InfoHub Logo

Taqyryby: «Anaǵa qurmet!» (8 naýryz halyqaralyq áıelder kúnine arnalǵan saıystyq baǵdarlama)

Maqsaty:
Tárbıelik: Oqýshylardyń rýhanı adamgershilik, tulǵalyq qabiletterin damytý, qyz balalardy syılaýǵa, qurmetteýge tárbıeleý.
Damytýshylyq: Jas jetkinshekterdiń mádenı – bos ýaqytyn tıimdi paıdalanýǵa belsendirý.
Bilimdilik: Oqýshylardy dúnıedegi jaqsylyq ataýlarynyń bári kúnniń
nurynan, ananyń meıiriminen taralatynyn uǵyndyrý.

Bastapqy sóz: muǵalim sózi
Topqa bóliný: sýretterdi qurastyrý arqyly topqa bólinedi.

1 Júrgizýshi Nábı:
Ákeletin otbasyna bereke eń,
Áz analar aramyzda kóp eken.
Jyl qusyndaı kóktem saıyn oralar,
Qutty bolsyn nurǵa toly merekeń!

2 Júrgizýshi Móldir: Búgin osy zalda biz kóktemniń erekshe meıramy qyzdar men analar meıramyn atap ótýge jınalyp otyrmyz. Bir sózben aıtqanda halyqaralyq áıelder kúni 8 naýryz meıramymen quttyqtaımyz!
1 Júrgizýshi Nábı: Qurmetti asa qadirli ustazdar, qyz - qyzǵaldaqtar. Qar astynan qyltıyp báısheshek boı kótergende kóktemniń alǵashqy habarshysyndaı bolyp Analar merekesi keledi.

2 Júrgizýshi Móldir: Báısheshek sonshalyqty náziktigine qaramastan qardyń astynan búrshik jarady. Bizdiń arý qyzdarymyz sonshalyqty náziktiligine qaramastan barlyq qıyndyq ataýlyǵa tózimdi.

1 Júrgizýshi Nábı:
- Analar jáne arýlar! kóktemgi kúıden jarqyrap, gúldeı qulpyrǵan merekelerińiz – kún merekelerińiz qutty bolsyn!

2 Júrgizýshi Nábı. Al, endi bul meıramnyń shyǵý tarıhyna toqtalaıyq.
Alǵashqy áıelder kúni Germanıada, Avstrıada, Danıada jáne Shveısarıada 1911 jyly 19 - naýryz kúni sherýler uıymdastyrý arqyly atalyp ótti.
Kelesi jyly 12 - mamyrǵa aýystyryldy. Al 1913 jyly Germanıalyq áıelder 12 - naýryz kúni sherýge shyqty. Dál osy jyldyń 2 - naýryzynda Reseı men Fransıada, 9 - naýryz kúni Avstrıada, Chehıada, Vengrıada, Shveısarıada jáne Golandıada áıelderdiń sherýleri uıymdastyryldy.

1Júrgizýshi Nábı:
1921 jyly Keńes odaǵynda Komýnıstik áıelderdiń ekinshi konferensıasynyń sheshimimen 8 - naýryz Halyqaralyq áıelder kúni dep jarıalandy.
1965 jylǵy 8 - naýryzdan bastap Halyqaralyq áıelder kúni Halyqaralyq áıelder merekesi jáne demalys kún bolyp jarıalandy.

2 Júrgizýshi Móldir: Sonymen, búgin biz osy zalda «Tapqyr bolsań taýyp kór» atty saıysymyzdy ótkizýge jınalyp otyrmyz.

1Júrgizýshi Nábı: Endeshe synyp saǵatymyzdy Álıdiń taqpaǵymen bastaıyq.
Álı:
Ana desem, alǵys alam halqymnan,
Ana desem, teńiz bolam shalqyǵan
Ana desem, ashylady qabaǵym
Ana desem, ádildikti uǵamyn