InfoHub Logo

Qazaq ádebıeti 7 synyp
Sabaqtyń taqyryby: A. Qunanbaev «Jıyrma toǵyzynshy qara sóz»
Sabaqtyń maqsaty: Qara sóz týraly jalpy málimet ala otyryp, aqynnyń qara sóz jazýdaǵy maqsatyn túsiný. Jıyrma toǵyzynshy qara sóziniń mazmunymen tanysa otyryp, aqynnyń aıtar oıyn anyqtaý.
Qara sózdiń ıdeıasy arqyly oqýshylardy adamgershilikke, ımandylyqqa, adamı qundylyqtardy baǵalaýǵa tárbıeleý;
Dúnıetanym qabileti joǵary, izdenimpaz, talapty, óz aldyna maqsat qoıa biletin jeke tulǵa qalyptastyrý.
Oqýshylardyń aýyzsha sóıleý tilin, oılaý qabiletin damytý
Kútiletin nátıje: Qara sózdiń mánin túsinedi; basty ıdeıasyn anyqtaıdy;
Qara sózderinde aıtylǵan pikirine baılanysty óz oılaryn aıta alady;
Birinshi qara sózben, otyz birinshi qara sózben baılanystyra otyryp, aqyn maqsatyn anyqtaıdy.
Pikir almasady, óziniń pikirin qorǵap, baǵalaýǵa, ózgeniń pikirin qurmetteýge, ádeppen tyńdaýǵa úırenedi.
Qoldanylatyn ádis - tásilder: «Qoraptaǵy suraqtar» ádisi, toptyq jumys, «Jubyńdy
tap», «Aınalmaly úshtik oıyny» ádisi
Kerekti jabdyqtar: Abaıdyń portreti, tapsyrmalar jazylǵan slaıdtar, baǵalaý paraqshalary, oqýlyq, flıpcharttar, markerler, ınteraktıvti taqta.

Sabaq barysy:
İ. Uıymdastyrý kezeńi:
«Ystyq alaqan» sergitý sáti
Oqýshylar bir - birine qarama - qarsy turyp, alaqandaryn alaqandaryna qoıyp, bir - birine tilek aıtady.

«Jubyńdy tap» ádisimen óleń joldaryn qurastyrý arqyly topqa bólinedi.
Maqsaty – oqýshylardy birlesip, yntymaqtastyqpen jumyla jumys isteýge, oqýshylardy topta jumys jasaı alýǵa, óz pikirleri men boljamdaryn qorǵaı alýǵa úıretý.
İİ. Úı tapsyrmasy.
«Qansonarda búrkitshi shyǵady ańǵa», «Qarańǵy túnde taý qalǵyp» óleńderin jatqa suraý.
İİİ. Qaıtalaý, eske túsirý kezeńi.
“Qoraptaǵy suraqtar” ádisi arqyly Abaı týraly bilgenderin eske túsirý úshin suraqtar qoıylady.
1. Abaı kim?
2. Abaı kimdi synady?
3. Ne úshin synady?
4. Osy taqyrypta jazylǵan aqynnyń qandaı óleńderin bilesińder?
İÚ. Jańa sabaqqa daıyndyq
Toptyq jumys
1. Interaktıvti taqtada berilgen Abaıdyń «Birinshi qara sózin» oqyp shyǵady. Qara sóz jazýdaǵy aqyn maqsatyn anyqtaıdy.
Maqsaty - oqýshylardyń ózdiginen oı qoryta bilý daǵdysyn jetildirý.

2. Interaktıvti taqtadan tómende berilgen suraq boıynsha 6 - synypta ótkendi eske túsirip, Abaı sózimen jaýap beredi.
1. Abaıdyń pikirinshe, estigen nárseni umytpaý úshin ne kerek?
«Estilgen nárseni umytpastyqqa tórt túrli sebep bar: áýeli - kókiregi baılaýly berik bolmaq kerek; ekinshi — sol nárseni estigende ıa kórgende ǵıbrátlaný kerek, kóńildenip, tushynyp, yntamen uǵý kerek; úshinshi — sol nárseni ishinen birneshe ýaqyt qaıtaryp oılanyp, kóńilge bekitý kerek; tórtinshi - oı keseli nárselerden qashyq bolý kerek.
2. Oı keselderine ne jatady?
Oı keselderine ýaıymsyzdyq, salǵyrttyq, oıynshy - kúlkishildik, ıa bir qaıǵyǵa salyný, ıa bir nársege qumarlyq paıda bolý.
3. Odan qutylýdyń qandaı joldaryn kórsetedi?
Eger kez bolyp qalsa, salynbaý kerek. Bul tórt nárse - kúlli aqyl men ǵylymdy tozdyratuǵyn nárseler».

Ú. Jańa sabaq. «Aýyspaly úshtik oıyny» ádisi. Jıyrma toǵyzynshy qara sózdi oqyp, mazmunymen tanysý, odan soń túsingenin topta talqylaý.
Maqsaty - birin - biri oqytý, qoldaý kórsetip, oqýshylar arasyndaǵy yntymaqtastyqty nyǵaıtý, óz betimen bilim alý daǵdysyn qalyptastyrý.