InfoHub Logo

Aǵylshyn tili páninen 9 synyp. «Health habits» taqyrybyna reflektıvtik esep

Mekteptegi tájirıbemniń úshinshi apta tórtinshi kúninde 9 “B” synybynda «Health habits» taqyrybynda besinshi sabaǵymdy óttim. Bul taqyryptyq – kúntizbelik jospar boıynsha eki saǵattan berilgen Ótken sabaqtardaǵy materıaldardy eske túsirý úshin sóıleý daǵdysyn, aǵylshyn tilindegi sózdik qoryn, óz oıyn erkin aıtýyna jáne eske saqtaý qabiletin arttyrdym. Synypqa kirgennen bastap oqýshylarmen amandasýym, búgingi kúnniń retin, qandaı aı, qaı jyl mezgili týraly synı turǵydan oılaýyna yqpal jasadym. Yqpal jasaı otyryp «Muǵalim men oqýshy» arasyndaǵy dıalogqa túse bastaǵanymdy baıqadym. Úıge berilgen tapsyrmany da suraı otyryp, búgingi sabaqtyń ońaıǵa túspeıtinin atap óttim. Úıge berilgen tapsyrmany tolyq oryndamaǵanyn baıqadym. A deńgeıli oqýshym úıge berilgen jattyǵý qıyn ekenin atap aıtty. Soǵan qaramastan, óziniń jazyp kelgenin synypqa oqyp berdi.

Oqýshylardy topqa bólmesten buryn búgingi sabaqqa málimet bere otyryp, synyptaǵy barlyq oqýshylar da ótken sabaqtyń ekinshi saǵaty jaıly ekenin bildi. Sebebi, densaýlyqqa baılanysty kóptegen keńester jaıly málimet berdim. Sabaǵymdy bastamas buryn yntymaqtastyq atmosferasyn qalyptastyrý úshin toptap alý úshin «Health and Wealth» sózderi jazylǵan túrli – tústi taratpany tarattym. Synypta yntymaqtastyq atmosferasyn qurý mańyzdy sebebi topqa, jupqa, jeke bólingen kezde oqýshylardyń bir - birine jyly qabaq tanytýy, sabaqtyń qyzyqty ótýi, oqýshynyń ózin - ózi tárbıeleýine alyp keledi. Meniń bir baıqaǵanym, bul sabaq ekinshi sabaǵyma qaraǵanda qıynyraq boldy. Sebebi, jańa gramatıkalyq sabaqty túsindirý kezinde dástúrli sabaqqa bet burdym. Oqýshylarǵa gramatıkany túsindirip bolǵan soń, qaıtadan jańa tásildegi sabaǵyma qaradym. Oqýshylar topqa bólingennen keıin menen tapsyrma berýimdi surady. Eń alǵashqy ádisim «Pılot - shtýrman» ádisi bolatyn. Bul ádistiń sharty oqýshylarǵa eki taqyrypta mátin beremin jáne sol mátinniń ishinen jańa sózdikterdi taýyp jazady.