InfoHub Logo

Ádeptilik – tárbıe bastaýy
Maqsaty: Tárbıelenýshilerdi adamgershilikke, qarapaıymdylyqqa, ádeptilikke, kishipeıildilikke, eńbeksúıgishtikke, jaman ádetterden aýlaq bolýǵa tárbıeleý;
Adam boıyndaǵy unamdy, unamsyz qylyqtardy ajyrata otyryp, ádeptilik álippesi boıyna darytý;
Til baılyǵyn damytý, tanym belsendiligin arttyrý.
Kórnekilikter: maqal - mátelder, slaıd - prezentasıalar, tapsyrmalary jazylǵan kespe qaǵazdar.
Sabaqtyń túri: suraq - jaýap, taldaý, pikir almasý
Sabaqtyń barysy:
Trenıń «Tilek shoǵy»
Qyzdar qoldaryndaǵy gúl shoqtaryn bir - birine tilek aıtý arqyly usynady.
«Ózgelerge densaýlyq tilep jaqsylyq jasasań, ol ózińe qaıtyp oralady» degen qorytyndy jasaımyn.
Bireýge jaqsylyq tileýdiń ózi de ádeptilikke jatady.

Kirispe:
Ádeptilik - adamdardyń ózara jaqsy qarym - qatynasynyń, júris - turysynyń erejesi. Mysaly: ýáde berip ony oryndamasa, basqa kisige dóreki jaýap berse, úlkendi syılamasa, ondaı adamdy jurt «Ádepsiz eken» deıdi. Odan basqa adamdar qarym - qatynas jasaýdan qashady. Ony syılamaıdy. Keıbir balalar ádeptilik erejesin baıqamaı nemese bilmeı buzady. Qazir sender mektep qabyrǵasynda bilim alyp jatyrsyńdar. Ýaqyt tez ótedi, erteń - aq árqaısysyń úlken azamatsha bolasyńdar. Biriń dáriger, bıznesmen, muǵalim, ánshi, bıshi, endi biriń - elshi bolarsyńdar. Alaıda, sender eń áýeli naǵyz azamat, jaqsy adam bolyp ósýleriń qajet. Boılaryńa meıirimdilik, batyldyq, qarapaıymdylyq, kishipeıildilik, sypaılyq sıaqty asyl qasıetterdi sińirýleriń qajet.
Keı kezde qarym - qatynas mádenıeti, minez - qulyq ádebi jetispeı jatady. Al ol úshin oǵan osy bastan úırenýimiz, ózimizge syn kózben qaraýymyz kerek.

Negizgi bólim:
Sonymen bizdiń búgingi tárbıe saǵatymyz «Ádeptilik – tárbıe bastaýy» dep atalady.
Endi oılanaıyq, pikirleseıik.
- Ádepti bala qandaı bolady?
- Óz is - áreketińnen uıalǵan keziń boldy ma?
- Ádepti adamnyń boıynda qandaı qasıetter bolýy qajet?
- Bireýdi mazalaǵan kezde nemese oǵan qolaısyzdyq týdyrǵan jaǵdaıda ne ister ediń?
Rebýs sheshý:
Ár sýrettiń ataýlarynyń bastapqy áripterin qosyp oqıtyn bolsaq, qandaı sóz shyǵady?
Ádeptilik - ádemilik týraly oqıyq!

Marıa: Ata - ananyń tilegi -
Adam bolyp óskeniń.
Adamdyqtyń tiregi -
Adam bolyp óskeniń.

Tamara: Ádeptilik degeniń -
Árqashan de keregiń.
Ásempazdyq degeniń -
Áýre - sarsań álegiń.

Anna: Atam meniń ámanda
«Yntymaqshy bol» deıtin.
«Birlik bolsa» adamda
«Shyn baqyt qoı» ol deıtin.

Kamıla: Sálem sózdiń anasy.

Laýra Kajgalıeva