InfoHub Logo

«Aladınniń sıqyrly shamy»
Bastaýysh synyptarǵa arnalǵan jańa jyldyq erteńgilik

Qatysýshylar: Aıaz ata, Aqshaqar, jylan, Aladdın, jyn, feıa, Sheherezada, barmaleı, 1 - qaraqshy, 2 - qaraqshy, aıdahar.
Mýzyka áýeni oınaıdy. Sahnaǵa Feıa shyǵady.
Feıa:
Tezirek, tezdetip munda jınalyńdar,
Bastalady Jańa jyldyq maskarad,
Maska da bar, bı de bar, asyǵyńdar,
Shyrsha janynda qonaqtardy qarsy alyńdar.
Aıaz ata shaqyrǵannyń biri daǵy qalmaıdy,
Bastalady, bastalady, jańa jyldyq maskarad!
(Shyǵys mýzykasy oınaıdy, qolynda shamyn ustap Aladdın, Sheherezada, aıdahar kiredi)
Aladdın: Sálemetsizder me balalar! Men kimmin?
Balalar: Aladdın.
Aladdın: Men senderge jalǵyz kelgen joqpyn, ózimmen birge dostarymdy ala keldim.
Sheherezada:
Meniń atym - Sheherezada
Qıyndyqqa túsken balaǵa
Kómektesemin shaqyrǵanda.
Aıdahar: Balalar, men aıdahar jyly ótip kelemin, sendermen qoshtasýǵa keldim. Kele jatqan jyl senderge jaqsylyq, mol yrys alyp kelsin!
Feıa: Rahmet, aıdahar, sen bizdiń balalardyń ónerlerin tamashala, tórlet.
Aladdın: Merekeler bizde az emes, biraq eń tamashasy shyrsha toıy.
Sheherezada: Qanekeı, balalar, oıyn oınaıyq, oıynnyń aty «Qatelespe». Qazir men sendermen sanaımyn, bir degende bárimiz bir dep aıtamyz, eki sanyna kelgende úndemeı eki ret sekiremiz, úsh sanyn hormen aıtamyz, tórt sanyna kelgende daýystap aıtpaı tórt ret shapalaqtaımyz, bes sanyn hormen aıtamyz. Kánekeı, bastaıyq!
(Oıyn oınalady)
Feıa: Jaraısyńdar balalar! Al endi shyrshany aınalyp án aıtaıyq.
(Balalar shyrshany aınalyp án aıtady)
Aladdın: Tamasha, sender álemde eń aqyldy balalar dep edi, solaı ma?
Balalar: Iá.
Aladdın: Shyrsha toıyna bári daıyn ba?
Aıdahar: Iá, Aladdın, qarashy balalardyń jańa jyldyq kostúmderi qandaı ádemi.
Sheherezada: Báriniń de kóńil - kúıi kóterińki.
Aladdın: Aınalada bári ulpa qarlar sıaqty jarqyrap tur, tek meniń shamym tazalanbaǵan. Kishkene ýqalap, tazalaıyn.
(shamdy jenimen ýqalaıdy, mýzyka oınaıdy, Jyn shyǵady)
Jyn:
Men Jyn - ejelgi ertegidemmin,
Bul qupıa emes,
Men shamnyń ishinde 5000 jyl turamyn.
Shamnyń ıesi kim bolsa, sol meniń ámirshim.
Ámirińizge quldyqpyn!
Aladdın: Sen kimsiń?
Jyn: Tanyǵan joqsyn ba? Men Jynmyn, myna shamnyń qulymyn. Seniń kez - kelgen ámirińdi oryndaýǵa daıynmyn!
Aladdın: Mine, ǵajap! Men sham sıqyrly ekenin umytyp ketippin. Balalar, Jynnan ne suraımyz? ( balalar jaýap beredi)
Aıdahar: Ertegi suraıyq.
Sheherezada: Árıne sıqyrly.
Jyn: Ámirińizge quldyqpyn (úsh ret qol soǵady). Ertegige túsý úshin, bı bıleý kerekpiz bárimiz.
(Býgı - býgı bıin bıleıdi, bı kezinde Aladdın, Sheherezada, Jyn, aıdahar ketip qalady, bıdiń sońynda mýzyka toqtalady, aıqaı – shýmen Barmaleı jáne onyń dostary júgirip keledi)
Barmaleı men onyń dostary:
Biz mektepte oqymaımyz,
Áripti de tanymaımyz.
Kishkentaı kezden adamdardy jek kóremiz.
Ásirese balalardy!
1 - qaraqshy: Biz dostyqty jek kóremiz.
2 - qaraqshy: İsteıtinimiz jamandyq.
Barmaleı: Bári maǵan nazar aýdarsyn! Sıqyrly sham Aladdında! Onyń kómegimen ol kóp izgilik jasaýy múmkin!