InfoHub Logo

Maqsaty: Oqýshylardyń matematıka pánine degen qyzyǵýshylyǵyn arttyrý, oı órisin keńeıtý, logıkalyq oılaý qabiletin, bilim, bilik daǵdylaryn damytý.
Túri: oıyn sabaǵy.
Kórnekiligi: Qaqpalar, naqyl sózder, sharlar, kesteler.

1. Uıymdastyrý.
2. Oıyn
A) Tas qaqpany ashý;
B) Kúmis qaqpany ashý;
V) Altyn qaqpany ashý.
3. Jeńimpazdy anyqtaý.
4. Qorytyndylaý.

Júrgizýshi: Qosh keldińizder qurmetti ustazdar men «Altyn qaqpa» oıynyna qatysýshy oıynshylar!
Ómir degen kók muhıttyń tolqyny,
Bir - birimen jatqan shýlap, jalǵasyp,
Bir - birimen jatqan týlap, arbasyp,
O, tolqyndar arpalysyp alǵa shyq, - dep aqyn jyrlaǵandaı búgingi 10 synyp oqýshylary arasynan júırikti alǵa shyǵaraıyq. Bul oıyndy bárimiz bilemiz. Oıyndy bastaý úshin men sizderge suraqtar qoıamyn, onyń jaýabyn kim birinshi bolyp aıtsa sol oqýshy oıyndy bastaıdy.
Júrgizýshi: Úsh at jegilgen kúıme 1 saǵatta 15 km shaýyp ótti, árbir at qandaı jyldamdyqpen shapty? (Jaýaby: 15 km/saǵ)

Júrgizýshi: Sonymen alǵashqy oıynshymyz ortada, ózińizdi tanystyryp ótseńiz. (oqýshy ózi týraly aıtady)

Júrgizýshi: Tas qaqpany ashý úshin aldyńyzdaǵy úsh suraqtyń birin tańdańyz. (suraq nómiri aıtylady)
Júrgizýshi: Endeshe suraqty tyńdaımyz, oılanyp dál jaýap berýimiz kerek.
Suraq qoıýshy: Qurmetti «Altyn qaqpa» oıynshysy, sizge qoıatyn suraǵym: eki sannyń qosyndysy 8, aıyrmasy 2, kóbeıtindisi 15. Osy sandardy tabyńyz. (oıynshy jaýabyn beredi)
Júrgizýshi: Jaýabyńyzdy qabyldap, durys jaýabyn tyńdaımyz.
Suraq qoıýshy durys jaýabyn oqıdy. (5; 3). Tas qaqpa ashyldy.

Júrgizýshi: Tas qaqpa ashylyp, kúmis qaqpaǵa da jettik, suraqty tyńdańyz.
Suraq qoıýshy: Qurmetti «Altyn qaqpa» oıynshysy, sizge qoıatyn suraǵym: túngi saǵat 12 - de jańbyr jaýyp turdy. 72 saǵattan keıin kún kórýge bola ma?
Júrgizýshi: Jaýabyńyzdy qabyldap, durys jaýabyn tyńdaımyz.
Suraq qoıýshy durys jaýabyn oqıdy: joq, 72 saǵat - 3 táýlik, ol túngi mezgil. Jaýap durys bolsa, kúmis qaqpa ashylady.
Júrgizýshi: Kúmis qaqpany da ashtyq, ary qaraı «Altyn qaqpany» ashýǵa qalaısyz. (oıynshynyń kelisimimen kelesi qaqpany ashýǵa bolady)

Júrgizýshi: Al endeshe «Altyn qaqpaǵa» jaqyndaıyq (ádettegideı suraq tańdalady)
Suraq qoıýshy: Qurmetti «Altyn qaqpa» oıynshysy, sizge qoıatyn suraǵym: Mıllıon sózin qazaq arasyna jetkizýshi aǵartýshy ǵalym kim? (oıynshy jaýap beredi)
Júrgizýshi: Jaýabyńyzdy qabyldap, durys jaýabyn tyńdaımyz.
Suraq qoıýshy durys jaýabyn oqıdy: Mıllıon sózin qazaq arasyna jetkizýshi aǵartýshy ǵalym Y.Altynsarın.
Júrgizýshi: Altyn qaqpada ashyldy. Endigi kezek «Altyn qaqpa» ishindegi «Altyn sandyqty» ashý, oǵan qalaı qaraısyzdar. (oıynshynyń kelisimimen jalǵasady)
Suraq qoıýshy: «Altyn qaqpa» oıynshysy, sizge qoıatyn suraǵym: Úsh jarym taıaqtyń neshe ushy bar? (oıynshy jaýap beredi)
Júrgizýshi: Jaýabyńyzdy qabyldap, durys jaýabyn tyńdaımyz.
Suraq qoıýshy durys jaýabyn oqıdy: 3, 5 taıaqta 8 ush bolady.

Júrgizýshi: Altyn qaqpanyń altyn sandyǵyn da ashtyq, sonymen búgingi «Altyn qaqpa» oıynynyń jeńimpazy 10 synyp oqýshysy --------------------------- quttyqtaımyz.
Júrgizýshi: Oıynymyzdyń sońyda 10 synyp oqýshysy ----------------------- án shyrqaıdy.

Qorytyndylaý.
Eskertý: Bul oıynǵa birneshe oqýshy qatysady, soǵan qaraı suraqtardy da kóbeıtýge bolady.