InfoHub Logo

Altyn kúz, ásem aınalam, Eline bereke syılaǵan.
Balalar kúzgi áýenmen zalǵa kiredi.
Júrgizýshi: Qarsy alaıyq bárimiz,
Jasymyz ben kárimiz.
Qyrdan kepti qydyryp,
Altyn kúzge bizge nur tógip.
Tilegim aman bolsyn el irgesi,
Altyn kúz qaıta keldi berekesi.
Molshylyqtyń jarshysy bola bildi,
Altyn kúz - yrys, bereke, birlik ala keldi.
Armysyzdar ata - analar, qadirli qonaqtar! Búgin biz jyl mezgilindegi eń tamasha -«Altyn kúz, ásem aınalam, Eline bereke syılaǵan» atty erteńgiligimizge qosh keldińizder!

1 - Elhan: Altyn, sary, qyzyl, kók
Alýan - alýan japyraq.
Kúzgi baqta kúlimdep,
Kóz tartady atyrap.

2 - A. Amına: Tústi altyn japyraq,
Aǵashtan úzilip.
Ushty uzaq saparǵa,
Tyrnalar tizilip.

3 - Aısulý: Alqaptan bıdaıdy,
Qoımaǵa el jınaıdy.
Tyrnasy tizilgen,
Unatam kúzdi men.

Júrgizýshi: Al, balalar, balalar,
Endi beri qarańdar
Bizge qonaq kelmekshi
Senderdi bir kórmekshi
Áýeli jumbaq jasyram
Qýlyǵymdy asyram.
Taba alsańdar sheshimin
Qonaǵymdy ortaǵa shaqyramyn.
Bulttar tógip jerge shógip,
Dymqyl tuman basady,
Shóp sarǵaıyp, óńi taıyp,
Dala sury qashady.
Boı jaza almaı, oınaı almaı,
Deneń muzdap tońady,
Bóbekterim aıtyńdarshy
Bul qaı kezde bolady?
- Jaraısyńdar, endeshe qonaǵymyzdy qarsy alaıyq!
Kúz hanshaıymy: Sálem meniń dostarym,
Ómirge kóp qosqanym,
Kúz syılyǵyn alyńdar
Syılyǵyna qanyńdar.
Molshylyqqa kenelip,
Shattyq ánge salyńdar.

Júrgizýshi: - Al, balalar ónerimizdi kórsetip, merekeni toılaıyq.

4 - Ámirhan: Sarǵaıdy toǵaı,
Sap - sary mańaı.
Sońǵy ánin aıtyp,
Qus ketti qaıtyp.

5 - Nursultan: Japyraq ushty,
Sýyq ta tústi.
Sonda da bizge,
Qyzyq kóp kúzde.

Júrgizýshi: Án salyńdar kúlińder
Jaınap gúldeı júrińder
Kúzdiń toıyn toılaıyq
Bı bıleıik, oınaıyq.

Án: « Kúzge sálem» qabyl alyńyzdar!
Kúz hanshaıymy: - Rahmet, balalar.
Júrgizýshi: Kúz hanshaıymy, bizdiń balalar kókónisterdi jemisterden qalaı tez ajyrata alatynyn bilesiz be?
Kúz hanshaıymy: Bilmeıdi ekem...
Júrgizýshi: Endeshe tamashalańyz.(Oıyn «Kókónisterdi ajyrat» )
Júrgizýshi: -- Jaraısyńdar, balalar! Kórdińiz be, Kúz hanshaıymy, bizdiń balalar qandaı epti, jyldam.
Júrgizýshi: Kezegimizdi óleń shýmaqtarǵa bereıik.

6 - Aılın: Berekesin syılaýǵa,
Ólkemizge kúz keldi.
Jemisterin jınaýǵa,
Shaqyrady bizderdi.

7 - Ańsar: Aı japyraq - sary altyn
Aınalanyń bári altyn.

8 - Madına: Qýandyryp bizderdi,
Ólkemizge kúz keldi.

9 - J. Ámına: Kel, jemisti altyn kúz,
Qýansyn elimiz.

10 - Alınur: Jemisi mol teretin,
Kúz dos eken bizbenen.

11 - Sanjar: Bárin taýyp beretin,
Jomart eken kúz degen.

12 - Aızere: Kúzde jaýyn, bult, tuman,
Sary japyraq jaýady!
Sary boran uıytqyǵan,
Sapyrady aýany.
Júrgizýshi: Tabıǵat - Ana ǵoı.
Taǵdyr ǵoı kúz degen.
Tynyshtyq buzylma,
úmitti úzbegen.
- Balalar, bul ne daýys? Qane, tyńdaıyqshy
Ortaǵa bult keledi.
Júrgizýshi: Ásem áýen saldyrǵan
Sábıler de alǵyr jan
Bal dáýrenniń qyzyǵyn
Este qalar baldyrǵan.
Án: «Jańbyr»
Júrgizýshi: Búldirshinmen bárimiz,
Otbasyndaı bir uıamyz
Beremiz endeshe
Bı ónerine kezegin.
Bult, sizge arnap balalar bı bılep beredi.
Bı: «Kóńildi polka»
Oıyn: «Kún men jańbyr!»
Kúz hanshaıymy: Keremet! Qandaı ádemi! Balalar, meniń basqa balabaqsha búldirshinderine baratyn ýaqytym bolypty. Men endi keteıin, saý bolyp turyńdar! Kelesi kezdeskenshe amanshylyq bolsyn!

Júrgizýshi: Kúz hanshaıymynyń syıy - jemisterden dám tatatyn kez kelgen sıaqty, tobymyzǵa barýǵa jınalaıyq.
Qurmetti qonaqtar, ata - analar búgingi «Altyn kúz, ásem aınalam, Eline bereke syılaǵan» - atty erteńgiligimizdi aıaqtaı otyryp, kúz berekeli, astyqty bolsyn demekpiz.
«Berekeli baq dáýlet, arta tússin toılanyp
Saý bolyńdar qonaqtar, kelgenshe jyl aınalyp».