InfoHub Logo

Qaraǵandy oblysy, Buhar jyraý aýdany,
Qyzylqaıyń aýyly, Bereznák JBBOM - niń
Mektepaldy daıarlyq synyp muǵalimi
Zýrmanbaı Balgýl

Taqyryby: Altyn kúz!

Qurmetti qonaqtar, balalar! «Altyn kúz» merekesi qutty bolsyn! El baılyǵyn arttyrǵan berekeli de, merekeli de kúz mezgili keldi. Sary altyndaı sary kúz sebetke toly jemisin, qambaǵa toly eginin syılady. Olaı bolsa «Altyn kúzge» arnalǵan erteńgiligimizdi bastaıyq.
1 - bala:
Altyn, altyn sary altyn,
Altyn kúzde nur jatyr
Qoıny tola dámdi nan,
Táttisi kóp ne túrli.

2 - bala:
Qandaı ózi beregen,
Almasyn - aı almasyn.
Jemisi kóp ne degen,
Jep taýysa almaısyń.

3 - bala:
Órik shıe, baly bar,
Qaýyn, qarbyz kóbeıdi.
Jegiń kelse bárin al,
Nege alasyń demeıdi.

4 - bala:
Jemisi mol teretin,
Kúz dos eken bizbenen.
Bárin taýyp beretin,
Jomart eken kúz degen.

«Kúz - jomart» áni oryndalady. Ánin jazǵan D. Botbaev.
Bastaýshy: Balalar, kúz mezgili kelip jetti.
- kúz mezgiline qandaı aılar jatady?
- kúzde qandaı qubylystar bolady?
- aýa raıy qalaı ózgeredi?
Kúzde japyraqtar sarǵaıyp túse bastaıdy. Aınala túrli tústi kilem jaıǵandaı. Endi japyraqtar týraly taqpaq tyńdaıyqshy.

1 - bala:
Altyn sary qyzyl kók,
Alýan - alýan japyraq.
Kúzgi baqta kúlimdep,
Kóz tartady atyrap.
2 - bala:
Kún shýaqqa maýjyrap,
Jatyr edi atyrap.
Aǵashtardan jamyrap,
Ushty kenet japyraq.
3 - bala:
Oı, alaqaı tamasha,
Shashý shashty japyraq.
Baqtyń ishi alasha,
Aýnar ma edi jatyp ap.

Bastaýshy: Balalar qarańdarshy meniń qolymda alýan tústi japyraqtar. Qandaı keremet! Endi biz osy japyraqtarmen oıyn oınaıyq. Men japyraqtardy shashyp jiberemin, al sender ony jınaısyńdar. Kimde kim mol japyraq jınasa sol jeńiske jetedi.
Oıyn: «Kim tez jınaıdy» dep atalady.
Osy kezde ishke Altyn kúz óz baılyqtary jemistermen birge keledi. Altyn kúzdiń ishinde sary ala kóılek qolynda sebetke salǵan jemister. İshinde alma, órik, qara órik, qulpynaı, shıe, qaraqat erip keledi.

Altyn kúz: Sálemetsińder me, balalar!(jemister ıilip amandasady.)
Mine men búgin ortalaryńa ózimniń baılyǵym - jemisterimdi erte keldim. Jaz boıy kútip baptap, kúzdiń kelýin asyǵa kúttińder. Jemisterimdi qabyl alyńdar. Árqaısysy ózi týraly aıtyp beredi.

Tolyq nusqasyn júkteý