InfoHub Logo

Sabaqtyń taqyryby: «Altyn kúz erteńgiligi»
Sabaqtyń merzimi: 30. 10. 2012 jyl.
Sabaqtyń maqsaty: Balalardyń kúz týraly bilimderin jetildirý, oılaý qabiletterin arttyrý, oı - óristerin damytý.

Tárbıeshi: Qurmetti búgingi keshke jınalǵan qonaqtar jáne ata - analar! Búgingi mektepaldy daıarlyq toby oqýshylary daıyndaǵan shaǵyn ǵana «Altyn kúz» atty erteńgiligimizdi bastaımyz.
(Áýen oınalady. Balalar baqshaǵa qarap balalar sóılesedi.)

Tárbıeshi: Balalar qarańdarshy búgin bizdiń baqshamyz óte qatty ashýly eken. Nege ashýly eken surap bilgimiz keledi me? Ia, balalar endeshe surap bileıik.
Balalar: Baqsha - baqsha nege ashýlysyz?
Baqsha: Meniń kúz mezgiliniń tez bitetinine ashýlymyn. Kúz mezgili taıap qaldy. Meniń kókónisterim men jemisterimdi adamdar baqshadan terip - terip aldy. Mende endi túkte qalmaıdy. Soǵan ashýlymyn. Maǵan kómektesesińder me balalar? Meniń jemisterim men kókónisterimniń baqshada qaıtadan jaıqalyp óskenin qalaımyn.
Tárbıeshi: Balalar baqshaǵa kómektesemiz be?
Balalar: Ia kómektesemiz.
Tárbıeshi: Endeshe balalar biz baqshaǵa kómektesý úshin kókónister men jemisterdi qaıtyp jınaı almaımyz, sondyqtanda baqshaǵa olar týraly taqpaqtarymyzdy aıtyp, Óz ónerimizdi kórseteıik. Kelistik pe balalar?
Balalar: Ia.

Tárbıeshi: Shoǵy tolǵan gúldeı jaınap,
Shaqyrady jarqyn júz.
Saırandaǵan kúlip - oınap,
Keldi mine altyn kúz.
Kúz mezgili: Aqnıet. Men kúzbin. Óte erkemin. Sol nársege renjip, burtıyp, qabaǵymdy túıip, kóz jasymdy aıamaı tógip - tógip alamyn. Meniń aq kóńildiligimdi bári unatady.
Tárbıeshi: Ónim bıyl tamasha,
Kóz toımaıdy qarasa.
Sábiz, kartop, kádesh pen,
Qyp - qyzyl pisken qyzanaq.
Qyryqqabatqa qarashy,
Kókónister bir kezde
Jıyla qalyp daýlasty.
Tárbıeshi: Balalar bizge «Kókónister» toby kelip qalypty, qane qoshemetpen qarsy alaıyqshy. (Áýen oınalady)

«Kókónister daýy» kórinis
Kókónister: (hor) Jınalyp qalyp bárimiz,
Qaısymyz eń dámdimiz.
İshimizden adamǵa,
Tıedi kóp paıdamyz.
Tárbıeshi: (Maqtanshaq burshaq ortaǵa júgirip shyqty)
Burshaq: Saǵadat
Kishkene túımedeımin men,
Uıalamyn men bárinen
Dámdi talǵamdarymmen,
Syı jasaımyn bárińe!

Tárbıeshi: Yzalanǵannan qyzylsha qyp - qyzyl bolyp ketti.
Qyzylsha: Ersultan
Aq túsim bar qant alar,
Qyzyl túsip qanǵa nár.
Zıanym joq bilip qoı,
Qyzylshamyn paıdam bar.
Mende bir sóz aıtaıyn,
Maqtanaıyn sizderge.
Mensiz borsh bolmaıdy,
Vınegret te ústelde.

Qyryqqabat: Arýjan
Baqshalarda tizilip,
Qapersiz men jatamyn.
Qabat - qabat kıinip,
Qyryqqabat atandym.

Sábiz: Nurdaýlet Kim bar sábiz shyrynyn,
Jastaıynan ishpegen.
Meni jegen adamdar,
Kem bolmaıdy kúlgende.

Qyzanaq: Rýslanbek
Tal shybyǵym buralyp,
Baqshalarda qyzaryp.
Turǵan ol men – qyzanaq,
Kúnge qarap uıalyp.

Qıar: Kórkem
Kópten erte shymyrlap,
Ósemin men búr jaryp.
Atym – qıar, terip al,
Jıi - jıi sýǵaryp.

Kartop: Saǵadat
Kartop bizdiń atamyz,
Jer astynda jatamyz.
Bir tamyrdan taraǵan,
Aǵaıynbyz bárimiz.
Men uıalshaq kartoppyn,
Men emespin maqtanar.
Meni jaqsy kóredi,
Úlkender men balalar.

Qaýyn: Aqnıet
Iisim jupar ańqyǵan,
Baqshadaǵy shyrynmyn.
Jep kórgender tamsanǵan,
Baldaı tátti qaýynmyn.

Pıaz: Dıana
Bolamyn men dámdeýish,
Barlyq - barlyq taǵamǵa.
Kókónister ishinen,
Men paıdaly adamǵa.
Ashanadan shyqpaımyn,
Atym pıaz buqpaımyn.
Kózden jasty shyǵaryp,
Tumaýdan biraq saqtaımyn.

Tárbıeshi: Bos aıtysty qoıaıyq
Daýlasýdy toqtataıyq.

Aıbolıt: Kókónister báride,
Densaýlyqqa paıdaly.
Sondyqtanda birge júrińder,
Olardy jaqsy kórińder.

Bı: «Sary kúz»
Tárbıeshi: Balalar endi men senderge jumbaq jasyraıyn:
1. Qyzyl - sary kemeler,
Sý betinde qalqandy.
Soqsa eger qalqıdy,
Yrǵalady, tolqıdy (japyraq)
2. Jazdaı inge tyǵylǵan,
Jatqan qyzyl túlkini.
Quıryǵynan sýyryp,
Ákeldi ájem bir kúni (sábiz)
3. Ústine tigip kók shatyr,
Astynda qyzyl dáý jatyr (qyzylsha)
4. Jaıly jumsaq tósegim,
Domalanyp ósemin.
Qabat - qabat tonym bar,
Qalaı ony sheshemin (qyryqqabat)
5. Qaldyń taǵy túıirlep,
Qazyp aldyń úıirlep (kartop)

Tárbıeshi: Durys balalar, qazir jyldyń qaı mezgili?
Balalar: Kúz
Tárbıeshi: Durys balalar, al kúz aılary qandaı aılar?
Balalar: Qyrkúıek, qazan, qarasha aılary
Tárbıeshi: Balalar endi biz ánimizdi aıta qoıaıyqshy.
Án: «Apam úshin»
Tárbıeshi: Balalar kókónisterden qalmaı bizge jemisterde kelipti, solardy bir tyńdap kórelik.
(áýen oınalady)

Júzim: Rýslanbek
İshi tolǵan shárbat,
Dámi sondaı áıbat.
Úzesiń birden úzip,
Onyń aty – júzim.

Órik: Dıas
Dóp - dóńgelek sary,
İshinde bar dáni.
Qyzyǵasyń kórip,
Onyń aty – órik.
Shabdaly: Aqnıet
Pisetin kezi dál kúzde,
Mezgilsiz ony úzbe.
Aýzyńnan ketpes bal dámi,
Onyń aty – shabdaly.

Jańǵaq: Rýslanbek
Syrty qandaı qatty,
Dámi onyń tátti.
Shaǵyp qara tańdap,
Onyń aty – jańǵaq.
Shıe: Aqnıet
Bir sabaqta kóp túıme,
Jeı almaısyń kók kúıde.
Sanap qara qansha,
Onyń aty – shıe.

Qulpynaı: Dıana
Japyraqty tasalap,
Ósetin jeri baqsha - baq.
Kúreń qyzyl shirkin - aı,
Onyń aty – qulpynaı.

Alma: Arýjan
Pisip turǵan almamyn,
Tamsandyrar bal dámin,
Jerge silkip túsirme,
İsip keter mańdaıym.

Tárbıeshi: Balalar endi baqshamyzǵa baraıyqshy, kóńili kóterildi me eken, suraıyqshy. Baqsha kóńildi kótere aldyq pa.
Baqsha: Ia, balalar men endi kóńildi júremin. Sender meni qýanttyńdar. Biraq meniń taǵy bir shartym bar. Maǵan endi bir oıyn oınap berseńder men odanda qatty kóńildi júretin bolamyn.
Tárbıeshi: Balalar baqshaǵa oıyn oınap beremiz be?
Balalar: Ia

Oıyn: Baqsha kimdi alyp ketti?
Tárbıeshi: Endeshe oıynnyń sharty bylaı balalar. Barlyǵymyz ádemi júrip, ádemi bı bıleımiz. Mýzyka bitkenshe bıleımiz. Al mýzyka bitken soń, kózimizdi jumyp, ornymyzdy aýystyryp, jerge otyra qalamyz. Kelistik pe balalar?
Balalar: Ia.
(Mýzyka qosylady. Oıyn oınalady. 3 - 4 balany matamen jaýyp tyǵyp tastaıdy. Qaı bala joǵalǵanyn balalar aıtady)
Tárbıeshi: Balalar endi qarańdarshy kim joq?
(ortaǵa sebet toly alma ákelinedi. Balalardan kimniń tyǵylǵanyn suraıdy)
Tárbıeshi:
Berekesin syılaýǵa,
Ólkemizge kúz keldi.
Jemisterin jınaýǵa,
Shaqyrady bizderdi - deı kele, qurmetti búgingi keshimizge jınalǵan qonaqtar, ustazdar jáne ata - analar, altyn ýaqyttaryńyzdy bólip bizdiń erteńgiligimizge kelgenderińizge kóp - kóp alǵysymyzdy aıtamyz. Kelesi kezdeskenshe saý bolyńyzdar.