InfoHub Logo

Taqyryby: Ana - baqyt, ana - nur
Maqsaty: Ár adam úshin basty tulǵa – ana týraly, ananyń bıik qasıeti týraly áńgimeleý.
Balalardyń tilderin, oılaý qabiletin damytý.
Analaryn syılaýǵa tárbıeleý.
Kórnekiligi: slaıd - shoý
Keıipkerler: baýyrsaq, ata, áje, qoıan, qasqyr, aıý, túlki.
Men:
- Qosh, keldińizder, aıaýly analar, qadirli ustazdar! Kóńilderińizge kóktem shýaǵyndaı sezim men nur quıyp, 8 – naýryz merekesi de kelip jetti. Osynaý kóktem merekesiniń qaı kezde de orny bólek. Olaı bolatyny, analarǵa ystyq sezim, alǵys pen qurmet eshqashan sónbek emes. Olar – ómirdiń gúli, kóńildiń jyry, ár otbasynyń altyn dińgegi. Mynaý tynymsyz tirshilik pen keń dúnıeniń ózi tek analar men ajarly tańmen birge árbir sábı júregi óziń dep soqsa, búgingi «Ana baqyt, ana - nur» atty erteńgiligimiz sizderge arnalady. Endi balalarymyzdyń ónerin tamashalańyzdar.

İ júrgizýshi: Toı perdesin ashaıyq,
Toıǵa shashý shashaıyq.
Analardy qurmettep,
Án marjanyn ashaıyq.

İİ júrgizýshi: Sizderden ósken balalar,
Batyrlar men danalar.
Quttyqtaımyz meırammen,
Qurmetti abzal analar!

İ júrgizýshi: - Qymbatty, aq jaýlyqty ájeler, asyl analar! Sizderdi kóktem aıynyń eń alǵashqy meıramy 8 – naýryz merekesimen quttyqtaımyn!
İİ júrgizýshi: - Kóktemgi kúnniń kózindeı jyly júzdi, nurly kelbetti analarymyzdy, synyptas qyzdardy kóktemniń shuǵylaly merekesimen quttyqtaımyn!

İ júrgizýshi: Erte, erte, ertede, eshki júni bórte de ata men ájeı ómir súripti. 8 – naýryz meıramy da keldi. Atasy ájeıge...
Ata: Ájesi, 8 – naýryz meıramyna ystyq baýyrsaq pisirseńshi.
Áje: Pisirsem, pisireıin atasy. (Ájeı baýyrsaq ıleıdi)
Senim: Áje baýyrsaqty ılep, peshke pisirip aldy. ( Áje baýyrsaqty peshke salady)

Áje: Baýyrsaǵym qandaı meniń, sap - sary, ózi dámdi, ıisi qandaı tátti. Ózi ystyq, tereze aldyna qoıaıyn sýysyn.
Mahabbat: Áje baýyrsaqty tereze aldyna qoıyp qoıady. Ata ájege...
Dımash: Kempirim, bilesiń be, nemerelerimiz kelgende bizge án aıtýshy edi ǵoı, sol ándi saǵynyp otyrǵanym.
Aıaýlym: Iá, keremet án aıtýshy edi.
İ júrgizýshi: Ata, áje qyzdaryńyz sol ásem ándi sizderge oryndap bersin.
Án: «Anashym» oryndaıtyn Bıbolatqyzy Erkenazym
İ Júrgizýshi: Ata, áje bizdiń balalar ájelerine arnaǵan taqpaqtaryn aıtyp bersin.

Aıaýlym:
1. Ertegisi qandaı kóp,
Kúnde aıtyp beredi.
Qýanatyn balasha,
Apam meniń tamasha!
Dáýlet:
2. Meniń ájem aq ájem,
Ul men qyzdyń baǵy ájem.
Ertegi aıtyp ber deseń,
Aıtyp berer taǵy ájem.