InfoHub Logo

Taqyryby: «Álippe, saǵan myń alǵys!»
Maqsaty: Oqýshylardyń saýat ashý barysynda alǵan bilimderin tıanaqtaý. Ár oqýshynyń is - áreketteri arqyly ıkemdiligin, shyǵarmashylyq múmkindigin ashý. Adamgershilikke, uqyptylyqqa, ózin - ózi durys ustaýǵa, ana tilin súıip qasterleýge tárbıeleý.
Muǵalim: Sálemetsizder me, qurmetti ustazdar, aıaýly da ardaqty ata - analar! Búgin de egemendigimiz eskerilip, táýelsiz tulpardaı etek - jeńimiz keńeıip, atymyz alysqa jetip Táýelsizdikke 21 jyl tolyp jatqan shaqta búgingi kúni sizder úshin toılaryńyzǵa taǵy bir toı qosylmaq. Keshe ǵana alańsyz atqa minip shapqylap júrgen búldirshinder, búginde boılarynda jaýapkershilik paıda bolyp, sanaly azamattyq boryshtarynyń alǵashqy asýyn aman - esen asyp, bir jasqa taǵy da eseıip otyr. Bilim jolyndaǵy belesterge qanattary talmaı órleı bersin. Toılaryńyz toıǵa ulassyn!
Dınara: Alty jasar balasyn,
Alpysta ájeı jetektep
Kele jatyr kóshede,
Qaıda álgi mektep - dep
Alpys keledi súrinip,
Alty keledi júgirip.
Bala: Apar ana mektepke
Ata - analyq paryzyń.
Oqyp bilim alamyn,
Men oqýshy bolamyn.
Áje: Asyqpa áli qaraǵym,
Sanaýǵa endi jaradyń.
Jasyn tolsyn altyǵa
Sonda alyp baramyn.
Bala: Meniń qarys mańdaıym,
Balań bolam talapty.
Tártip saqtap árdaıym,
Jaqsy oqımyn sabaqty.
Áje: Aıtqanymdy shyraǵym,
Shyǵarma tek sanańnan.
Mekteptegi muǵalim,
Kem bolmaıdy anańnan.

Bala: Qyrkúıekte keldim de,
Synypqa kirdim qýanyp,
Qarsy aldy ustaz meıirimmen
Qadamymdy qup alyp.
Mýzyk (osy kezde barlyq oqýshy sahnaǵa shyǵady)