InfoHub Logo

Altyn kúz erteńgiligi.
Maqsaty: Balalardyń kúz mezgili týraly bilimderin tolyqtyrý.
Bilimdilik: Altyn kúz jaıly túsinikterin qalyptastyrý. Kúz mezgilinde ónimderdiń molshylyǵyn, baılyǵy túsindirý.
Damytýshylyq: Qorshaǵan orta jaıly oılaý qabiletterin, tanymdyq qabiletterin damytý.
Kúz mezgiliniń tabıǵatyn kóre bilýge, baıqaı bilýge, sezine bilýge úıretý.
Mánerlep oqý, óleń aıtý, jumbaq sheshý arqyly balalardyń tilin, sózdik qoryn damytý, qyzyqty oıyndar arqyly balalardyń boıynda merekelik áser qaldyrý.
Tárbıelik: Adamgershilik, dostyqqa, tatýlyqqa, tabıǵatqa qamqor bolýǵa, úlkenderdiń eńbegin baǵalaýǵa tárbıeleý.
Júrý barysy:
- Sálemetsizder me, balalar!
- Sálemetsizder me, qonaqtar!
- Oı, balalar, qandaı, tamasha búgin báriń qandaı ádemisińder, búgin qandaı mereke? Toqtaı turyńdar men aldymen senderge jumbaq jasyraıyn.
Bulttar tónip,
Jerge shógip,
Dymqyl tuman basady.
Shóp sarǵaıyp,
Óńi taıyp,
Dala sury qashady.
Oınaı almaı ,
Deneń muzdap tońady.
Bóbekterim aıtyńdarshy,
Bul qaı kezde bolady?
Balalar; «kúz» - dep jaýap beredi.
Júrgizýshi:
- Durys aıtasyńdar, balalar, tabıǵattyń bul qubylystary kúz mezgilinde bolady eken!
Endeshe balalar kúz týraly taqpaqtarymyzdy aıtaıyq?

1-bala: Ilás:
Berekesin syılaýǵa,
Ólkemizde kúz keldi.
Jemisterin jınaýǵa,
Shaqyrady bizderdi.

2-bala: Anel
Berekeli, merekeli,
Keldi jomart altyn kúz.
Qalada da, dalada da.
Jannyń bári jarqyn júz.

3-bala: Daryn
Saý-saý etip japyraq,
Sabaǵynan úzildi.
Qońyr tartyp atyrap,
Kókke qustar tizildi.

4- bala: Janserik
Altyn, sary, qyzyl, kók.......
Alýan-alýan japyraq,
Kúzgi baqta kúlimdep,
Kóz tartady atyrap.
Hor: «Kúz»
Júrgizýshi: Jaraısyńdar balalar!


Júrgizýshi: Al, balalar, balalar,
Bizge qonaq kelmekshi.
Senderdi bir kórmekshi,
Áýeli jumbaq jasyram,
Qýlyǵymdy asyram.
Taba alsańdar sheshimin,
Qonaǵymdy ortaǵa shaqyram.
«Kók maısaly kórikti, alqaptaǵy kóp egin,
Bul kúnderi kıipti, sary jibek kóılegin»
- Bul ne, balalar?
Balalar: kúz
Altyn kúz:
Sálem meniń dostarym,
Ómirge kep qosqanym.
Kúz syılyǵyn alyńdar
Syılyǵyna qanyńdar.
Molshylyqqa kenelip,
Shattyq ánge salyńdar
Sálemetsizder me, qonaqtar!
Sálemetsizder me, balalar!
Balalar, men senderge kókónisterim men jemisterimdi ala keldim.
Balalar osyndaı molshylyq kúz aıynda bir oıyn oınap jibereıik.Ol oıyn «Kókónister men jemisterdi » jınaý dep atalady.
Oıyn sharty: Bir sebetke kókónisterdi bir bólek, ekinshi sebetke jemisterdi bir bólek ajyratyp salamyz.
Júrgizýshi: Kúzde ózderi pisetin, tamaqqa kep túsetin, kókónisterge kezek bereıik.
Pıaz:
Ashanadan shyqpaımyn,
Atym – pıaz buqpaımyn
Kózden jasty shyǵaram,
Tumaýdan biraq saqtaımyn.
Qyzanaq:
Talshybyǵym buralyp,
Baqshalarda qyzaryp,
Turǵan ol men –qyzanaq
Kúnge qarap uıalyp.
Kartop:
Kartop - bizdiń atamyz,
Jer astynda jatyrmyz
Bir tamyrdan taraǵan
Aǵaıynbyz bárimiz.
Sábiz:
Ósiretin boıyńdy
Damytatyn oıyńdy
Qoıanǵa da azyqpyz
Sábizdermiz jazyqsyz.
Qyzanaq:
Mende bir sóz aıtaıyn,
Maqtanaıyn sizderge
Mensiz salat bolmaıdy.
Vınegret ústelde.
Júrgizýshi: Altyn kúz, endi bizdiń balalarymyzdyń bıin tamashalańyz.
Bı: «Qolshatyr bıi.»
Altyn kúz: Óte jaqsy bıledińder, rahmet balalar! Bıleriń qandaı keremet, qandaı aqyldy balalarsyńdar!
Júrgizýshi: Balalar tyńdańdarshy bizdiń topqa bireýler kele jatqan sıaqty.
(Osy kezde eresek toptyń balalary qonaqqa keledi.)
Júrgizýshi: Salamatsyńdar ma balalar!
Bizdiń balalardyń Altyn kúz merekesine qosh keldińder!
Balalar :Bizderde sizderdiń erteńgilikterińizge qatysqymyz keledi.
Bizde ónerlimiz.
Júrgizýshi: Endeshe balalar «Shalqan » ertegisin tamashalańyzdar.
Altyn kúz: Oı basqada balabaqshalarǵa barýym kerek, sondyqtan qonaq baldardy ertip sonda baraıyn.
Júrgizýshi: Balalar Altyn kúz ben qonaq balalarǵa rahmet aıtaıyq.
Kelesi kezdeskenshe amanshylyq bolsyn! (balalar Altyn kúz ben jáne qonaq balalar men qoshtasady.Mýzyka oınap Altyn kúz ben qonaq balalar shyǵyp ketedi).
Júrgizýshi:
Shalqyp tasyp ánimiz,
Jadyrasyn janymyz
Merekege búgingi
Án salamyz bárimiz!
Án: «Japyraqtar»
Júrgizýshi: Qurmetti ata-analar, balabaqsha ujymy balalarymyzdyń Altyn kúz erteńgiligimiz óz máresine jetti, kúz barshamyzdyń otbasymyzǵa molshylyq, bereke, yrys ákelsin.Saý-salamatta bolyńyzdar!

Atyraý qalasy,
KMQK №33 «Kórkemaı» balabaqshasy
Jaqsylyqova Móldir Abzalqyzy
Ekinshi sábıler top tárbıeshisi