InfoHub Logo

«Álippe - bilim bastaýy»
Maqsaty:
1. Oqýshylardyń saýat ashý barysynda alǵan bilimderin tıanaqtaý. Ár oqýshynyń is - áreketteri arqyly ıkemdiligin, shyǵarmashylyq múmkindigin ashý.
2. Ata - analarǵa balalarynyń úsh - tórt aıdyń ishinde qandaı bilim ıgergenin is - júzinde kórsetý.
3. Adamgershilikke, uqyptylyqqa, ózin - ózi durys ustaýǵa, ana tilin súıip qasterleýge tárbıeleý.
Kórnekiligi: Áripter qatary, tehnıkalyq quraldar, gúlder, sharlar, naqyl sózder.
Sálemetsizder me, qurmetti ustazdar, aıaýly da ardaqty ata - analar! Búgingi kúni sizder úshin toılaryńyzǵa taǵy bir toı qosylmaq. HHİ ǵasyr bilimdiler ǵasyry bolmaq. Sondyqtan jas urpaq bilimdi, saýatty bolýy úshin ata - analarǵa da júkteler mindetter az emes. Kúni keshegi oıyn balasy bolǵan sizderdiń balalaryńyz, búginde boılaryna úlken mindet, jaýapkershilik arqalap otyr. Saýat ashý maqsatynda qolǵa alǵash ustaǵan kitaby - Álippe oqýlyǵy. Endi oqýshylarmen birge bilim bastaýy bolǵan Álippe oqýlyǵymen qoshtasý maqsatynda «Álippe - bilim bastaýy» atty erteńgiligin uıymdastyryp otyrmyz. Bilim jolyndaǵy belesterge qanattary talmaı órleı bersin. Toılaryńyz toıǵa ulassyn! Erteńgiligimizdi bastaýǵa ruqsat etińizder! 1 - júrgizýshi: Kóz salyp qarańyzshy boıymyzǵa,

Ortaq bop búgingi ósken oıymyzǵa
Hosh kelipsiz ustazdar, ata - analar
Álippemen qoshtasý toıymyzǵa.
Qyr gúlindeı jaınaımyz,
Án sap, bılep oınaımyz.
Búgin bizde mereke,
Álippe toıyn toılaımyz.
Tal shybyqtaı boıyna,
Ádemi kóılek jarasar.
Ortada bizdiń súıikti,
Baldyrǵan balǵyn balalar.

Erte, erte, ertede bir jahanda «Álipbı» atty el bolsa kerek. Bul elde hanzada men hanshaıym uzaq jyldar ómir súripti. Sodan ekeýi eldiń orta shegine kóshet otyrǵyzady. Ony kútip baǵady. Kútimi jaqsy bolǵan alma aǵashynyń tamyry keńge jaıylyp kókke sharlap ósedi. Alaıda hanzada men hanshaıymnyń alma aǵashyna kóńilderi tolmaıdy. Óıtkeni onyń sebebi de bar edi. Al ol qandaı sebep eken? Hanzada: E, hanshaıym, biz otyrǵyzǵan alma aǵashy tamyry jaıylyp óskenmen nelikten jemis bermeıdi? Hanshaıym: Hanzada, munyń da bir sebebi bolar aý! Hanzada: Iá, solaı shyǵar! Kúnderdiń kúninde jemisin berip, barlyǵymyz da dám tatarmyz.
Álippe: Amansyzdar ma, hanzada men hanshaıym. Men munda 40 árip pen 2 tańbamdy ertip keldim. Endeshe olar sizderge kómek berip qalar.

Meniń ár árpimniń syry bar. İshi tolyp turǵan ǵajap. Qazir ózderi de tanystyrar. Al, káne, myna kópshilikke áripterdiń syryn ashyńdarshy.
(Ár árip ózderin tanystyrǵan saıyn aǵash jemis bere bastaıdy, ıaǵnı alma aǵashyna qyzyl almalar paıda bolady)
Muǵalim: - Bala degen shirkin - aı baldaı eken,
Táttiligi jaıa men jaldaı eken.
Aryp - ashyp daladan kelgenińde,
Bal ıisin tattyryp aldaıdy eken, - dep Kenen atamyz aıtqandaı, kishkene búldirshinderdiń bal tiline kezek bereıik. (Balalar ózderin tanystyrady.)
Mýzyka baıaý oınalady, oqýshylar eki - ekiden qol ustasyp shyǵyp ortada turady

1 - oqýshy: Nurjigit
Endi ózimiz oqyp, ózimiz jaza alamyz. Bul, árıne, Álippeniń arqasy
2 - oqýshy: Aqberen
Álippe degen - altyn jol
Aparar seni alysqa.
Jeńil emes, aýyr jol,
Tyrysyp baq namysqa.
3 - oqýshy: Zýhra
Eń alǵash alǵanymda Álippeni
Qyzyǵa qaraı berdim áripterdi.
Men úshin jumbaq bolyp qalar ma edi,
Ustazym onyń kiltin alyp berdi.

1 - oqýshy: Aısulý
A árpinen esimim
Aıtsam sózdiń kesimin
Aısulý men bolamyn
Aıdaı ósip tolamyn

2 - oqýshy: Batyrhan
«B» degeniń «Bala» ǵoı,
Jumsasa apań bara ǵoı.
Velosıped, vıtamın
«V» árpinen bastalar.
4 - oqýshy Nurjigit
Nurjigit degen men edim
Alsam bilim tereńin
N árpinen esimim
Alamyn oqý kemelin

5 - oqýshy: Arsen
Arsenmin men degen,
Bilim izdep, oqý oqyp terlegen.
Úzdik oqý, sanaly óris bilimmen,
Aıtyńyzshy, báıgeden kim kelmegen?
6 - oqýshy Omar O degeniń Omar
Omar degen – men bala
Jaqsy oqysam sabaqty,
Odan artyq joq shara.

7 - oqýshy Aıjan
«Gý» dep alǵash bóbekter,
Gýildeıdi aqyryn.
Ǵalym, ǵylym, ǵasyrdy
«Ǵ» bilimge asyrdy.
8 - oqýshy: Ásemgúl
«Sh» árpin aıtsaq jasyrmaı,
Úsh asha aıyr basyndaı.
Shetkamen tis tazalap,
Shetkamen úı aqtadym

9 - oqýshy Aqberen
Partamyz otyrdyq,
Paraqtap kitap oqydyq.
Radıodan tyńdap máz boldyq
Rahattanyp habardy.
10 - oqýshy: Aıbol
Elge esti er kerek,
Er jet ósip erterek
Ydysty sazdan jasaǵan
Yqylas – bizdiń jas maman.

Aqmola oblysy, Eńbekshilder aýdany,
R. Elebaev atyndaǵy Qudyqaǵash qazaq orta mektebiniń
bastaýysh synyp muǵalimi
Sharıpova Raýshangúl Kenjebaıqyzy