InfoHub Logo

Tárbıe saǵatynyń taqyryby: «Ana tilim — dana tilim, baq tilim!»
Maqsaty: Oqýshylardy týǵan tilimizdi qurmetteı bilýge baýlý.
Mindetteri: Balanyń sóıleý tilin damytý arqyly sózdik qorlaryn molaıtý;
oı – órisin keńeıtý;
Jas urpaqtyń patrıottyq sezimin oıata otyryp elin, jerin súıýge, qurmetteýge tárbıeleý.
Túri: Áńgime, suraq — jaýap.
Kórnekiligi: ınteraktıvti taqta, ulaǵatty sózder.

Barysy: Salamatsyzdar ma, ustazdar, oqýshylar. Búgingi «Ana tilim — dana tilim, baq tilim!» atty ashyq tárbıe saǵatymyzǵa qosh keldińizder!
Qazaqstannyń memlekettik tili – qazaq tili. Qazaqstan – kóp ult ókilderi mekendeıtin memleket. Mundaı memleket úshin memlekettik til qajet. Prezıdentimiz Nursultan Nazarbaev óz joldaýynda «Ulttyq til – qazaq ultynyń rýhanı, mádenı baılyǵyn urpaqtan urpaqqa jetkizýshi qasıetti qural» dep kórsetken bolatyn.
Qazaq tiliniń mártebesin ósirý úshin jáne memlekettik tilimizdi qasterleýge, qurmetteýge tárbıeleý úshin elimizde kóptegen is – sharalar júrgizilip keledi. 22 qyrkúıek – Qazaqstan Respýblıkasy halyqtarynyń tilder merekesi. Eń aldymen, bul barsha elge ortaq jalpy halyqtyq mereke, barlyq ult ókilderine kórsetilgen qurmet.
Qazaqstanda 100 – den astam ult ókilderi turady, árbir ulttyń eń úlken, eń negizgi anasy týǵan tili bolyp sanalady. Ana tili – árbir ulttyń, ulystyń maqtanyshy, kóziniń qarashyǵyndaı kóretin qazynasy, asyl murasy.
Elimiz táýelsizdik alǵannan keıin 1997 jyly 11 – shildede Qazaqstan Respýblıkasynyń Parlamenti «Til týraly» jańa Zańyn qabyldady. 2007 jyl «Memlekettik til jyly» dep jarıalandy.

Nýrken
SÚIEM ÓZ TİLİMDİ
Súısem óz tilimdi,
Bolamyn bilimdi:
Óz tilim úıreter,
Ónerdi, ǵylymdy.
Súıem óz tilimdi.
Ádibaı Tabyldy

Asemgýl
ANA TİLİ SABAǴYNDA
- Ana tili tym ońaı!
Dep Kúldirgen tyńdamaı
Terezege qarady,
Terekterdi sanady.
Ony kórip muǵalim,
Qoıdy kenet suraǵyn:
- Aıtshy, turyp sen endi
Anyqtaýysh degendi.
- Anyqtaýysh … Árıne …
Anyqtaıdy bárin de …
Kúbir sózi uzaryp,
Kúldirgen tur qyzaryp.
Ana tilin bilmeseń,
Ah urasyń kúnde sen.
Ádibaı Tabyldy

Sanat
ANA TİLİŃ – ARYŃ BUL
Ana tiliń bilip qoı,
Erkindigiń, teńdigiń.
Ana tiliń bilip qoı,
Maqtanyshyń, eldigiń.
Ana tiliń – aryń bul,
Uıatyń bop tur bette.
Ózge tildiń bárin bil,
Óz tilińdi qurmette! Q. Myrzalıev

Álınur
ANA TİLİNE TAǴZYM
Ana tili – bizdiń týǵan anamyz!
Anamyzdaı syılap, baǵyp - qaǵamyz.
Ana tilin baǵalasaq, qalaı biz
Ózimizdiń sondaı bolmaq baǵamyz.
Ana tilin kim aıalaı bilmese,
“Anasynan bezgen ul!” – dep qarańyz.
M. Álimbaev

Aqarys
ANA TİLİ
Aqyl - oıyn adamnyń
Ana tilden alamyn.
Ana tilim ardaqty,
Aq sútindeı anamnyń.

Ósirgen oı bilimdi,
Súıem týǵan tilimdi.
Maqsat etem ár sózdiń
Mánin tereń bilýdi.
Á. Tabyldy

Qanat
ANA TİLİM
Ana tilim – uranym,
Ana tilim – quralym,
Ana tilim – bolmasa
Myqty bolmas turaǵym.
Ana tilim – eldigim,
Ana tilim – erligim.
Ana tilim – bolmasa
Bútindelmes kemdigim. S. Káttebaıuly

Nurlyhan
ANA TİLİ
Meıiri mol balaǵa
Barlyq, barlyq anaǵa,
Basymyzdy ıemiz,
Babamyzdyń tili dep.
Dalamyzdyń úni dep,
Ana tilin,
Ana tilin,
Ana tilin súıemiz. Sh. Sarıev

Azamat
Týǵan tilim – babam tili — óz tilim.
Týǵan tilim – anam tili — óz tilim.
Týǵan tilim – dalam tili — óz tilim.
Týǵan tilim – adam tili — óz tilim. (D. Ábilev)

Dınara
ANA TİLİM, KÚMBİRLE SARAIYMDA!
Tilin bilgen Abylaı, Abaıym da,
Qudiret bergen ana til talaı ulǵa.
Qasıetti sol tildiń arqasynda
Erikti el bop alysqa qaraıyn da.
Ana tilim, kúmbirle saraıymda!
Ana tilim — dana tilim, baq tilim! júkteý