InfoHub Logo

Uıymdastyrylǵan oqý is - áreketiniń tehnologıalyq kartasy
«Qarlyǵash» toby
Bilim berý salasy: «Shyǵarmashylyq»
Bólimderi: Japsyrý.
Taqyryby: Ádemi gúlder.
Maqsaty: Ádemilikti sezine bilýge, kórkemdik talǵamdarynyń jetilýine yqpal etý. Sopaqsha pishindi qıyp alý arqyly gúl kúltesin, japyraǵyn jasap, gúl beınesin japsyrýǵa úıretip, japsyrýdyń ádis - tásilderin meńgertý. Qaıshyny durys ustaý men qoldana bilýdi, tústerdi, kólemdi ajyratyp, keńistikti baǵdarlaı bilýge úıretý.

İs - áreket kezeńderi
İ kezeń. Dáleldeý - oıatý
Tárbıeshiniń is – áreketi
Jylýlyq sheńberi:
Qaıyrly tań, kók aspan
Qaıyrly tań, altyn kún
Qaıyrly tań, dostarym
Qaıyrly tań, qonaqtar – dep nazarlaryn sandyqqa aýdarý.
- Balalar, qarańdarshy bizdiń topta sıqyrly sandyq paıda bolypty, ishin ashyp kóreıikshi ne bar ekenin.

II kezeń. İzdený, uıymdastyrýshy
- Balalar, sandyq ishinde hat bar eken.
- Oqyp kóreıin be, balalar?
- Qurmetti «Qarlyǵash» toby búldirshinderi, sizderdi ormandaǵy qoıan myrzanyń úıine, týylǵan kúnine shaqyramyz! Baramyz ba, balalar, kettik endeshe.
- Onda balalar, biz qoıanǵa qur qol barmaıyq. Orman alqabyndaǵy gúlderdi tamashalap, gúl jasap, ala baraıyq. Qalaı oılaısyńdar balalar?
Ormanda jylap otyrǵan aıýǵa kezdesedi.
- Mynaý kim balalar, jylap otyrǵan?
- Men aıýmyn qorbańbaı,
Qımyldaımyn qorbańdaı
Omartany kórgende,
Bas qoıamyn oılanbaı.
- Aıý nege jylap otyrsyń?
- Qoıan meni týylǵan kúnine shaqyryp edi, soǵan ádemi gúlder jasaıyn desem, jasaı almaı áýremin.
- Júr onda bizben birge, bizdiń balalar ádemi gúlder jasaýda saǵan kómektesedi, bizdi de qoıan týylǵan kúnine shaqyrǵan birgelikte baramyz.
Aıýdy ózderimen birge ertedi.
- Jolda túlkige kez bolady.
- Mynaý kim balalar, muńaıyp otyrǵan?
- Men aılaly túlkimin
Bos ótpeıdi bir kúnim,
Qoraz kórsem qoradan
Toıar edi qulqynym.
- Nege muńaıyp otyrsyn túlkijan?
- Meni qoıan týylǵan kúnine shaqyryp edi, soǵan qur qol barýǵa uıalyp otyrmyn.
- Júre ǵoı onda bizben birge, bizdiń balalar saǵan kómektesedi.
Slaıd «Gúlder alqabynda»
- Al endi balalar, osy ádemi gúlderdi qıyp, jabystyraıyq.
- Tárbıeshi balalarǵa gúlderdi qalaı durys jabystyrý tásilin kórsetedi. Geometrıalyq pishin tiktórtburyshtyń buryshtaryn, sopaqsha pishindi qıyp alý arqyly gúl kúltesin, japyraǵyn jasaý kerektigin túsindiredi.
Sergitý sáti: Sharshaǵanda yrǵalyp,
Gúlge uqsap dem alam.
Qanatymdy bir qaǵyp,
Gúldeı bolyp jaıqalam.
Balalar, qane jabystyryp bolsaq, barlyq gúlderimizdi myna jerge ornalastyraıyq. Qoıanda bizdi kútip qalǵan bolar. Tezdetip baraıyq.

İİİ kezeń
Refleksıvti - túzetý
Balalardan oqý is - áreket týraly suraq qoıý arqyly áńgimelesý. Jetistikterine qaraı maqtap, madaqtaý.