InfoHub Logo

Bir kisiniń bes balasy bar edi; balalarynyń óz arasynda tatýshylyǵy bolmapty. Tatý turyńdar dep ákesi balalaryna áldeneshe ret aıtqan eken; balalary ákesiniń sózin tyńdamapty. Bir kúni ákesi qatty aýyrypty. Ákesi bilýshi edi: ol ólgen soń balalary arazdyǵyn qoımasa, enshilerin alyp, árqaısysy óz betimen ketip, jarly bolatynyn. Tatýlyqtyń, dostyqtyń paıdaly ekenin balalaryna kórseteıin dep, ákesi óleriniń aldynda uldaryn shaqyrdy. «Biriń sypyrǵy alyp kel» dedi. Balalary sypyrǵysh ákeldi. «Balalarym! Myna sypyrǵyshty syndyryńdar, dedi. Balalary qanshama syndyraıyn dep tyryssa da eshbiri syndyra almady. Sonda ákesi sypyrǵyshty alyp sheshti, bir-bir shybyqtan sypyrǵyshtaǵy bar shybyqty syndyrdy daǵy balalaryna aıtty: «kórdińder me, sender tatýlyqpen birge tursańdar, senderdi eshkim jeńbes; araz bolyp bólek bolsańdar, senderdi árkim jeńer, aıaǵynyń astyna basar, qadirleriń keter, berekeleriń qashar, dedi.

---