InfoHub Logo

Taqyryby: Adamgershilik – rýhanı bilim men tárbıe berý prosesinde mektep pen otbasynyń árekettestigi.
Maqsaty: Ata - ana men bala arasyndaǵy senimdi syılastyqty, bir - birine degen senimdi nyǵaıtý, bala tárbıesiniń alǵashqy altyn qazyǵy týǵan uıasy, óz otbasyndaǵy ata - ana tárbıesi, ónegesi jáne balanyń bas ustazy ata - ana ekenin túsindirý.
Ótkizilý túri: dóńgelek ústel
Ótkizilý ádisi: pikirlesý, suraq - jaýap, trenıńter, jaǵdaıattyq suraqtar.
Júrý barysy: Qurmetti ata - analar «Otan ot basynan bastalady»demekshi ata - analar men ustazdar qaýymy úshin jas urpaq tárbıelep, ony qoǵam múddesine jaratý kezek kúttirmeıtin másele. Osy máselege ata - analar men ustazdar bop atsalyssaq alar asýymyzdyń bıik bolary sózsiz. Adamzattyń ómirdegi eń qymbattysy, kóz qýanyshy bala. Bala derbes tulǵa. Onyń boıyndaǵy tabıǵı qasıetter, adamgershilik qundylyqtary otbasynda, mektepte, áleýmettik ortada nárlenedi. tárbıe úrdisiniń bir taraýy otbasymen jumys desek, otbasynan bastalatyn tárbıe mektep ómirinen jalǵasyn tabady. Qazirgi qoǵamda ata - ana balasynan ne kútedi? Balasyn qalaı tárbıeleıdi? Ata - ananyń baqyty nede? Mine osy turǵyda sóz qozǵalatyn «Adamgershilik – rýhanı bilim men tárbıe berý prosesinde mektep pen otbasynyń árekettestigi» taqyrybyndaǵy dóńgelek ústelimizge qosh keldińizder.
Shattyq sheńberi
Men sizdermen kezdeskenime óte qýanyshtymyn. Qane, bárimiz bir - birimizdiń qolymyzdan ustap sheńber quraıyq. Sheńberge turýdyń úlken bir qasıeti bar. Sheńberimiz kóktegi jylý beretin kún sıaqty dóńgelek. Sheńberge turyp bir - birimizdi jaqsy kóre alamyz, jaqsylyq pen jylýlyǵymyzdy syılaı alamyz. Endi bárimiz shattana qýanyp, bir - birimizge jaqsylyq tileıik.
Men búgingi pikirtalasymyzdy M. Álimbaevtyń myna óleńimen bastaǵandy jón kórip otyrmyn.

Qıpaqtaıdy qıt etse anań, ákeń.
Qaıtsem ǵana osyny adam etem.
Basqalardyń osyndaı balalary,
Tap osyndaı jańǵalaq shalama eken.
Oıym emes, ollahı bizdikiniń...
Enjarlyǵy elde joq alabóten.
Týa salsa tulpardyń jalyn tartqan.
Qyrǵılarǵa qyzyǵyp qarap ótem.
Jaryq syılap, mańyna jylý syılap,
Bulda bir kún alaýlaı jana ma eken?
El qatarly eleýli eńbek etse - aý
Bolmasa da top jarǵan dara bóten.
Múshe tistep myqtylar toı jasasa,
Jerge qarap men sorly qalar ma ekem?
Úmit pen kúdiktiń ortasynda
Ata - ananyń úmiti talady eken!
Mine osylaısha óz balasynyń bolashaǵyna alańdap, «Qaıtsem de balamdy adam etem» degen ata - ananyń armany balasymen birge jasaıdy eken.
Júrgizýshi. Perzentterińizdiń atynan T. Aıbergenovtyń «Perzent jyry» atty óleńin nazarlaryńyzǵa usynamyz

Perzent jyry
Sen meniń máńgilikke ólmes atym,
Atymdy ap alys jylǵa jalǵasatyn
Ákede ósıet bar ómir jaıly,
Balada qasıet bar alǵa asatyn.
Sen meniń ushar basym bıiktegen,
Jolyńa tapqanymdy úıip tógem
Sen meniń dúrsildegen júregimsiń.
Qaı nárse sol júrekti súıedi eken?
Sen meni ósken saıyn oılandyryp,
Zańdaryn tabıǵattyń oıǵa aldyryp,
Bir qadam basqan saıyn óziń meni
Barasyń shejirege aınaldyryp.
Ata - ana bala úshin eń birinshi úlgi tutar adamy, ózin kórsetetin aınasy. Sondyqtan ata - analar men sizderge búgingi keshimizdiń «oılanaıyq, pikirleseıik!» aıdarynda mynandaı suraq qoıǵym kelip otyr.
1. Bala tárbıesine qatysty qazaqqa tán qandaı qasıetterdi durys dep sanaısyz?
2. Qazirgi jas órken memleketimizdiń bolashaǵy. Sondyqtan da balaǵa bir otbasynyń urpaǵy dep emes, bar qazaqtyń balasy dep qaraý kerek sıaqty. Uly Abaı atamyz «balany eń aldymen ata - anasy, sosyn ustazy, sodan keıin qorshaǵan ortasy tárbıeleıdi» degen eken. Siz qalaı qaraısyz?
3. Bala tárbıesi úshin otbasy jaýapkershiligi basym ba, álde mekteptiń jaýapkershiligi basym ba?
4. balanyń atasy men ájesiniń tárbıesinde, atasy men ájesiniń balasy bolýyna qalaı qaraısyzdar?
5. Balany erkin tárbıelegen durys pa, qatań tárbıelegen durys pa?
6. «Balanyń óskende jaqsy, ónegeli adam bolyp shyǵýyna otbasynan alǵan tárbıeniń yqpaly zor» degenge óz pikirińiz, kózqarasyńyz qandaı?