InfoHub Logo

Komýnaldyq memlekettik qazynalyq kásiporyn
№33 «Kórkemaı» balabaqshasy
Ekinshi sábıler top tárbıeshisi
Mahymgalıeva Anarıa Tóreshqyzy

«Altyn kúz» erteńgiligi.
Maqsaty:
Bilimdiligi: Balalardyń kúz týraly uǵymdaryn bekitý, kúz mezgilinde japyraqtar sarǵaıady, jemister men kókónister pisedi. Olarmen tanystyryp, qyzyǵýshylyǵyn arttyrý.
Damytýshylyǵy: Kúz mezgili týraly óleń taqpaq jattaý. Kúz erekshelikteri týraly áńgimeleý.
Tárbıeligi: Balalarǵa tabıǵatty aıalaýdy, búldirmeı taza ustaýǵa tárbıeleý.
Mýzyka oınap, ásem bezendirilgen zalǵa balalar kelip kiredi.
Júrgizýshi: Keldi mine altyn kúz,
Sary shashty jarqyn júz.
Mol ónimdi isimen
Tańdandyrǵan halqyn kúz.
Armysyzdar aǵaıyn! Sálemetsizder me, qadirli qonaqtar! Búgingi merekeli de yrysty altyn kúz qurmetine arnalǵan merekemizdi bastaımyz.
Araı:
Tońazyp atyrap,
Kóp jemis pisedi.
Sarǵaıyp japyraq,
Saýdyrap túsedi.
Raıana
Aspandy surǵylt bult,
Jan - jaqtan jabady.
Kún birte sýytyp,
Jaýyn kóp jaýady.
Iana: Kók maısaly kórikti,
Alqaptaǵy kóp egin.
Bul kúnderi kıipti,
Sary jibek kóılegin.
Aıarý
Aǵashtardan jamyrap,
Ushty kenet japyraq.
Oı, alaqaı tamasha,
Shashý shashty japyraq!

Án:«Kúzgi japyraqtar».(hor)
Júrgizýshi: Jaraısyńdar! Oryndaryńa jaıǵasa qoıyńdar!
Al, balalar, balalar,
Endi beri qarańdar.
Bizge qonaq kelmekshi.
Senderdi bir kórmekshi.
Áýeli jumbaq jasyram,
Qýlyǵymdy asyram.
Tabalsańdar sheshimin,
Qonaǵymdy dál ortaǵa shaqyram.

Jumbaq
Jıyp - terip bolatyn,
Qambaǵa astyq tolatyn.
Qyzyl qyrman oınaıtyn,
Qaı mezgil dep oılaısyń
Durys, kúz mezgili. Al, kúzde tabıǵatta qandaı ózgerister bolady eken?
Óte jaqsy. Endeshe, ýáde etkenimdeı ortaǵa qonaǵymyz - Altyn kúzdi shaqyraıyq!
Mýzyka oınap, ishke Altyn kúz kiredi.
Altyn kúz: Sálemetsizder me, balalar!
Sálemetsizder me, qonaqtar!
Men - Altyn kúzbin! Jaıdary, jarqyn júzbin.
Qonaqqa keldim senderge. Sábiz, kartop, tátti alma!
Oǵan dosym tań qalma! Japyraq ta syıqyrly, oıyn oınar túr - túrli!

Júrgizýshi: Rahmet, saǵan Altyn kúz! Qabyl aldyq syıdy biz! Otyryńyz
jaıǵasyp! Al, endeshe, balalar, beker qarap turmańdar.
Japyraqpen sıqyrly, oıyndy tez oınańdar.
Oıyn:«Kim japyraqty tez jınaıdy?»
Altyn kúz: Jaraısyńdar balalar!
Kúzde ózderi pisetin, tamaqqa kep túsetin
Maqtanbaqshy senderge, kókónister san túrli!
Qaıda meniń kúzgi kókónisterim káne ortaǵa kelińder!
Ortaǵa «kókónister»shyǵyp, ózderi týraly taqpaqtar oqıdy.

Pıaz: Ashanadan shyqpaımyn.
Atym - pıaz buqpaımyn.
Kózden jasty shyǵaram,
Tumaýdan biraq saqtaımyn!

Qyzanaq: Tal shybyǵym buralyp,
Baqshalarda qyzaryp.
Turǵan ol men - qyzanaq,
Kúnge qarap uıalyp!

Qos kartop: Kartop bizdiń atamyz,
Jer astynda jatamyz.
Bir tamyrdan taraǵan,
Aǵaıynbiz bárimiz!
Sábiz: Ósiretin boıyńdy,
Damytatyn oıyńdy.
Qoıanǵa da azyqpyz,
Sábizdermiz jazyqsyz!
(Osy kezde ortada shalqan qalady).
Tárbıeshi mynaý ne qalǵan ortada, shalqan qalyp qoıypty ǵoı.
(Osy kezde mýzyka oınalady ertegi bastalady).

«Shalqan» ertegisi.
Altyn kúz: Jomart kúzdik bizderge
Bererin alyp, shashpaıyq.
Altyn kúzge arnalǵan
Bıimizdi bastaıyq.
Bı: « Kókónister»
Atyn kúz: Meniń kókónisterim shetterinen ónerli. Meniń kókónisterim oıyn oınaǵysy kelip otyr.
Oıyn: «Kókónisterdi jınaımyz»
Júrgizýshi: Balalar qandaı jemister bilesińder? Balalar sender jemisterdin dámin ajyrata alasyńdar ma? Endeshe jemisterdiń dámin ajyratyp kóreıik.
Oıyn: «Dámin ajyrat»
Júrgizýshi: Biz kóńildi baldyrǵan.
Seskenbeımiz jańbyrdan.
Qolshatyrdy alamyz.
Ásem ánge salamyz.
Bı:«Qolshatyr»

Oıyn: «Kún men jańbyr»
Altyn kúz: Óte tamasha bıledińder, rahmet, balalar! Qolshatyrlaryń qandaı keremet! Qandaı aqyldy balalarsyńdar!
Kóktemde keremet kóshetter otyrǵyzsańdar, kúzde jemisin jeısińder. Adam aǵzasyna qajetti dárýmender jemister men kókónisterde kóptep kezdesedi. Sondyqtanda kúndelikti jep turyńdar. Men endi ketıin, saý bolyp turyńdar! Kelesi kezdeskenshe!
Júrgizýshi: Altyn kúzdiń syıy - jemisterden de dám tatatyn kez kelgen sıaqty. Tobymyzǵa barǵasyn senderge taratyp beremin kelgen qonaqtarǵa «Saý bolyńyzdar!» deı otyryp, kúz berekeli, astyqty bolsyn demekpiz.