InfoHub Logo

"Ana tiliń - aryń bul, uıatyń bop tur bette," - dep aǵıyq aqyndarymyz jyrlap ketip edi. Biraq qazirgi tańda ana tilimiz qanshalyqty uıatymyz bop tur?! 

Qazirgi jastar, óskeleń urpaq, jetkinshekterdiń, ásirese qaladaǵy turatyndar óz ana tilderinde sóıleýdi qoıdy desek te bolady. Qazaq tiliniń janashyry retinde osyndaı jaǵdaıdy ár kúni kóre júrip, tilimizdiń bolashaǵyna alańdamaı tura almadym. Óz týǵan tilińdi bilmeý, onymen sóılemeý, ony qurmettemeý ne degen baqytsyzdyq edi?!

Óz tilinde sóıleýge eń birinshi sebep bolatyn árıne ata-ana, otbasy. Balaǵa tárbıe bere otyryp, ómir súrýdiń barlyq qajettilikterin úırete otyryp nege ana tilinde sóıleýdi qadaǵalaýdy aldyńǵy orynǵa qoımasqa?! Tildiń Otannan keıingi ár bir ulttyń,  ár bir adamnyń ózimen birge týyp, birge ketetin, on eki múshesinen de mańyzdy ekenin uǵyndyrý, boıyna sińirý ár bir ata-ananyń mańyzdy mindeti ekenin ár birimiz sózsiz uǵynýymyz kerek. Bala ata-ananyń aınasy, kóleńkesi, jalǵasy. Ata-anasynyń boıynan kórgenin qaıtalaıtyn, sony durys dep sanaıtyn balaǵa ata-ananyń óz tilinde sóıleýi de eń aldyńǵy tárbıe. 

Birneshe til bilý - bizdiń zamanymyzdyń talaby bolyp turǵany ras. Ony eshkim joqqa shyǵara almaıdy. Degenmen "Ózge tildiń bárin bil, óz tilińdi qurmette" degendi nege eske saqtamaımyz?

Madına Kýandykova

---