InfoHub Logo

«Analardyń kóńili, kóktemdeı jaınap gúl ashsyn!»
Tárbıeshi: - Qurmetti ájeler, analar! Qurmetti balabaqsha qyzmetkerleri. Búgin sizderdi kúpten kútken 8 - naýryz halyqaralyq áıelder kúnimen quttyqtaımyz. Mektepaldy daıarlyq tobynyń «Analardyń kóńili, kóktemdeı jaınap gúl ashsyn!» atty erteńgiligine qosh keldińizder. Mektepaldy daıarlyq tobynyń tárbıelenýshilerin ortaǵa shaqyramyz.
Uldar kiredi. Sappen júrip kele jatyp jarty sheńberge turyp jan – jaǵyna qaraıdy da ıyqtaryn kóteredi.
Mýslım:- Ma, balalar, zaldyń ishi ádemi bolyp ketipti, qarańdarshy.
Balalar:- Ia, shynymen.
Saılaý:- Ata - analarda jınalypty.
Dıas: - Balalar, bizdiń toptyń qyzdary qaıda?
Balalar:- Bilmeımiz.
Dıas: - Búgin qyzdardyń merekesi ǵoı.
Mýslım: - Ata - analar, bizdiń toptyń ádemi qyzdaryn kórdińizder me?
Ata – analar:- Joq kórmedik.
Baqdáýlet: - Gúlsim Tileýlesqyzy múmkin siz kórgen shyǵarsyz bizdiń toptyń sulý qyzdaryn?
G. Tileýlesqyzy:- Joq kórmedim.
Dıas:- Sveta Jaıshylyqqyzy siz de kórmedińiz be?
S. Jaıshylyqqyzy:- Joq kórmedim.
Osy kezde bir - biriniń qoldaryn ustap qyz balalar zalǵa kiredi.
Uldar: - Ma, bizdiń toptyń qyzdary kele jatyr.
Qyz balalar ul balalardyń qasyna kelip, eki qoldaryn belderine qoıyp:- uldar, senderge ne bolǵan bizdi tobymyzda qaldyryp.
Uldar:- Qyzdar keshirińder, merekeleriń qutty bolsyn.
Baqdáýlet: - Uldar ne turys, qyzdardy bıge shaqyraıyq.
(uldar men qyz balalar váls bıin bılep bolyp, otyratyn oryndyqtarynyń qasyna kelip tura qalady)
Tárbıeshi:
Qadirli ájeler, analar kóńili.
Kóktemdeı jaınap gúl ashsyn.
Baqytqa toly ómiri -
Shattyqqa shattyq ulassyn.
- Balalar, senderdiń ájeleriń barma?. Ájelerińdi jaqsy kóresińder me? (Balalardyń jaýaby)
- Durys aq, ájelerińdi jaqsy kórmesek bolmaıdy, olar qaıyrymdy, súıikti adamdar. Ájeleriń senderdi óte jaqsy kóredi jáne de senderge ertegi oqyp beredi.
- Senderde neshe áje bar?
Balalar:- Eki ájemiz bar. Týǵan áje jáne naǵashy áje.
Tárbıeshi:- olaı bolsa, káne balalar, ájemizge arnap óleń, taqpaqtarymyzdy aıtaıyq.
Erasyl:
Búgin naýryzdyń segizi,
Sulýlyqtyń negizi,
Ádemi sóz adamnyń,
Anaǵa aıtar lebizi.
Armysyń ájelerim, analarym.
Meıirban appaq kóńil danalarym
Gúl kóktemniń alǵashqy meıramymen
Quttyqtaıdy sizderdi balalaryń.
Ásem:
Meniń ájem jyr ájem.
Shýaǵy mol nur ájem.
Aq taıaqqa súıinip.
Aman - esen júr ájem.
Meni ájem jyr ájem.
Ul men qyzdyń baǵy ájem.
Ertegi aıtyp ber deseń
Aıtyp berer taǵy ájem.
Temirlan:
Áje degen kóp shyǵar.
Ájemdeı meniń joq shyǵar.
Meıirimdi bul kisi.
Qandaı ásem kúlkisi.
Ertek qandaı kóp edi.
Kúnde aıtyp beredi.
Qýanatyn balasha.
Ájem meniń tamasha.