InfoHub Logo

Ádistemelik jumys – bul ǵylym men pedagogıkalyq ozat tájirıbe jetistikterine jáne oqý - tárbıe jumysynyń naqtyly jaǵdaıyna súıene júrgizilgen, ózara baılanysty is - áreketter men sharalar júıesi, ol árbir muǵalim men tárbıeshiniń biliktiligin, kásibı sheberligin jan - jaqty arttyrýǵa baǵyttalǵan (muǵalimderdiń óz betimen kásibı bilimin kóterýin, ózin - ózi tárbıeleý, jetildirý sharalaryn basqarýdy qosa) sharalar, pedagogıkalyq ujymnyń ilimdik múmkindik shamasyn damytý jáne arttyrý, saıyp kelgende, oqý - tárbıe jumysyn jetildirý, naqty oqýshyny bilim, tárbıe alý jáne damý deńgeıine jetkizý
Ádistemelik jumys – pedagog kadrlardyń ǵylymı - ilimdik, kásiptik, ádistemelik, mádenı deńgeıin sapaly kóterý boıynsha ujymdyq, toptyq, jeke jumystar júıesin qosatyn keshendi jáne shyǵarmashylyq damý úrdisi. Ol – oqý - tárbıe jumysyn basqarý, muǵalimderdi joǵary ádistemelik mádenı rýhta tárbıeleý jáne óz eńbeginiń sapasy men nátıjesinde talap qoıa bilýdiń mańyzdy baǵyty – oqytý tájirıbesinde utymdy, tıimdi ádisterdi shyǵarmashylyqpen ıgerý, bul oqýshylardyń tanymdyq, oılaý qyzmetin jandandyryp, tereń, berik bilimdi, iskerlik pen daǵdyny qalyptastyratyn bolady.

Dırektordyń ǵylymı - ádistemelik jumystar jónindegi orynbasarynyń fýnksıonaldyq mindetteri mekteptegi ınovasıalyq jumystarmen, ǵylymı teorıalar negizimen, ozat tájrıbeler men jetekshi ıdeıalar, eksperımentpen baılanysty bolǵandyqtan, ony júzege asyrý barysynda tek qana bilim berýdiń jańalyǵy iske asyp qana qoımaıdy, taǵy bir dúnıege kelip praktıkada tekseriledi. Sonymen qatar naqty nátıje beretin jańa mazmun, joǵary tıimdi tehnologıalar aıqyndalady. Munyń bári dırektordyń ǵylymı jumystar jónindegi orynbasarynyń basqarý jáne jetekshilik etý nysany bolyp tabylady.

Mekteptegi muǵalimdermen júrgiziletin ádistemelik jumystar
Mekteptegi ádistemelik jumys – óziniń ǵylymı - teorıalyq jáne ádistemelik daıyndyǵy men kásibı sheberligin arttyrý maqsatynda muǵalimderdiń júıeli túrde júrgizetin ujymdyq jáne jeke is - áreketteri.
Ádistemelik jumystyń maqsaty: pedagogtardyń kásibı sheberligin jetildirý.
Ádistemelik jumystyń mindetteri:
1. Muǵalimderge oqýshylardy oqytý men tárbıeleýdiń jáne damytýdyń qaǵıdalary men ádistemelik tásilderin júzege asyrýǵa kómek berý.
2. Muǵalimderdi pedagogıkalyq baǵyttaǵy shyǵarmashylyq izdeniske tartý.
Ádistemelik jumystardy uıymdastyrý formalary: pedagogıkalyq keńester, ádistemelik keńester, ádistemelik birlestikter, problemalyq shyǵarmashylyq toptar, ǵylymı - praktıkalyq konferensıalar, pedagogıkalyq oqýlar, shyǵarmashylyq esepter, teorıalyq semınarlar men semınar - praktıkýmdar, ozat tájirıbe mektebi, jas mamandar mektebi.

BQO, Terekti aýdany,
Prırechnyı JOBBM,
İİ sanatty ınformatıka páni
muǵalimi Aıshýakov Merlan Adılovıch