- 08 qań. 2024 00:00
- 274
Aǵybaı batyr (1 nusqa)
Aǵybaı batyr Kenesary, Naýryzdyń qolastynda bolǵan. Kezinde Kenesary qyrǵyzdardyń qolyna túsip, Aǵybaı qashyp ketedi. Kenesary, Naýryzdyń qolǵa túsý sebebi — olardyń aldyna úısinniń Sypataı batyry or qazady da, betin shóptermen jaýyp qoıady. Osynyń aldynda Kenesary óziniń barlaýshysyn baıqap kelýge jiberedi. Barlaýshysy qyrǵyzdar qazǵan orǵa túsip ketedi. Barlaýshysynyń izimen shyqqan Kenesary da sol orǵa túsedi de, Aǵybaı qashyp qutylady. Eline kelse, eli qonystanǵan jerinen joq bop shyǵady. Biraz kún ótkennen keıin Qyzyl Araıdaǵy «Aqjem» partıasy shaqyryp, Semeı gýbernıasyna Aǵybaıdy shaqyrtyp alady. Patsha oǵan:
— Meniń aldymda turyp sóıle, — deıdi. Sonda Aǵybaı:
— Meniń tilim sóıleıdi, aıaǵym emes, — dep patshanyń aldynda beti taımastan otyra beredi.
— Sen Kenesary, Naýryzdyń kisisisiń, — deıdi.
— Men qol jınaǵan joqpyn. Men Kenesary ne iste dese, sony oryndap júrgen adammyn, — dep jaýap qaıtarady.
— Sen kim bolǵyń keledi, — deıdi patsha.
— Men el bolǵym keledi, elim bytyrańqy sony jınaǵym keledi, — deıdi. Maǵan Esbergeniń Shunaq degen jerin jaılaýǵa berseńiz.
Patsha ruqsat beredi. Shunaqtyń Qaratal degen jerinde elimen qystaýda bolady.
Oqýǵa keńes beremiz:
Naýryzbaıdyń jolbarysty óltirýi
Qurmanquldyń Naýryzbaıdyń erligine rıza bolýy