InfoHub Logo

9 synyp fızıka páni boıynsha fakúltatıv
Túsinik hat
Búgingi tańda oqýshylardyń dúnıetanymyn keńeıtý jáne olardy shyǵarmashylyq is - áreketke baýlý, sonymen qatar óz betinshe izdenýshilik qasıetterin jetildiretin jumystardyń biri fakúltatıv jumystary bolyp tabylady. Fakúltatıv sabaqtar júrgizý arqyly oqýshylardyń dúnıetanymyn, shyǵarmashylyq qabiletteri keńeıedi.

Fızıkany tereńdetip oqytý 9 synyptarda fakúltatıvtik sabaqtar arqyly júzege asyrylady. Fakúltatıv sabaqtar oqýshylardyń pánge degen qyzyǵýshylyǵyna baılanysty jáne oqý programmasy boıynsha júıeli túrde baılanysyp otyrady. Oqýshylar úshin fakúltatıv sabaqtardy uıymdastyrý mekteptiń biryńǵaı prınsıpine qaıshy kelmeıdi, kerisinshe, ol mektep aldynda turǵan birqatar mańyzdy mindetterdi tabysty sheshýge jaǵdaı jasaıdy. Bul mindetterdiń ishindegi asa mańyzdylarynyń biri - dıdaktıkanyń jeke (daralap) oqytý prınsıpine saı keledi. Iaǵnı, árbir oqýshynyń tabıǵı qabiletine sáıkes aqyl - oıyn, qabiletin damytýǵa baǵyttalǵan jumystar júrgizilip, ǵylym meń tehnıkanyń kazirgi jetistikterin mektep biliminde tolyǵyraq qamtýǵa, oqytý isinde oqýshylardyń shyǵarmashylyq tapsyrmany oryndaýyna kóbirek kóńil bólýine, óz betinshe bilim alýǵa degen izdenisterine múmkindik beredi.
Fakúltatıvtik oqý oqýshylardyń sabaqtary bastalǵanǵa deıin nemese sabaqtan soń bekitilgen keste boıynsha júrgiziledi. Fakúltatıv sabaqtardy ótkizýde kelesi jaǵdaılar eskeriledi:
fakúltatıvtik sabaqtar ádettegi sabaqqa uqsamaýy tıis;
úlgermeýshi oqýshylar úshin qosymsha sabaq, túrine aınalmaýy
tıis;
joǵary oqý oryndaryna túsetin talapkerlerdi daıarlaıtyn
(repetıtorlyq) sabaqqa nemese joǵary oqý oryndary
túrindegi leksıa kýrsyna aınalmaýy tıis;
úıirme sabaqtarynyń belgili bir formalaryn kóshirmeýi tıis.
Maqsaty: Berilgen taqyryptar boıynsha fızıkanyń zańdylyqtaryn, olardyń ashylý tarıhyn, kúndelikti turmysta qoldanylýyn, fızıkanyń óndirispen, aýylsharýashylyǵymen, tehnıkamen, ǵaryshty ıgerýmen baılanystylyǵyn ashyp kórsetý, pánaralyq baılanysty júzege asyra otyryp, oqýshynyń shyǵarmashylyq qabiletin damytý, jeke tulǵany bilimdilikke, izdenimpazdyqqa, tapqyrlyqqa yntalandyryp, óz betinshe jumys isteý qabiletin arttyrý.
Fakúltatıvte esep shyǵarý sabaǵyn ótkizýdiń ózindik qıyndyqtary bolady. Kez kelgen taqyrypqa baılanysty konkýrstyq, olımpıadalyq esepterdi tańdap alýǵa bolady. Mundaı esepterdi shyǵarý barysynda esep mazmuny men ony shyǵarýdyń múmkin joldaryn oqýshylarmen birge taldaý olardyń esepterdi óz betinshe shyǵarýǵa degen daǵdysyn jedel damytýǵa, zertteýshilik qabileti bar oqýshylardy tabýǵa múmkindik beredi. Mundaı oqýshylar teorıalyq materıaldardy oqyp - úırený kezinde kózge túspese de, shyǵarmashylyq esepterdi shyǵarý barysynda jańa qyrynan tanylýy múmkin.
9 synyp fızıka páni boıynsha fakúltatıv. júkteý