InfoHub Logo

1 qyrkúıek – Bilim kúnine arnalǵan «Alǵashqy qońyraý!» saltanatty jıynynyń baǵdarlamasy.

İ júrgizýshi: Qymbatty ata - analar, ustazdar, qurmetti qonaqtar, súıikti shákirtter! Bilim álemindegi dástúrli merekeniń bastysy, asyǵa kútetin meıram - alǵashqy qońyraý merekesine qosh keldińizder!

İ júrgizýshi: Qymbatty ata - analar, ustazdar, qurmetti qonaqtar, súıikti shákirtter! Bilim álemindegi dástúrli merekeniń bastysy, asyǵa kútetin meıram - alǵashqy qońyraý merekesine qosh keldińizder!
İİ júrgizýshi: Mektep degen bilim kúni, jyr kúni
Mektep degen ǵylymnyń eń úlkeni
Mektep degen tárbıeshi adamǵa
Mektep degen danalardyń mekeni
İ júrgizýshi: Mektep qoı elimizdiń jany - qany, Mektepten bastalady bilim nári. Bilim kúngi merekelik jıynda, Shyrqalsyn, Qazaqstan ánurany!

İİ júrgizýshi: Qazaqstan Respýblıkasynyń Ata zańynyń ....... jyldyq mereıtoıymen sizderdi quttyqtaı otyryp, «Alǵashqy qońyraý!» atty saltanatty jıynymyzdy ashyq dep jarıalaımyz! QR týyn kóterý qurmetine 11 synyp oqýshylary beriledi
/Ánuran oryndalady/
İ júrgizýshi: Bar mekteptiń bastalar búgin jyry, Baq qońyraý shaqyryp uǵymdyny. Oqý jyly bastaldy ustaz, shákirt, Qutty bolsyn búgingi Bilim kúni! Alǵashqy merekelik quttyqtaý sóz kezegi lıseı dırektory Amalbaev Tańat Qaınarbaıulyna beriledi.
İİ júrgizýshi: Bizdiń altyn uıa mektebimizge, daryndy da talantty shákirtterimizge aq tilekterin jetkizýge qadirli, syıly qonaqtar kelip, bizdiń qýanyshymyzdy bólisip otyr. Merekelik quttyqtaý sóz kezegi aýdan ákimi ------------------------ beriledi
Kelesi quttyqtaý sóz ata - analar atynan ------------- beriledi.

İ júrgizýshi: Alǵash kelgen búldirshin,
Qutty bolsyn qadamyń.
Tóbeńde beıbit kún kúlsin,
Tómendemesin talabyń.
İİ júrgizýshi: Jańa oqý jylynda mektep tabaldyryǵyn alǵash attaǵaly turǵan jas búldirshinderimiz 5 synyp oqýshylary bolyp otyr. Bul shákirtter synaq emtıhanynan múdirmeı ótip, zerektikteriniń arqasynda Beıneý lıseıine qabyldanyp otyr. Sizderge qadamdaryńyzǵa gúl bitsin, «Aq jol» bolsyn dep tilek bildiremiz. /Ortaǵa 5 synyp oqýshylary shyǵady.

İ júrgizýshi: Endigi sóz kezegi bizdiń izbasarlarymyz 5 synyp oqýshylarynda.
1- oqýshy: Ómirdiń beıbit baǵy bul,
Asýdan asyp asqarly.
Minekı, dostar taǵy bir,
Jańa oqý jyly bastaldy.
2- oqýshy: Aýdanymyzdyń maqtan tutar mektebi,
«Beıneý lıseıi» bizge bilim nuryn sebedi.
Olımpıada, ǵylymı joba jarysynda,
Shákirtteri oza shaýyp keledi.
3- oqýshy: Matematıka pánin súıemiz,
Syryn oıǵa túıemiz.
Ustazdardy ardaqtap,
Qurmetpen bas ıemiz./
Osy kezde barlyǵy birge basyn ıedi/