InfoHub Logo

Bir úlken meıram aldynda, ákesi balalaryn qýantý úshin úıine ártúrli jemis alyp keldi. Lenochka degen kishi qyzy sol keltirgen kóp jemistiń ishinde, syrty altyndaǵan shetteýikterge qyzyǵyp, sony maǵan ber dep qoımady. Sheshesi aıtty:
- Bul shetteýikter tek ádemilikke istelgen, mynalardy al,- dep, bótenderin berip edi, Lenochka jylaı bastady:
- Men qara shetteýikti almaımyn, altyn tystysyn alamyn, onyń ishindegi dáni de tátti shyǵar- dep. Sheshesi til almaıtyn qısyq balanyń degenin istegennen artyǵy joq ekenin oılap, Lenochkaǵa altyn tystylaryn, bóten balalaryna bóten shetteýikterdi taratyp berdi. Lenochka qýanyp shetteýikterin dereý shaǵa bastady, qarasa, biriniń de ishinde dáni joq, bos qabyqtar eken. Muny kórip qasyndaǵy balalar mazaqtap kúle bastady. Sonda atasy aıtty:
- Bul shetteýikter jeý úshin istelgen emes, tek kózge ádemi kóriný úshin qoıylǵan; men shetteýikterdiń bos qabyǵyn alyp, syrtyn kúmispen boıap qana qoıyp edim, ekinshi ret ne nárseniń de qur syrtyna qarap qyzyqpa, asyly ishinde bolar,- dedi.

---