InfoHub Logo

Adaldyq - adamdyqtyń belgisi ispetti. Adam balasy qoǵamda óziniń adamgershiligimen, adaldyǵymen, qaıyrymdylyǵymen ardaqtalady. Sondyqtan osy asyl qasıetter ár adamnyń boıynan tabylýy shart dep oılaımyn. Adaldyq adam boıynda týmysynan paıda bolmaıdy. Sebebi adaldyq ár adamda ómirdegi kóp faktorlardan qalyptasady. Adaldyqtyń adam boıynda sińisip ketýi úshin árıne, ata-anasynyń tárbıesi áser etedi. Bul jaǵdaıda ata-ana tálim-tárbıesi de zor ról atqarady. Bala qorshaǵan ortasyna, qoǵamǵa qarap, sol baǵytta  qalyptasady. Sábıdi perishte sanaımyz, biraq óse kele ol perishteligin joıady. Nelikten? Sebebi "sútpen sińgen minez súıekten shyǵady", ol da qorshaǵan ortanyń yqpalyna súıenedi.  

Basqaǵa suraq qoımas buryn, men ózimnen bastadym. Osy adaldyq qasıetteri meniń boıymnan tabyla ma? Qoǵamdaǵy adamdardyń maǵan degen kózqarasy qandaı? Iá, meniń boıymnan asyl qasıetter tabylady. Sebebi men ómirge shynaıy kózqaraspen qarap, jarqyn bolashaǵyma aıaq basamyn. Óz eńbegimmen nan taýyp, aldyǵa qoıǵan maqsatyma jetemin. Qoǵamda da maǵan degen dostarymnyń kózqarasy jaqsy. Demek, meniń boıymda osy asyl qasıetter tabylady.

Kóshpeli qazaq halqy da burynnan jas urpaqtaryn asyl qasıetterge baýlydy jáne qazir de baýlyp keledi. "Ala jipti attamaǵannyń abyroıy bıik" - demekshi qazaq halqy tusaýkeser salt-dástúrin balany bireýdiń ala jibin attamas úshin ótkizedi. Osydan-aq, qazaq halqynyń bala tárbıesine qalaı kóńil bóletindigin, qandaı abyroıly halyq ekenin ańǵarýǵa bolady.

"Kúshińe senbe, adal isińe sen" -, degen eken Muhtar Áýezov atamyz. Shynynda da, bedelińe, baılyǵyńa senýdiń qajeti joq. Túbinde adaldyq jeńetini sózsiz. Baılyǵyń da, bedeliń de ýaqytsha. Al, jasaǵan adal isiń ómir boıy saǵan jaqsylyq ákeledi. Sebebi adal jolmen tapqan aqshanyń uıaty joq, berekesi bar. . . 

---