InfoHub Logo

Uıymdastyrylǵan oqý is-áreketiniń tehnologıalyq kartasy.
Bilim berý salasy: Shyǵarmashylyq.
Bólimi:Músindeý.

Taqyryby: «Altyn balyq»
Maqsaty:.Balalarǵa balyq týraly jan-jaqty túsinik berý,tirshilik ortasymen tanystyrý,alaqan arasyna salyp domalaqtaý, janshý, jalpaqtaý, esý tásilderin jalǵastyrý, músindeýde saýsaq qımyl-qozǵalystarynyń eptiligin qalyptastyrý, birneshe bólikten turatyn zattardy bir-birine biriktirýdi, saýsaq eptiligimen pishindi buzbaı, taza, uqypty oryndaýǵa tárbıeleý.
Kórnekilik: Balyqtardyń sýretteri, akvarıým, ermeksaz ,taqtaısha, keskish, súrtkish, úlgi músin, balyq músindeýdiń shemasy.
Ádis-tásil: Túsindirý, kórsetý, áńgimeleý, suraq-jaýap.
Sózdik jumys: altyn balyq, baldyr, júzý, akvarıým, ulý.

İs-áreket kezeńi
Motıvasıaly yntalandyrý kezeńi
Uıymdastyrýshylyq izdenýshi Tárbıeshiniń is-áreketi
1. Shattyq sheńberi.
Dostar birge júremiz,
Birge oınaımyz, kúlemiz.
Birge balyq aýlaımyz.
Mine bizder qandaımyz!
Orman, kólge, shyńǵa biz
Saıahatqa shyǵamyz.
Bólinbeıdi irgemiz,
Árqashanda birgemiz!
Árqashan tilektes,
Dosyńa kómektes!
2.Jańa sabaq.Jumbaq sheshý
Shańq-shuńq etken úni joq,
Sýsyz onyń kúni joq
Júrip ketse sońynda,
Qalyp jatqan izi joq.Bul ne?

- Balalar,durys sheshtińder.Búgingi músindeý sabaǵymyz erekshe bolmaq.Óıtkeni biz jaı balyq emes,ertegidegi bizdiń tilegimizdi oryndaı alatyn balyqty músindeımiz.Ol úshin biz balyqtar týraly jan-jaqty málimet alaıyq.
- Balyqtyń attaryn bilesińder me?
- Balyqtar qaıda tirshilik etedi?
Balyqtar - negizinen sýdaǵy tirshilikke beıimdelgen janýar.Júzý jaǵynan olar ózge janýarlardan asyp túsedi:
Balyqtar ókpe arqyly emes, jelbezek arqyly tynys, dem alady.Jelbezek arqyly balyqtarǵa sýda aralasqan ottegi túsedi.
Janýarlar men jándikter jerde jáne sýda tirshilik etip kóbeıse, al balyqtar tek qana sýda ǵana tirshilik etip kóbeıedi. Balyqtardyń 22000-nan astam túri bar dep esepteledi.

3.Balalar, balyq týraly taqpaqtardy eske túsireıik.
4. «Balyqshy men balyq» ertegisinen úzindini áńgimeleý.
- Balyq týraly málimet aldyq.Endi qazir orys halqynyń «Balyqshy men balyq» ertegisiniń úzindisin tamashalaıyq. Tárbıeshi: Kók teńizdiń jaǵasynda bir jaman úı panasy bar shal men kempir bolypty, olar kedeı bolypty, olar teńizden balyq aýlap, ómir súripti. Bir kúni ata toryn tartqan kezde, ádemi altyn balyq torǵa túsedi. Ol jaı balyq emes, sóıleıtin balyq bola-
dy. Ataıǵa bylaı dep til qatady: Altyn balyq:
- «Teńizge jiber ataı, tordan alyp! Óltire kórme meni qarıa, úıińe de apar ma.Jónime qoıa ber, keregińdi suraı ber!»
Ataı:- «Ne suraımyn men senen ǵajaıyp altyn balyq! Júze bergin aıdynda asyr salyp.»
Tárbıeshi: - dep balyqty teńizge jiberedi.Balyq ataıǵa men sizdiń barlyq tilegińizdi oryndaımyn dep ýáde beredi. Altyn balyq tek qana jaqsy tilekterdi oryndaǵan.

5.Sergitý sáti.
6.Shema boıynsha balyqty qalaı músindeý kerektigin túsindirý.
- Balalar, búgin biz músindeý sabaǵynda ertegidegi balyqty músindep,óz tilek- terimizdi aıtaıyq. Senderdiń balyqtaryń ertegidegi tilek oryndaıtyn balyq bolady. Shema:
Balanyń is-áreketi
Sheńberge turyp, qaıtalaıdy.
- Balyq.
Balyqtardyń sýretterin kóredi.
- Alabuǵa-okýn, shortan-shýka, sazan, taban-lesh, maıshabaq-seld.t.b.
- Balyq sýda tirshilik etedi. Sýsyz ómir súre almaıdy.
-Tyńdaıdy.

Taqpaqtar aıtady.
1-bala:
Tabıǵattyń buıryǵy
Ol balyqtyń júırigi
Quıryǵy onyń sıaqty
Qarlyǵashtyń quıryǵy.
2-bala:
Aıqalama, uryspa,
Tipti aqyryn tynysta
Sazan naǵyz saq balyq
Jolamaıdy dybysqa.
3-bala:
Qarmaq salsań sazanǵa
Bar ózenge azanda.
Ońaılyqpen sazannyń
Túskisi joq qazanǵa.
Balalar erteginiń úzindisin kórsetedi.
Balalar qımyl jasap, qaıtalaıdy.
Tup-tunyq móldir sýda
Balyq júzip júr eken
Birese keriledi, birese jıyrylady
Birese qumǵa tyǵylady.
Uıymdastyrýshylyq izdenýshi

Refleksıaly túzetý kezeńi 1.Balyqtyń denesin jasaý úshin ermeksazdy alaqanǵa salyp, aınaldyra otyryp domalaq pishinge keltirý.
2.Domalatylǵan pishindi eki alaqannyń arasyna salyp, janshý arqyly jalpaqtaý.
3.Qanatyn esý.
4.Quıryǵyn esý, jalpaqtaý arqyly jasaıdy
5.Zattardy bir-birine biriktirý.(denesine qanattaryn,quıryǵyn óz qalaýlary boıynsha ásemdeý.
Zattardy bir-birine biriktirýde, saýsaq eptiligimen pishindi buzbaı taza,uqypty oryndaýǵa qadaǵalaý.)

6.Osy kezde ózen, sý tasqyny estiledi. Sý perisiniń qyzy kiredi.
- Sálemetsińder me, balalar!
- Balalar, men sý perisiniń qyzymyn, sýda ǵana ómir súremin.Men senderdiń balyqty músindep jatqandaryńdy kórip, eńbekterińe rıza bolyp, akvarıým ala keldim, óıtkeni balyq sýda ǵana tirshilik etedi.
Tárbıeshi: - Raqmet, sizge sý perisi!
Biz jaı balyqty emes, tilegimizdi oryndaıtyn balyqty músindedik akvarıýmyńyzǵa raqmet!

7.Qorytyndylaý.
Balalardyń jumysynan kórme uıymdastyrý.
- Balalar aq tilekterińdi aıtyp, balyqtaryńdy myna akvarıýmǵa jibere qoıyńdar.
- Juldyz, sen qandaı tilek aıtasyń?
Sý perisi balalardyń jumystaryna baǵa beredi.
Balalar óz betinshe jumys jasaıdy
- Sálemetsiz be!
Balalar músindegen balyqtaryn kórmege qoıady.
- Sizderge densaýlyq, baqyt tileımin.t.s.s.
Baǵalaý. Madaqtaý.
Kútiletin nátıje:
Bilý kerek: Balyqtardy, olardyń túrlerin, tirshilik ortasyn, ermeksazben jumys isteýdi.
Bolý kerek: Taza, uqypty oryndaý týraly túsinigi, pánge degen qyzyǵýshylyǵy.
İsteı alý kerek: Túsinip, ermeksazben balyqty músindeýdi.