InfoHub Logo

Taqyryby: Abaıla, baǵdarsham!
Jolda júrý erejesin jadyńda usta.
Sabaqtyń maqsaty: 1. Balalardy jolda júrý erejesimen tanystyrý.
2. Jol qaýipsizdigin este saqtaýǵa, bilýge jol erejesiniń belgilerimen tanystyrý
3. Oqýshylardy kóshede durys júrip, jol erejesin saqtaýǵa tárbıeleý.
Sabaqtyń ádisi: oılandyrý, izdendirý, suraq - jaýap, baıandaý
Kórnekiligi: Baǵdarsham, jol belgileri salynǵan sýretter, jol erejesine arnalǵan kitaptar.

1. Uıymdastyrý kezeńi. Psıhologıalyq ahýal
Kirispe: «Jol travmatızminiń aldyn alý».
Jol zańy durys júrip, abaı bolýdy talap etedi. Jol tártibin buzba, ol qater týdyrady. Joldyń qalypty qozǵalysy kóbinese balalardyń jol boıynda qalaı bolsa solaı júrip, dop qýalaıtyny, shańǵy tebetini, júrip bara jatqan mashınaǵa jabysatyny, qaltarystan jolǵa shyǵyp keletin saldarynan buzylady. Jol tártibin buzǵandyqtan keıbireýler mashına dóńgelegine ilinip qaza taýyp, keıbireýleri jaraqat alady. Al keıbireýleri ómirlik múgedek bolyp qalady.
Sondyqtan árbir bala « Jolda júrý erejesi» taqyrybyndaǵy sabaqty muqıat tyńdap, ár sabaqtan qorytyndy jasap otyrýǵa mindetti. Úlgili, tártipti bala kóshede, jolda júrý erejesin, zańyn buzbaıdy.
Sonymen qandaı bala jol erejesin buzbaıdy?
Balalar: Úlgili, tártipti bala.
Balalar men qazir senderge jumbaqtar jasyramyn, sender jaýabyn aıtasyńdar:

Jumbaqtar
1. Ala taıaq ustaǵan,
Jol tártibin nusqaǵan.
Ómirińdi kúzetken,
Ysqyryqpen túzetken. (Mılısıoner)

2. Kóliktiń qanshasyn ústinen ótkizgen,
İrgeden bastalyp, alysqa jetkizgen. (Jol)

3. Joq ózinde bas ta, aýyzda da, qulaq ta,
Baqyraıǵan úsh kózi bar biraq ta. (Baǵdarsham)

4. Arqanym bar tym uzyn,
Ala - almaısyń bir úzim.
Tabyńdarshy, balalar,
Bul jumbaqtyń sheshýin. (Jol)

5. Ózi sóıleı bilmeıdi,
Biraq «Toqta, júr!» deıdi. (Baǵdarsham)
Tárbıeshi: Baǵdarsham ómirimizdi jazymnan saqtandyratyn kómekshimiz. Onyń syryn bilip alý barshamyzǵa kerek.
1. Nege?
Bizdiń qalamyzda, sol sıaqty bizdiń elimizdiń qala, aýyldaryna bárine ortaq kóshe qatynas erejesi engizilgen. Bul erejeni oqýshylar da, úlkender de, ıaǵnı barlyq júrgizýshiler, kólik júrgizetin júrgizýshiler de buljytpaı oryndaýy kerek.
2. Balalar, sender kóshede júrý erejesin bilesińder me eken, kóreıik. Mynadaı suraqtarǵa jaýap berińdershi.
3. Jıek jol degen ne? Adamdar jaıaý júretin kóshe jıegindegi tar jol.
4. Jaıaý adamǵa qaı jermen júrýge bolmaıdy? Kólik júretin kósheniń ortasymen júrýge ruqsat etilmeıdi.
Sýretterde:
Qyzyl — Toqta!
Sary — Saqtan!
Jasyl — Jol ashyq!
Sergitý sáti: «Biz ádepti balamyz»
Balalarǵa sýretterdegi jolda júrý erejeleri týraly suraý. Slaıd kórsetý.
Oıyn: «Alǵashqy kómek» Maqsaty: Balalar eki topqa bólinip, jolda apat bolǵan kisige alǵashqy kómegin usynady. Birinshi bolǵan top madaqtalady.
Tárbıeshi: Shýaqty ómirimiz kúndeı kúlip,
Júrekte búrshik atyp gúldeıdi úmit.
Armanǵa sapar tartý múmkin emes,
Jol júrý erejesin bilmeı turyp.
Qaı kóshe, qalaǵa barsańyz da,
Qaı aqyl ólshemine salsańyz da.
Jol júrý erejesi zańdy tártip,
Ol – ortaq!
Úlken – kishi barshamyzǵa!
Balalar men qazir senderge aq qaǵaz ben qaryndashtar taratamyn biz jolda júrý erejelerinen úırengen árbir kezeńdi sýret etip salýymyz kerek. Kim jaqsy salǵa kórmege qoıylady.
Boıaǵyshtardy taratý.
Sabaqty qorytyndylaý. Refleksıa.
Balalar búgin biz ne úırendik?
Balalar jolda júrý erejelerinen ne bildińder?
Sender jol erejelerin saqtaýǵa ýáde beresińder me?
Jolda kimniń kómegi qajet bolady?