InfoHub Logo

Sabaqtyń maqsaty:
Ana men balanyń arasyndaǵy qarym - qatynastyń erekshelikterin oıyn arqyly kórsetý. Qaıyrymdy bolýǵa, úlkenge, kishige qamqor bola bilýge tárbıeleý:
Sabaqtyń kórnekiligi: sharlar, fotosýretter, júrekshe.

Sabaqtyń barysy.
Shattyq sheńberi: «Júrekten júrekke».
- Búgingi sabaǵymyzdy bastamas buryn bir - birimizge jaqsy nıetimizdi bildirip, tilek aıtyp, sabaǵymyzdy bastaıyq.
(Oqýshylar sheńber quryp turady. Muǵalim júrekshe beınesin ustap turyp tilek aıtyp, óziniń oń jaǵynda turǵan oqýshyǵa usynady. Ol oqýshy da júreksheni ustap turyp tilek aıtyp, óziniń oń jaǵyndaǵy kórshisine beredi. Osylaısha barlyq balalar bir - birine jaqsy tilekterin bildiredi)
/Mýzyka oınap turady. Muǵalim jumbaq oqıdy/.
Álpeshtep ózińdeı ósirgen,
Naǵashy ájeńniń balasy.
Tórinde jalpıyp kósilgen,
Bul kúnde jıenniń anasy
Ol kim?
(Anań)
Ana baqyty men ana mahabbaty – onyń bolmysy men ómiriniń máni, qos qanaty.
Abý Hýraıra jetkizgen raýaıatta aıtylady, bir adam Paıǵambarymyzǵa kelip «Ia Allanyń Elshisi, qurmetke bárinen laıyqtysy kim?»- dep suraıdy.
Paıǵambarymyz:
– Anań, – dep jaýap berdi.
– Al odan keıin kim?
– Anań, – dedi ol.
– Al taǵy kim?, — dep úshinshi ret surady álgi adam. Paıǵambarymyz taǵy da:
– Anań, – dep jaýap berdi.
Meniń bul áńgimem analar týraly, eń jaqsy ana týraly.
Ana týraly ár ult adamdary da jyly sózder aıtqan eken - dep
/ Belınskıdiń, Gúgo, Balzaktyń sózderi taqtaǵa ilinedi/.
Dúnıede ana mahabbatynan qasıetti nárse joq. Onyń aldynda adamdy yntyqtyrýshy ózge dúnıeler álsiz keledi.
V. G. Belınskıı
Náziktik ataýlynyń jıyntyǵy – ananyń alaqany, sondyqtan da ol – sábı úshin eń jyly uıa.
V. Gúgo
Ana kóregendiginiń teńdesi joq. Ana men balanyń arasyn kózge kórinbeıtin tylsym syrly jip jalǵap turady.
O. Balzak
Ana – júrek, júrekti qudirette.
Ana – tirek, tirekti qurmette,
Ana – shyńyń, shyńyńa saǵynyp jet.
Ana – kúniń, kúnińe tabynyp ót. – dep jyrlaǵym keledi.
Kez kelgen adamnyń ádeptiligi men jan dúnıeniń sulýlyǵy, eń aldymen balaǵa aq sútin berip, álpeshtep ósirgen ana júreginiń jylýynan bastalady. Bala boıyndaǵy eń jaqsy qasıetter bizge aldymen anadan taraıdy. Ananyń názik úni, jumsaq aıaly alaqany, jan jylýymen aıalaýy bizdi áldılep jubatady.
Búgingi bizdiń taqyrybymyz: «Anammen birgemin» /taqyryp atyn taqtaǵa ilý/

Muǵalim: Balalar, analaryń senderdi qalaı erkeletedi? (Balapanym, appaǵym, qozym, botam, qulynshaǵym, qarǵam, jaryǵym, sulýym...). Endeshe biz de analarymyzǵa arnap erkeletetin sózder jazaıyq
«Sıqyrly taıaqsha» Anaǵa arnalǵan asyl sózderdi sirińke shıimen jazý. /mýzyka oınalyp turady/.
«Ekeýimizdiń sýretimiz!» Anammen birgemin atty fotosýret kórmesin uıymdastyrý. /oqýshylar óz anasymen túsken fotolardy iledi/
Oı - tolǵanys. «Anama Rızamyn» taqyrybynda óleń, esse nemese áńgime jazý..
Muǵalim: Anańa arnap qandaı syılyq jasar ediń? / oqýshylardyń analaryna arnalǵan óz qoldarymen jasalǵan syılyqtary/
«Tilek shamy»./Anamyzǵa myń alǵys taqpaqtaryn oqı otyryp shardan analarǵa arnalǵan gúl jasaý/.
Anamyzǵa myń alǵys
Aıalaǵan, baptaǵan,
Asyraǵan saqtaǵan.
Saqtandyryp kúnde eppen,
Aıtyp bárin úıretken
Anamyzǵa myń alǵys!

Erlik etken biz úshin,
Eńbek etken biz úshin,
Erkeletken bizderdi,
Erkindetken bizderdi.
Anamyzǵa myń alǵys!

«Adal bol, - dep, - baldyrǵan»,
Ádildikke baýlyǵan.
Júreginde – mahabbat,
Tileginde – marqabat
Anamyzǵa myń alǵys!
Qorytyndy.