InfoHub Logo

Sabaqtyń taqyryby: Á. Dúısenbıev «Ardaqty ana» óleńi
Sabaqtyń maqsaty:
a) bilimdilik: Á. Dúısenbıevtiń ómiri men shyǵarmashylyǵyndaǵy erekshelik. Ardaqty ana týraly óleńniń negizgi oıy.
á) damytýshylyq: oqýshylardyń jeke oılaý qabiletterin ashý, sózdik qorlaryn molaıtý, óz pikirlerin ashyq - anyq aıtýǵa múmkindik jasaý, pikirlerin dáleldeı bilýge, jáne shyǵarmashylyq qabiletterin damytý;
b) tárbıelik: oqýshylardyń ómirdegi eń ardaqty jan — anany súıýge, qadirleýge, qasterleı bilýge tárbıeleý, ujymda tynyshtyq saqtaýǵa, birin - biri tyńdaýǵa, adamgershilik qasıet pen bilimge tárbıeleý.
Sabaqtyń tıpi: aralas sabaq
Sabaqtyń túri: dástúrli sabaq
Sabaqtyń ádisi: suraq - jaýap, taldaý, dáleldeý, izdenýshilik, erkin jazý.
Sabaqtyń kórnekiligi: Á. Dúısenbıevtiń sýreti, ınterbelsendi taqta, gúl kúlteleri t. b.

Sabaq jospary:
1) Psıhologıalyq daıyndyq.
2) Ótken materıalǵa sholý jasaý
3. Jańa sabaq.
4. Qyzyǵýshylyǵyn oıatý
5. Oqýlyqpen jumys
6. «Ádebıet úıirmesi boıynsha»óleńmen jumys
7. Toptyq tapsyrmalar
8. Óleńdi taldaý
9. Sabaqty qorytyndylaý.
10. Úıge tapsyrma.
11. Baǵalaý.

Sabaqtyń barysy
İ. Uıymdastyrý kezeńi
a) psıhologıalyq daıyndyq
Sáttilik bizder tileıik,
Men saǵan, sen maǵan.
Kúndeı kúlip júreıik,
Kúnniń nuryn tógeıik,
Men saǵan, sen maǵan.
Kóktem keldi, alaqaı,
Endeshe gúl tereıik.
Synypty topqa bólý
Gúlderdiń ataýy, túsi arqyly topqa bóliný

İİ. Ótken materıaldy pysyqtaý
1. Jumbaq sheshý
Úsh áripten turatyn,
Esimi onyń turaqty
Ońǵa oqy, solǵa oqy,
Ózgermeıdi esh odan
Kúnim, janym deıtuǵyn,
Aıtady káni, kim atyn? / Ana/

2. Klaster jasaý.
— Sonymen, balalar, «Ana degen kim?» suraǵyna qoıylatyn jaýaptar tizbegin jazaıyq.
Ana kim?
— Qamqorshy
— Dos
— Ustaz
— Jaryq ómir syılaýshy
— Janashyr
— Aqylshy
— Meıirimdi jan
— Pana
— Aıaýly jan

3. «Ana» taqyrybyndaǵy shyǵarma
(«5» alǵan 2 balaǵa oqytý).
Sergitý sáti.
Án «Anashym»

İİİ. Jańa sabaq
1. Qyzyǵýshylyǵyn oıatý.
Lezdik suraqtar:
— Ómirde sen úshin alaqany jumsaq kim?
— Júregi jyly kim?
- Qushaǵy keń kim?
Balalar, alda qandaı mereke kele jatyr? (Analar merekesi – 8 naýryz)
2. Aqparat.
Endeshe, búgin biz Ánýarbek Dúısenbıevtiń «Ardaqty ana»óleńimen tanysamyz.
Muǵalim: Búgingi sabaǵymyzdyń taqyryby: «Ardaqty ana». Búgingi sabaqtyń maqsaty – ananyń uly tulǵa eknin tanıtyn bolamyz.
3. Dáptermen jumys. Kún reti, avtory, taqyryby
4. Avtormen tanystyrý.
Muǵalimniń oqýy.
Oqýlyqpen jumys.
- ishteı oqý
- tizbekteı oqý
- shýmaqtaı oqý
- hormen oqý
- mánerlep oqý
«Ádebı úıirme» ádisi boıynsha óleńmen jumys.
Toptaǵy
İ oqýshy – baıandap berýshi
İİ oqýshy – zertteýshi ( maqal - mátel, jańyltpash)
İİİ oqýshy – suraq qurastyrýshy
İV oqýshy – beıneleýshi
V oqýshy – dáneker
Tapsyrma: Óleńnen ana qasıetin dáriptegen aqynnyń sózderi arqyly ana
beınesin toptap shyǵarý. (Mysaly: ardaqty, aıaýly, qymbatty, keń
qushaqty, kúlkisi kún nuryndaı, gúl baqtyń aıasyndaı, aqyldy, dana.)
Terilgen sózder ishinen teńeýlerdi izdeý.
Toptyq tapsyrma:
1 - top: Óleńdi aıaqta:
Maqsaty: shapshań oılanýǵa, óleń shyǵara bilýge tóseldirý, anaǵa degen
mahabbatyn óleń shýmaǵymen jetkizý.
______________ danasyń («anashym)
______________ panasyń (Bizderge)
________________ balasyn (aıalap)
_______________ anashym (ósirgen)
2 - top:
Maqsaty: 5 joldy óleńdi durys qurastyrýǵa mashyqtandyrý.
5 joldy óleń qurastyrý.
Kim? (ana)
Qandaı? (meıirimdi, sulý)
Ne isteıdi? (ósiredi, mápeleıdi, erkeletedi)
4 sózden quralǵan sóılem. (Anamyz árqashan aman bolsyn)
Mándes sóz. (adam)
3 - top: «Meniń anashym» taqyrybynda esse jazý
Maqsaty: anaǵa degen súıispenshiligin qara sózben tolyq jetkize bilýge tóseldirý.
4 - top: Analar merekesi qurmetine jaýqazynnyń ne qyzǵaldaqtyń kúlte
japyraqshasy túrinde qıylǵan qaǵazǵa quttyqtaý sóz jazdyrý.
Maqsaty: kúlte japyraqshalaryna tilek jazǵyzý, oıyn tolyq jetkize
bilýge úıretý.
Óleńdi taldaý:
Avtory: Ánýarbek Dúısenbıev
Taqyryby: «Ardaqty ana»
Janr túri: Lırıka (óleń)
Ideıasy: anany qurmetteý
Shýmaq sany: 3
Tarmaq sany: 12
Býnaq sany: 3

Bekitý
«Ana» sóziniń kiltin tabý.
A — damnyń
N — aǵyz
A — syly
Demek, dúnıede anadan asyl eshkim joq.

Úıge tapsyrma.
Óleńniń unaǵan shýmaǵyn jattaý.
Maqal - mátelderdi jattaý.
«Anany nege barlyq adamdar qurmetteıdi?» esse jazý.
Qorytyndylaý.
«Bir aınalym suhbat» strategıasy boıynsha qorytyndylaý.
Baǵalaý.