Alasaryp Aı batqan,
Aı batqanda, aımaqqa,
Juldyz shoǵyn jaınatqan.
Aýmaıdy bir qus joly,
Aqtarylǵan qaımaqtan.
Kókjıekte taýlardyń,
Kóterilse túńligi,
Baýraıdyń da, bar mańnyń
Kórinedi kindigi.
Bastarynda Muzarttyń,
Aǵarańdar sáldesi.
Túngi sapar uzaq tym,
Bir qudaıdyń áýresi.
Kózińe uıqy baılanyp,
Qalǵytady bir demde.
Túni boıy aınalyp,
Júrgendeısiń bir jerde.
«Sháıi oramal bir baılap...»
Shydamadym, ón saldym.
Juldyzdy aspan tur jaınap,
Keýdesindeı marshaldyń.

---