Álem halqynyń sany 8 mlrd adamǵa jetti
Byltyrǵy qarashada Birikken Ulttar Uıymy álem halqynyń sany 8 mıllıardqa jetti dep habarlady. Buǵan deıingi mejege — 7 mlrd adamǵa 2011 jyly jetken bolatyn. Iaǵnı sońǵy 11 jylda dúnıe júziniń halqy 1 mlrd kóbeıdi. Kórsetkishti Azıadaǵy demografıalyq ósim kótergen. Afrıkadaǵy halyq sanyna taǵy 400 mıllıonǵa jýyq adam qosylǵan. Halyq sany artqan elderdiń kóshin Úndistan bastap tur. Úndistan halyq sany 177 mln adamǵa kóbeıgen. Qytaıǵa 73 mln adam qosylǵan, bolashaqta olardyń sany azaımaq. Úshinshi orynda — Nıgerıa. Álem halqy sanynyń artýyna Eýropanyń úlesi tym az ekeni kórsetilgen. Tipti «Kári qurlyqta» halyq sany azaıyp jatyr. 2037 jylǵa qaraı jer betinde toǵyz mıllıard adam, 2058 jyly 10 mlrd adam bolady degen boljam bar. Birikken Ulttar Uıymy álem halqynyń eń joǵary shegi 2080-2100 jyldar aralyǵynda shamamen 10,4 mlrd-qa jetedi dep otyr.
Jalpy, BUU sarapshylarynyń málimetterine sáıkes, byltyr qarasha aıynda álem halqynyń sany 8 mlrd adamnan asqanyna qaramastan, sońǵy ýaqytta ósim birtindep baıaýlap qalǵany baıqalady. Máselen, 2019 jyly halyq ósimi 76 mln adamdy qurasa, 2021 jyly 68 mln adam boldy. Sonymen qatar, 2050 jylǵa qaraı halyqtyń boljamdy ósiminiń jartysynan kóbi (1,8 mlrd adam) tek segiz elde shoǵyrlanatyn bolady: Úndistan (253 mln), Nıgerıa (159 mln), Pákistan (132 mln), Kongo Demokratıalyq Respýblıkasy (118 mln), Efıopıa (91 mln), Tanzanıa (64 mln), Egıpet (49 mln), Fılıppın (42 mln). BUU málimetteri boıynsha, bıyl Qytaı halyq sany boıynsha Úndistanǵa jol berdi. Boljam boıynsha 2030 jylǵa qaraı úndiler sany 1 mıllıard 515 mıllıon adamdy quraıdy, al Qytaıda 1 mıllıard 416 mıllıon adam bolady, ıaǵnı úndiler sany qytaılardan 100 mıllıon adamǵa asyp túsedi. 2050 jylǵa qaraı Úndistan halqynyń sany 1,7 mlrd adamǵa jetedi, Qytaı — 1,3 mlrd adamǵa deıin azaıady. 2050 jylǵa qaraı álemdegi halyq sany boıynsha úshinshi el Nıgerıa bolady. Ondaǵy halyq sany 2050 jyly 377 mıllıon adamǵa jetýi tıis (2022 jyly 218 mıllıon adam turady), AQSH tórtinshi orynǵa túsedi, 2050 jyly ondaǵy halyq sany 375 mıllıon adam bolady (2022 jyly 339 mıllıon adam), halyq sany boıynsha besinshi el Pákistan bolady, ondaǵy halyq 368 mıllıon adamǵa jetedi (qazir 236 mıllıon adam), al altynshy — Indonezıada 2050 jyly 317 mln turǵyny bolady (qazir 275 mıllıon adam).
Oqýǵa keńes beremiz:
Halqy joıylyp ketý qaýpi bar 10 el
You Might Also Like
-
Ýaqytty tıimdi paıdalaný ol ýaqytty basqarýmen para-par. Ýaqytty tıimdi paıdalaný ýaqytty josparlaý jáne ony iste tıimdi paıdalaný degen sóz, ıaǵnı, tıimdilikti arttyratyn tehnologıa.
-
Jáńgirdiń alǵashqy Isataı-Mahambet tóremen tatý kezderinde Mahambet penen Bekmaǵambetti sózden jyǵa almaı júredi, hannyń qaı bıleri bolmasyn bulardyń aldynda qaıbyrtyp sóıleı almaıtyn bolady.
