InfoHub Logo

Bedeldi «The Best School» amerıkalyq uıymy ál-Farabı atyndaǵy QazUÝ-dy Qazaqstannyń úzdik joǵary oqý orny dep atady, dep ýnıversıtettiń baspasóz qyzmeti habarlaıdy.

«The Best School» bilim berý máselelerimen aınalysady jáne stýdent jastarǵa bilim berý baǵdarlamalaryn, oqý men joǵary oqý ornynyń geografıalyq ornyn durys tańdaýǵa kómektesedi.

Jyl saıyn atalmysh uıymnyń táýelsiz baǵalaýy negizinde ár elde úzdik JOO ańyqtalady. Mysaly, AQSH-ta - Garvard ýnıversıteti, Ulybrıtanıada - Kembrıdj, Kanadada - Toronto, Reseıde - M. Lomonosov atyndaǵy MMÝ, Qytaıda - Sınhýa, Japonıada - Tokıo, Ońtústik Koreıada - Seýl ulttyq ýnıversıteti, Týrkıada - Ystambul ýnıversıteti, Saýd Arabıasynda - Kıng Abdýlazıs ýnıversıteti bar.

Atap ótý qajet, «The Best School» usynǵan joǵary oqý oryndarynyń reıtıńi sheteldik stýdentter men ata-analar úshin álem boıynsha úzdik ýnıversıtetti tańdaýda jol kórsetýshi bolyp tabylady.

Reıtıńke enýdiń basty talaby - eń aldymen, bilim berý sapasy. Sonymen qatar joǵary oqý ornynyń ǵylymı-zertteý qyzmeti, bilim berý baǵdarlamarynyń sapasy, akademıalyq bedel, ǵylymı jetistikter, túlekterdiń tabystylyǵy, ınfraqurylymdyq damý deńgeıi jáne taǵy basqa kórsetkishter esepke alynady.

Ál-Farabı atyndaǵy QazUÝ-dyń halyqaralyq reıtıńterdegi kóshbasshylyq oryndary - ýnıversıtet ujymynyń bilim berý men ǵylymı-zertteý qyzmetin ınternasıonalızasıalaý jáne halyqaralyq básekege qabilettilikti arttyrýdaǵy júıeli jumysynyń jemisi.

---