InfoHub Logo

Taqyryby: «Ana bizdiń kúnimiz»
Jibek: Toı perdesin ashaıyq
Toıǵa shashý shashaıyq
Analardy qurmettep
Án – marjanyn shashaıyq

Án: «Anashym»
Tárbıeshi: Adam balasy úshin eń aıaýly, eń qasterli sóz - ana. Bala dúnıege kelgen kúninen bastap óziniń jumsaq alaqany jyly júzi, ystyq qushaǵy, meıirim toly kózqarasy arqyly barlyq súıispenshiligin, meıirimdilik mahabbatyn bere bilgen. Adam boıyndaǵy barlyq qasıet kúnniń nurynan, ananyń aq sútinen taralǵan. Sondyqtan da, balalar analardy qurmetteıik, nurǵa bóleıik, analar aldynda bas ıeıik. Olaı bolsa, búgingi merekemizdiń taqyryby osy qasıetti «Ana» esimi bolmaq.
Búgin Naýryzdyń segizi
Sulýlyqtyń negizi
Ádemi sóz
Adamnyń anaǵa aıtar lebizi
- Endeshe, qazir balalardyń jyly lebizderin tyńdaıyq.

Dınara: Ana deımiz bárimiz de ańqyldap
Ana deıdi jas sábı de jarqyldap
Ana degen báıteregi ómirdiń
Ana degen altyn qazyq, altyn baq
Serik: Balanyń da tiregi
Dananyń da tiregi
Shanshymasyn eshqashan
Analardyń júregi

Aqbota: Mápeleısiń meni, anam
Qolyńdaǵy qusyńdaı
Qulpyra ósip dem alam
Qushaǵyńda qysylmaı
Tárbıeshi: Myń buralǵan arýlar ańdap basyp
Keledi mine ortaǵa tolqyp tasyp
Arýlaryn syılaǵan halqym meniń
Kóńildi qoshemetpen qarsy alaıyq

Bı: «Malınka» (qyzdar men uldardyń oryndaýynda)
Tárbıeshi: Búgingi qyzdardyń merekesine, uldarymyzdyń daıyndaǵan án – shashýy bar, ázil – syqaq ánin qabyl alyńyzdar.
Án: «Sý tasýshy qyz»
Erlan: Erkelesem kúlimdeıtin
Urysqany bilinbeıtin
Mańdaıymnan ıiskep meniń
Qulynshaǵym kúnim deıtin
Aısulý: «Ana» degen sózdi de
«Apa» degen sózdi de
«Áke» degen sózdi de
«Táte» degen sózdi de
«Aǵa» degen sózdi de
Hormen balalar: «Oılap tapqan balalar»
Danıar: Kúnim, janym degendi
Qulynshaǵym degendi
Botaqanym degendi
Aınalaıyn degendi
Tolǵan aıym degendi

Hormen balalar: «Oılap tapqan analar»
Án: «Mereke kúnińmen»
Oıyn: «Gúldi kim kóp jınaıdy»
Tárbıeshi: Qulynym deıdi ájem
Biraq men balamyn
Áppaǵym deıdi ájem
Biraq men qaramyn – dep Shómishbaı Sarıev degen aǵamyzdyń óleńinde aıtylǵandaı bizdiń qýanyshymyz ben renishimizdi anamyzben teń bólisetin, árqashanda meıirimdi júzben, saǵynyshty kóńilmen bizdi qarsy alatyn adam bar. Ol kim?

Balalar: Ol – bizdiń ájemiz.
Tárbıeshi: Osy jerde otyrǵan ájelerimizdiń qurmetine bir án salyp bereıik. Bul án barlyq balalardyń ájelerine arnalady.
Án: «Aq ájem»
Oıyn: «Kimniń daýysy tabaıyq» (anasy, ájesi daýystaıdy, balasy ajyratady)
Indıra: Taýsylmaıdy óleńi
Kúnde aıtyp beredi
Barǵan saıyn qonaqqa
Kámpıt alyp keledi
Ájem meniń óıtkeni
Óte jaqsy kóredi
Marat: Aınalaıyn degeni
Janǵa raqat beredi
Kóńilińdi tabady
Ándi qalaı salady

Tárbıeshi: balaǵa degen ana mahabbaty «besik jyrlary» arqyly berilgen. Ana balasyn besikke bólerde eń aldymen besik jyryn aıtady eken. Endeshe, bizdiń qyzdarymyz analarynyń aıtqan besik jyryn aıtyp bersin.
Dılnaz: Áldı, áldı, ál bópem
Aq besikke jat bópem
Jylama bópem jylama
Jilik shaǵyp beerıin
Baıqutannyń quıryǵyn
Jipke taǵyp bereıin

Oıyn: «Maqaldyń jalǵasyn tap» (ata – analarmen)
1 bala shyǵyp maqaldyń bastapqy sózin aıtady, anasy sol maqaldyń jalǵasyn tabady. Ananyń súti...., Balanyń tili...., Qyz ósse...., gúl ósse....
Anaǵa qarap...., ákege qarap.....,
Tárbıeshi: Bala tili – bal degendeı balalardyń shyn júreginen shyqqan, analaryna
degen tilekteri bar, sony oqyp bereıin. (ár balanyń tilegi oqylady)
Tárbıeshi: Iá, balaryńyz aıtqandaı aýyrmańyzdar, baqytty bolyńyzdar, árdaıym ádemi, súıkimdi bolyp júrińizder. Osy tilek bildirýshi balalaryńyzdyń atynan «váls» bıin qabyl alyńyzdar.
Kóktem: Sálem óren dostarym
Alaqandy tos báriń
Qymbatty syı alyńdar
Qyzyǵyma qańyńdar
Mine, balalar bul meniń mol baılyǵym. Qyzdarymyz shashtaryna myna rezınkany taǵyp, kóktemdeı qulpyryp júrsin dep ákeldim. (Uldar qyzdarǵa tapsyrýǵa kómektesedi)

Bı: «Cha - cha - cha»
Tárbıeshi: Baryna rıza bolyńyzdar
Úıretermiz bilmegenin
Osymen bul qyzyqty qorytyndylasaq
Taǵy da úıretermiz aman bolsaq
Merekeniń sońynda balalar ózderiniń qolynan jasaǵan syılyqtaryn analaryna tapsyrady.