InfoHub Logo

Aǵylshyn tilin oqytýdaǵy tildik oıyn jáne onyń elementteri

Qazaqstan Respýblıkasynyń 2015 jylǵa deıingi bilim berý tujyrymdamasynyń negizgi maqsaty – bilim berý júıesiniń barlyq deńgeıinde qoǵamnyń talaptaryna sáıkes bilimdi, kásibı biliktiligi joǵary tulǵany tárbıelep, olardy básekege qabiletti bilim negizderimen qarýlandyrý jáne qazirgi jyldam ózgerip otyratyn dúnıe jaǵdaılarynda alynǵan tereń bilimniń, kásibı daǵdylardyń negizinde erkin baǵdarlaı bilýge, ózin - ózi iske asyrýǵa, ózin
- ózi damytýǵa jáne óz betinshe durys, adamgershilik turǵysynan jaýapty sheshimder qabyldaýǵa qabiletti jeke tulǵany qalyptastyrý.

Bul jańa kezeńde adamdardy ómir súrýge baýlý úshin burynǵydan da mol deńgeıde bilim berý degen sóz. Búgingi kezeńde bizge, elimizge deni saý, rýhy taza, oılary bıik adamdar qajet –aq. Elbasymyz Nazarbaev Nursultan Ábishuly Qazaqstan halqyna 2007 jylǵy 28 - aqpandaǵy «Jańa álemdegi jańa Qazaqstan» Joldaýynda «Bilim berý reformasy tabysynyń basty ólshemi –tıisti bilim men bilik alǵan elimizdiń kez kelgen azamaty álemniń kez kelgen elinde qajetke jaraıtyn maman bolatyndaı deńgeıge kóterilý bolyp tabylady. Biz búkil elimizde álemdik standarttar deńgeıinde sapaly bilim berý qyzmetine qol jetkizýge tıispiz» dep atap kórsetti.

Qazirgi kezeńde búkil álemdik qoǵamda bolyp jatqan ózgerister adam ómir súrip jatqan ortadaǵy barlyq salany, sonyń ishinde, bilim berý salasyn da qamtyp otyr. Oqytýdyń jańa tehnologıalaryn qoldana otyryp jan –jaqty tereń bilim berý, sóıtip bilikti maman daıarlaýǵa búkil álemdegi órkenıetti damyǵan elder basty kóńil bólip otyrǵany da sondyqtan.

Tájirıbeler jınaqtala kele jańadan jańa týyndaıtyn sıaqty. Amerıkalyq ustaz Lındanyń «Oqytýdyń burynǵy ádis - tásilderi –búgingi ádisterimizdiń ata –anasy » degenindeı, jańa tehnologıalardy meńgerý – búgingi kúnniń ózekti máselesi.
Qaı satyda bolsyn, oqytýdyń tehnologıalaryn tańdap alý jáne olardy júıeleý boıynsha orta jáne joǵary satyda qoldanylatyn tehnologıalardy tómendegideı etip toptastyrýǵa bolady. Dástúrli túrde bilim beretin tehnologıalar boıynsha:
- Deńgeılep oqytý tehnologıasy;
- Modýldep oqytý tehnologıasy;
Damyta otyryp oqytý tehnologıasy boıynsha:
Synı oılaýdy jetildirý tehnologıasy;
İskerlik oıyn tehnologıasy;
Qabiletti oqýshylarmen jumys tehnologıasy.
Pedagogıkalyq tehnologıanyń qajettilik, únemdilik, jobalaý, bútindik, meńgerýshilik, túzetýshilik, kórý, algorıtmdilik, maqsatty bilim berý degen uǵymdardy óz aýqymyna syıdyrady.

Oqýshyǵa jalpy birdeı qalyptasqan, dástúrli ádistermen álemdik deńgeıdegi ozyq tehnologıalardy salystyra, baılanystyra, ómir tájirıbesine ushtastyra otyryp bilim berý, bilimge durys baǵyttaı bilýge úıretý - árbir oqytýshynyń mindeti.
Aǵylshyn tili sabaqtarynda oqýshylardyń bilim –biliktilik, tanymdyq, kommýnıkatıvtik quzyrettiligin qalyptastyrýda oıyn elementterin qoldanýdyń mańyzy zor. Sabaq úrdisinde oqýshylarǵa oıynnyń maqsaty men talaptary, erejesi tolyq túsinikti bolýy óte mańyzdy ról atqarady. Oıyn ádisi arqyly oqytý olardyń, pánge degen qyzyǵýyn arttyramyz, óz oıyn, pikirin, kózqarasyn bildirýge, ekinshi bir adamnyń jaýabyn tyńdap, ony tolyqtyrýǵa, jetistikteri men kemshilikterin aıta bilýge jattyǵady. Jaqsy qurastyrylǵan jáne de úzdik ádispen uıymdastyrylǵan oıyn praktıkalyq, tárbıelik jáne damytýshylyq jaǵynan oqytý tásili bolyp tabylady. Oıynǵa qoıylatyn talaptar qandaı bolmaq degen suraqqa tómendegi syzba negizinde jaýap berýge bolady.