelgen kezeń boldy. Týǵan elge degen súıispenshilik arqyly parasatty da rýhy bıik izbasarlaryńyzdy tárbıeleý jolynda daryndy uıymdastyrýshy qyrynan kórinip kelesiz.

Qoǵam ıgiligine baǵyttap otyrǵan eren eńbekterińizdiń elimizdiń nyǵaıýyna ózindik úlesi bar. Osynaý ıgilikti iste qanatyńyz talmasyn, qajyr-qayratyńyz qashanda arta bergeı!

Ózińizge jáne otbasyńyzǵa zor densaýlyq, uzaq ǵumyr, yrys pen yntymaq, baqyt pen bereke tileımin! Shyǵar shyńdaryńyz árqashanda bıik bolǵaı.

*** *** *** ***

Jany jaısań, kóńili darhan azamatymyzdy 60 jasqa kelgen kúnimen quttyqtaımyz. 

60 jas – adamnyń kemeline kelip, aldyńǵy tolqyn aǵalarynyń izin basyp, keıingi tolqyn inileri qurmet kórsetip, iltıpat tanytatyn, ul-qyz ósirip quda-jekjatty bolyp, nemere súıip, órisi keńeıip, órkeni ósken bedeldi kezeńi. Osyndaı mereıli jasqa kelgen .... aǵamyzǵa  tirlikte tuǵyryńyzdan taımaı, áli de talaı asýlardy tabandylyqpen alyp, keler qıyndyqtardy qajyrlyqpen jeńip, alǵa qoıǵan murattaryńyzǵa súrinbeı jete berińiz demekpiz. Asyl jaryńyzdyń, ul-qyzdaryńyzdyń qyzyǵyn molynan kórińiz, alyp máýeli báıterekteı japyraq jaıyp, órkendeı berýińizge tilektespiz!

*** *** *** ***

Bir jylda birge týǵan, asyl dosym,
Toılatar alpys jasyń qutty bolsyn!
Keń peıildi qurdasym, ..........-aı,
Uldaryń ........, ........... aman bolsyn!

Otyz jyl birge júrseń, baǵalanar,
Dostyń da, dostary bar daranalar.
Nemereń ósip, ónsin, shóbere súı,
Sabaqtassa urpaǵyń, baǵyń janar.

*** *** *** ***

Áppaq aryn eshqashan kirletpegen,
Kórkemdigi teń kelgen sýretpenen.
Týǵan-týys, dos-jaran, áriptester,
Ardaqtaıdy ózińdi qurmetpenen.

Eńbek jolyń tatıdy san ańyzǵa,
Saǵan qarap kúlimdep qalamyz da.
Otbasynda baqytty ǵumyr keship,
Aman-esen júre ber aramyzda.

Zeınetkerlik jasqa kep shattanasyń,
Áli talaı shyńdardan baq tabasyń.
Shyn júrekten bárimiz quttyqtaımyz,
Kósh kerýeniń eshqashan toqtamasyn! 

*** *** *** ***

"Alpys - tal tús" deıdi halyq danasy,
Alpys degen óń men tústiń arasy.
Bir áýlettiń óziń altyn qazyǵy,
Aman bolshy, aıaýly el aǵasy!

*** *** *** ***

Baıyptasań ómir men óner egiz,
Án-kúı tyńdap rahatqa kenelemiz.
Babalar amanatyn aman saqtap,
Qazaqsha án shyrqasyn shóbereńiz.

*** *** *** ***

Alataý shyńdary men Qarataý tastaryna
Kóz tústi jetkennen soń alpystyń asqaryna...
Aq boıaý samaı menen, baq syılap bastaryma.
Jetpistiń jotasyna jetpegen jasta myna
Jaýdyram alǵysymdy kórshi men dostaryma,
Ul-qyzym, nemere men shóbere – jastaryma!

*** *** *** ***

Bir basynda tektilikti, irilik pen iskerlikti asqaqtatar san qasıetter toǵysqan, sonysymen de eliniń kósheli bir azamaty bolyp, esimi jaqsylar men jaısańdardyń qatarynda atalyp júrgen ardaqty aǵamyz ............... bul kúnde 60 jastyń asqaryna shyǵyp, bárimizdi qýantyp otyr.

Jasynan el basqarý isine aralasyp, osy jolda kóp beles – bıikterden ótken qymbatty aǵamyzǵa, ákemiz, atamyzǵa alda da tasyńyz osylaı órge domalaı bersin, kórgenińiz tek qyzyq bolyp, el-jurtyńyzdy jańa tabystaryńyzben qýanta bergeısiz demekpiz.

*** *** *** ***

El úshin aıanbaı qyzmet etý basty paryz dep sanaıtyn, ult múddesin oılaǵan abzal da ardaqty azamat, kıeli de qasterli meken – Mahambetteı ór aqynnyń, eldi jaýdan qorǵaǵan batyrdyń týǵan ólkesiniń perzenti  ........., júırik ýaqyttyń ushqyr qanaty Sizdi ordaly otaǵasynyń jasy dep atalatyn Asqaraly Alataý – 60 jastyń  belesine alyp jetipti.

Siz, .... jyly ..................... ınstıtýtyn támamdaǵan soń óz eńbek jolyńyzdy .......... qalasynda alǵashqyda qatardaǵy mamannan bastap, keıin ........................ qyzmetterin atqardyńyz.  

Joǵary kásibı dárejeńizdi, jumystaǵy jaýapkershiligińizdi jáne basshylyq qyzmettegi qaǵıdashyldyǵyńyzdy, saıasattaǵy tózimdiligińizdi eskere otyryp, Sizge  .......... jyly .......................qyzmeti usynyldy. Tabysty eńbekterińizdiń nátıjesinde Siz ............... jyldan bastap .........................................qyzmetine taǵaıyndaldyńyz.

Kóp jylǵy sińirgen eńbegińizdiń nátıjesi retinde, Siz Qazaqstan Respýblıkasynyń .......................ataǵyn ıelenip, .......................merekelik medalimen marapattaldyńyz.

Qadirmendi .........................., Adam ómiriniń eń bir asyl kezi, asqar beli – 60 jasqa kelip otyrsyz. Bul jasqa ómirińiz qýatty, kóńilińiz shýaqty qalpyńyzda jettińiz! Osyndaı qarqynyńyzdan qalmańyz, shabysyńyzdan tanbańyz. Qazaqtyń Sherhany, Sheraǵasy alpys jasty taltús deıdi. Olaı bolsa, Alpystyń asýynan asyp, jetpiske aıaq basqan shaǵyńyzda da kózińizden ot ketpesin, júregińizden jylý ketpesin deı otyryp, Elge eter eńbegińiz, keler urpaqqa berer tálimińiz aldaǵy ýaqytta jalǵasyn tabady dep senim bildiremiz.

*** *** *** ***

Birimizge aıaýly ana, birimizge asyl jar, endi birimizge qadirmendi áje  ................. 60 jastyń asýyna shyǵyp otyr. Osy bir ózimizge qymbat ta súıikti adamymyzdy mereıli jasymen quttyqtap, shyn kóńilden aqtarylǵan izgi nıetterimizdi arnaǵymyz keledi.

Denińiz saý, otbasyńyz aman, ǵumyryńyz mándi de sándi bolsyn. Shańyraǵyńyzdan shattyq úzilmesin degen tilek aıtqymyz keledi.
 
Janyńyz jaz, shýaq sepken júregińiz,
Bir áýlettiń uıtqysy bir ózińiz.
Aqylshy bop, ana bop, pana bolyp,
Júzge jetkin osy bizdiń tilegimiz.

Alpysta da qýatyń aryndasyn,
Keldik biz ózińizdi saǵynǵasyn.
Táńir bergen ǵumyrdy jasaı bergin,
Baq-dáýlet shańyraq arylmasyn.

*** *** *** ***

Alpysta alty jasar baladaı bol,
Jetpiste han jyǵasy – jaǵadaı bol.
Seksen men toqsanda da syr aldyrmaı,
Júz jasta kópti kórgen danadaı bol.

*** *** *** ***

Aman bolsyn basyńyz,
Aǵarmasyn shashyńyz.
Shóbere súıip áli de,
Júzge jetsin jasyńyz.
 
60 ta ómir belesi,
Qartaıdym men demeshi.
Týǵan kúnde jyl saıyn,
Qýanyshqa  bóleshi!

*** *** *** ***