InfoHub Logo

QazUÝ - 1933 jylǵy 13 qarashadaǵy  Qazaq ólkelik komıteti búrosynyń qaýlysymen qurylǵan Respýblıkanyń eń kóne klasıkalyq joǵary oqý orny bolyp tabylady. Óz qyzmetiniń 90 jylynda ýnıversıtet kópultty Qazaqstannyń ekonomıkasynyń, saıası-quqyqtyq ómiriniń, mádenıetiniń, ǵylymynyń jáne biliminiń qalyptasýy men damýyna úlken úles qosty jáne elimizdiń joǵary mektebiniń búkil júıesiniń tiregine aınaldy. Ol búgingi kúnge deıin respýblıkadaǵy ǵylymı-zertteý jumysynyń negizgi ortalyqtarynyń biri, joǵary kásibı, bilikti kadrlardyń eń iri ustasy bolyp qalyptasty jáne bolyp qala beredi.

Búginde Ál-Farabı atyndaǵy Qazaq ulttyq ýnıversıteti - elimizdiń tuńǵysh klasıkalyq ýnıversıteti jáne barlyq joǵary oqý oryndary arasynda Qazaqstan Respýblıkasy Prezıdentiniń "Sapa salasyndaǵy jetistikteri úshin" syılyǵynyń birinshi laýreaty. Ál-Farabı atyndaǵy QazUÝ-qazaqstandyq joǵary oqý oryndarynyń bas reıtıńiniń turaqty kóshbasshysy.

Ýnıversıtette eki myńnan astam profesorlar, doktorlar, ǵylym kandıdattary jáne fılosofıa doktorlary, iri akademıalardyń 100-den astam akademıkteri, Qazaqstan Respýblıkasynyń 30-ǵa jýyq eńbek sińirgen qaıratkerleri jumys isteıdi. Munda joǵary kásiptik bilim berýdiń kóp deńgeıli júıesi boıynsha 25 myńnan astam stýdentter men magıstranttar oqıdy. Ýnıversıtet birlesken halyqaralyq oqý baǵdarlamalaryn iske asyrý, stýdenttermen almasý jáne taǵylymdamalar ótkizý boıynsha álemniń júzdegen iri halyqaralyq joǵary oqý oryndarymen yntymaqtasady.

Sonymen qatar, Ál-Farabı atyndaǵy QazUÝ-Qazaqstannyń joǵary oqý oryndary bas reıtıńiniń kóshbasshysy, el tarıhynda tuńǵysh ret Qazaqstan Respýblıkasy Prezıdentiniń "Sapa salasyndaǵy jetistikteri úshin" syılyǵynyń laýreaty, Táýelsiz Memleketter Dostastyǵy ónim jáne qyzmet sapasy salasyndaǵy jetistikteri úshin syılyǵynyń dıplomanty. Ýnıversıtet Halyqaralyq ýnıversıtetter qaýymdastyǵynyń múshesi jáne Eýrazıalyq ýnıversıtetter qaýymdastyǵynyń teń quryltaıshysy bola otyryp, Qazaqstan men Ortalyq Azıa elderiniń JOO-lary arasynda birinshi bolyp Boloná qalasynda Ýnıversıtetterdiń Uly Partıasyna qol qoıdy. Sapa menejmenti júıesiniń (SMJ) ISO 9000:2000 Halyqaralyq standarttarynyń talaptaryna sáıkes sertıfıkattaýdan sátti ótti jáne iri álemdik sertıfıkattaý ortalyqtarynyń kýálikterin aldy.

---