InfoHub Logo

Ádebıet 5 synyp
Sabaqtyń taqyryby: «Ádebıet shyńyna aparatyn soqpaq»
(Halyq aýyz ádebıeti)
Sabaqtyń maqsaty:
1. Bilimdilik maqsaty: Halyq aýyz ádebıetinen ótkendi eske túsirip, qaıtalata otyryp, ár janry boıynsha oqýshylardyń shyǵarmashylyq qabiletin arttyrý.
2. Damytýshylyq maqsaty: Óz pikiri, estetıkalyq talǵamy bar saýatty, mádenıetti oqyrman daıyndaý. Aýyzsha da erkin, sheshen, kórkem sóıleýge, jaza bilýge úıretý, osy máselelerdegi mashyqtaryn damytý.
3. Tárbıelik máni: Týǵan halqynyń tili, onyń ádebıetine degen ulttyq sezimderin tárbıeleı otyryp, estetıkalyq talǵamyn, ádebıetke degen qyzyǵýshylyqqa áser etý.
Sabaqtyń kórnekiligi: «Ádebıet shyńyna aparatyn soqpaq» plakaty, venn dıagramsy, semantıkalyq karta, úlestirme materıaldar.
Sabaqtyń túri: toptyq, juptyq sabaq.
Sabaqtyń ádis - tásili: Oqý men jazý arqyly syn turǵysynan oılaý strategıalary, asosıasıa, venn dıagramsy, túrtip alý ádisi, semantıkalyq karta.

Sabaqtyń barysy: 1. Uıymdastyrý kezeńi.
2. Jańa sabaq túsindirý
Ádebıet páni – sóz óneri páni. Sondyqtan da ádebıetti oqytýdyń basty maqsaty – oqýshylardy sóz ónerinen qyr - syrymen tanystyrý, halyq danalyǵy, halyq ósıetterinen nár alǵyzý, kitapqa degen yntasyn oıatý, halyqtyń rýhanı baılyǵy - ádebıetin jan - jaqty ıgertý. Oqýshynyń oı - pikiri, oı áserin qalyptastyryp, shyǵarmashylyq qabiletin oıatý. Sondyqtan da halyq aýyz ádebıeti túrlerinen ótkendi qaıtalaý sabaǵyn «Ádebıet shyńyna aparatyn soqpaq» dep atadym. Bul ádebıet «shyńyna» jetý úshin ózderińiz kórip otyrǵandaı jeti aıaldama arqyly ótemiz. Bul aýyr da, qıyn soqpaqqa jańa ǵana túsken jas býyn ókilderi – halqymyzdyń asyl da, mol murasy beıneli sóz marjandary men halyq aýyz ádebıetimen jańa sýsyndap jatyrmyz.
Aldaryńyzdaǵy jeti aıaldama halyq aýyz ádebıetiniń negizgi jeti túrine baılanysty suraq tapsyrmalardy oryndaý arqyly, ıaǵnı qazaq dúnıe tanymyndaǵy jeti bulaǵyna kerýen saparǵa shyǵamyz. Kerýen saparǵa shyqpas buryn halyq aýyz ádebıet túrlerin eske túsirip alaıyq.